طغيان رجل&انتقام امرأة🥰

فاتن

التتمة ....

خطات عندها مع إبتسامة حليلوة كيف قلبها ! ودوك عوينات الغزال عندها مبسمين براحة وهي تتسلم على فاتن :

_ عرفتي راه هاد ليام غرقت فالخدمة ! (جرات الكرسي وجلست حاطة صاكها ويديها تترجع بيها شعرها) ياربي على جو شحال زوين خلاتولنا الشتيوة !

فاتن(تبسمو عيونها وشنيفاتها) وي عاد زيان الجو ! الصباح كانت شتاء وشوية دالريح ماشي دلخروج ...

ملاك(عييطت لسيرفور) انمووت بالجوع ! الخدمة هاد ليام كثيرة اافاتن ... (وقف عليها وهي دور عندو وجهها) عفاك كغاتان بالفخوماج وجي دوغونج مايكونش بارد ! (شافت ف فاتن) نتي شنو تاخدي افاتن ؟

فاتن(بلطف) بالصحة مابغيت والو !

ملاك(ربعت يديها على الطبلة) السوجي مابغاوش يسدوه فالأوطيل ! الهضرة عليك تما كثيرة

فاتن(قوست حجبانها ودورت وجهها) أنا ملهية فذنوبي والناس ملهية فيا ، ويلا ماقدتهمش الهضرة بالفوق يهضرو بلتحت ..

ملاك(ضحكت حتى تشابكو رموشها) نتي اصاحبتي خديتلهم الباطرون ومايهضروش فيك ؟ و ضارب كاع على قبلك وسط الأوطيل ديالو و الموظفين والصمعة ديالو تما وليماج لي واخدين عليه ! حتى الهضرة موحال تكفيهوم على هاد الحالة ...

فاتن(ضحكت من فوق قلبها) الى وصلو لوذنيهوم غير يعضوها ! طلعلي بنادم فراسي ....

ملاك: ماتسوقيش احبيبة ! فاش يكون بنادم كايكثر عليك الهضرة عرفيه مقصحاه وكايعاني منك ... و ميسو صامد فين وصلتي؟

فاتن: عادي ! (مكاتبغيش تدخل فالتعاويد على هادشي .. وبالمعقول ! متتبغش تقول لي كاين بالحرف و بالتفاصيل قلييل بزاف ! ) لقى النيميرو ديالك فالدويسيي ؟

ملاك: وي وفين يلقاها من غير الدوسي ديالي ! باينة فيه كايبغيك ...

فاتن(فلتت ليها الضحيكة) نو مشيتي فيه غالط ! (تتطنز طالقة ديييك الضحيكة ديال الرشقة) واش أنا كانتبغى ؟

ملاك(ضحكت من قلبها) ومالك شنو ناقصك ؟ يبغيييك الذيب ماشي غير بنادم !

فاتن(رمشت فيه دوك رميشاتها الخفاف) اها ! ونتي متتبغي متتحبي ؟ مكايعجبك حد ؟ مكاتعجبي حد ؟

ملاك(طلقت ضحكة سادة على فمها بيديها متتسمعش) اش نقولك افاتن ! أنا عيني شوية زايغة لي شفتو يعجبني

فاتن(قلبت دوك العوينات عندها تتضحك) اللهم الزهو ولا زواج القهرة

ملاك(حركت راسها محافظة على ابتسامتها) نو صافي هادشي مبقاش ! حسبيني غانتخطب ... نجمع راسي بزز مني ههههه !

فاتن(فتحت عينيها مرمشة فيها بدهشة) بصح ؟ ايمتا هادشي ؟

ملاك: مكانتش الوقت نقولهالك مي اصلا راه قبل سيمانة هادشي !