طغيان رجل&انتقام امرأة🥰

الجزء 24

طغيان رجل&انتقام إمرأة🔥

بأناملي:ساريتا فرح

الفصل الثاني:انتقام امرأة

البارت:92

أعدك أن انتقم لكرامتي التي اهنتها أعدك أن اجعلك تندم على كل دمعة نزلت من عيوني

جاو تقريبا كاع المدعوين وكلشي العائلة كسلو الا لجين لي كانت ذاترقب الباب كأنها كاتنتاضر مجيء شي حد
تابان ليها شي وحدين من المنضمة مشات سلمات عليهوم وكان من ضمنهم آسر دخلو للداخل وكلسو وفي وسط ضحك لجين مع صحابها فجأة تقطع لحس ديالهم
وكلشي كانو كايشوفو في الباب بانبهار هزات لجين عينيها في إيلاف لي تاهي وقفات من بلاصتها دارت عقدات لجين حواجبها باستغراب ودارت وهنا كانت الصدمة سيف وماشي بوحديتو معاه راجل كبير في لعمر ولبنت لي شافت في لعرس مرتو "إيمان" لجين خنزرات فيه ورجعات عطات بضهرها للباب وكملات هضرتها بحال ايلا ماوقع والو
ايلاف شافت لجين ماناضت ستاقبلاتهم وهي تنوض هي وعلي

ايلاف بابتسامة مزيفة:اهلا سيف عاش من شافك
سيف:شكرا مدام إيلاف
ايلاف شافت في ايمان وقالت:مرحبا بيك تانتي
ايمان:شكرا
إيلاف:تفضلو رآه الطبلة لي فيها لجين وصحاب سيف
سيف:شكرا

دخلو للداخل باتجاه ديك الطبلة اما اب سيف لي كان معاهوم مشا جيهة رجال الأعمال لي كان من ضمنهم سيف وداوود
اما سيف وإيمان وصلو لطبلة لجين شمات ريحتو من موراها شافت كلشي ناض سلم عليه
غمضات عينيها وعاودات حلاتهم بقوة وناضت
مدات لايمان هي لولة يديها وابتسامة وبنبرة تابثة دوات

لجين:مدام ايمان مرحبا بيك نورتي لحفلة
ايمان كاطلعها وذاتنزلها بنضرات غريبة رسمات ابتسامة على شفايفها ودوات

ايمان:ميرسي مادموزيل لجين
دارت ثاني لجين عند سيف بقات كاتشوف فيه لمدة وتاهوا في هاد اللحضة نساو رأسهم بجوج نساو فين كاينين ونعازلو على العالم الخارجي بقات غالنضرات هي لي كاتحدث

نضرات سيف النادمة
ونضرات لجين لي كاتعاتبو
لجين ماحسات غاواحد لبنت معاهم من المنضمة لي نغزاتها عاد وعات على راسها

هزات يديها وقالت
لجين:ميسيو سيف عاش من شافك مرحبا بيك
سيف هز يديه وشد في يديها
سيف:ترحب بيك جنة شكرا
بغات لجين تسحب يديها مي سيف كان ضاغط عليها كأنه خايف يفلت يديها وتختفي

جرات لجين يديها بقوة وخنزرات فيه ورجعات كلسات بلاصتها
مر الوقت بسرعة شوية طلقات الموسيقى وناضو ليكوبل كايشطحو

ناضت ايلاف&علي الياس&سيلين لجين&آسر وعصافير لحب دياولنا يحيى&ثرية سيف&إيمان
بقات صفية كاتبقلل تاحسات بشي يد تحطات على كتفها كان رجل كبير شوية في لعمر
دوا الرجل بابتسامة:ترقصي معايا