طغيان رجل&انتقام امرأة🥰

الجزء 2

طغيان رجل &انتقام امرأة💥

بقلم:ســاريتا فرح

البارت:5

الفصل الأول:طغيان رجل

من بعد ماسالات لحصة خرجو بجوجاتهم غاديين فطريق مجمعين تاكاتسمع ايلاف صوت تيليفونها كايصوني هزاتو قرات الاسم وهي تبتاسم ونطقات بصوت هادئ:ألو
الياس:الو سلام ايلا لباس عليك
ايلاف بتوتر:احم لباس الحمد لله
الياس:مزيان المهم بغيت نقوليك بلي سيمانة جاية كاين العقد قوليها لخالتي صفية وعمي حسن صافي
ايلاف:صافي
الياس:يالاه بسلامة عليك تهلاي فراسك
قطعات ايلاف وبقات كاتشوف فالخوا وتابتاسم داز وقت وهي باقيا هاكاك حتى هضرات رمال مصغرة فيها عينيها
رمال:اللهم ان كان هذا سحر فابطله ياختي اش هاد لحب عندك
إيلاف:(خنزرات فيها)ايه الحب سوقك
رمال:وهو الصراحة تيتيز ولكن كايجيني بحال توع المافيا
ايلاف:بزااف عليك غاجلي
رمال:الله اكبر رجلك گاع
ايلاف:مالك راه سيمانة جاية عدنا العقد
رمال:لاي لاي وأخيرا ناري ياختي ايلاف والياس الصراحة جايين مع بضياتكم طاح لحك وصاب غطاه
ايلاف:تاانا هاكاك كايبان لي فشحال تاع الحوايج كايفهمني حيت كانهضر معاه كانحس براحة وقلبي كايولي يدق بزربا
رمال:هاي هاي وليتي كاتبغيه بلاتي وقفي والله تاولات كاتبغيه هاي هاي
ايلاف:وتاالى بغيتو راجلي وحلالي
رمال:كمليها گاع وقولي زوجي سر سعادتي غدا نلقاك دايرة فالفايس زوجي سر سعادتي او زوجي خد بيدي الى الجنة عيقتي لا
ايلاف:مغيااارة سووقك راااجلي يالاه
رمال:وخا هاكاك الحمارة غانتوحشك والله فراسك اايلاف كانتمنى بصح الياس يكون كيما بغيتي حيت لي داز عليك ماشي قليل ربي يكون معاك والله احبيبة حيت نتي اول صاحبة كاتكون عندي وفية بحال هاكا كلشي لي كايتصاحب معايا غاعلى قبل المصلحة نتي عوضتيني فشحال من حاجة شحال من مرة كنتي كاتسمعي لكلشي همومي وكانبكو وحنل معانقين
ايلاف:ماتقوليش هاكا نتي ختي قبل ماتكوني صاحبتي تفكري هادشي هاشوفي دابا غاتبكيني يالاه
رمال:لالا ماتبكيش انا سكت ولكن بصح نتي الحب ديالي اجي نعنقك
ستووب
(رمال 16سنة صديقة ايلاف منذ الصغر رمال من عائلة غنية كاتكون من اب وام وجوج اخوة ياسر ويسرى غانتعرفو عليهوم مع الاحداث وتاعلى حياة رمال رمال شعرها طويل نسبيا بشرتها بيضاء وعويناتها زورق طايتها غزالة )
بقاو معانقين لفترة تانطقات رمال
رمال:عيقنا لا قربنا لساعة طلقي مني ياختي شديتي فيا بحال المسكة
ايلاف:تفو عليك ماكاتخلي تالحضة مقادة كاتخسري كلشي
رمال:واختي مشاعري مرهفة دبا نگلس نبكي ليك هنا اجا ماسكتني
كملو طريقهوم ضحك ونشاط دازت سيمانة دغيا فهاد سيمانة دارو لعقد وهانهار لعرس لي ختارو يكون غاحفلة فدار بشرى فواحد لبيت گالسة إيلاف لابسة غوب بلونش ولات كاتبان بحال شي اميرة بشعرها العسلي الطويل لي خلاتو مطلوق على راحتو سمعات دقان فالباب هزات راسها بانت ليها صفية ناضت عندها وعينيها عامرين بدموع وبدون سابق انذار تلاحت فحضنها
ايلاف:ماما
صفية:حبيبتي دابا لاش كاتبكي هاد نهار خاصنا نضحكو ماشي نبكو ياك ازوينة ديالي
ايلاف:اه بصح ولكن هادو غير دموع فرحة
صفية:وخا هاكاك يالاه مسحي دموعك غايجي راجلك دابا باش تنزلو بجوج ناس جاو يالاه
ايلاف:وخا اماما
واحد شوي سمعو دقان فالباب عاد دخلات بشرى
بشرى:تبارك الله حجاب الله ربي يحفضك من لعين سعدات يونس دا هاد زين كامل هاد زين كاامل
تبسمات ايلاف بخجل وحدرات راسها وهي تنطق بشرى
بشرى:حنا خلينا نخرجو واحد ضيف مهم جا عندك
خرجات بشرى وصفية تاتسمع دقان فلبيت عاتاني وهي دخل رمال كي شافتها ايلاف قلبات وجهها بزعل
رمال:ايلاف ماديريش هاك عفاك والله ماقدرت نجي من لول
ايلاف:وعلى كاين شي حاجة اهم مني راه واعدتني
رمال:كون تعرفي اش داز عليا ليوم ماما شبعات فيا معيور هاكاك وعصاتني فراسك شحال بكييت
ايلاف:ها سمحيلي احبيبة ولكن علاش اش درتي حشومة عليها
رمال:تانتي ماديهاش فهادشي ليوم نهار زوين ممنوع البكى صافي
ايلاف:صافي وخا
گلسو كايهضرو وكايضحكو حتى جا لوقت لي خاص ايلاف تهبط مشات رمال هبطات للتحت وخلات موراها ايلاف غاتموت من لخوف والتوتر تاشوية تسمع صوت طرق فالباب تالاه دخول الياس بكل اناقة مشا جيهتها قبل ليها جبهاتها وبتاسم ايلاف فديك اللحضة حسات بالفراشات كايلعبو فكرشها شد ليها فيديها وهبطو بجوج تحت تصفيق الناس مرات الحفلة على خير وجات لحضة وداع ايلاف لصفية وعمها بصح عمر عمها حن عليها ولكن ايضا عمرها هي حقدات عليه او كرهاتو بالعكس كانت كاتكن ليه معزة كبيرة عنقات صفية بشدة صفية دائما كانت ليها الملجأ المرهم لي كايداوي جروحها العكاز لي كاتستاند عليها فضعفها كانت ليها الحياة ومافيها وهاهي اليوم كاتبعد عليها كاتبعد على حضنها الدافئ هاهي غادية للحياة جديدة بعيدة عليها وعلى قسوة عمها فيا ترى كيف غاتكون حياتها جيدة؟
يتبع....طغيان رجل&انتقام امرأة💥