طغيان رجل&انتقام امرأة🥰

شوق الاحبة

💄شـــــــــــــوق الأحــــــــبّــــة💄
       الفصل الثالت : صـفـحـة جـديـدة <83>
《°♡ مـا الحــب إلا للــحـبـيـب الأول ♡°》
الجزء400

   #فلاش_باك 🔙🔙

   لاحظت كل التفاصيل من حد وقت دخول رانيا للصالون و سلامها و تعازيها ل خدوج و أسية ، الأمر زعجها و معجبهاش نهائيا دارت فبالها انه مجيتها من أساس ماشي هي تعزي او تواسي و إنما تحاول ترطب قلوبهم من جهتها و تصاحب معاهم و دقة دقة تخطف حكيم من بين يديها !

كل هذا كان غييييرة حارقة وسط قلبها ، افتراضاتها على رانيا كلها خاطئة ، تبعت رانيا بعيونها حتى خرجت عاد ناضت متوجهة لعند أسية ...

نسرين : أسية اجي معايا ...

أسية : فين ولاش ؟

نسرين : ( لمحت بلاصة جنب أسية فارغة و جلست جنبها كتهمس لأذنها ) لاش هاد خيتي جاااية تعزي زعما راها كتمسكن عليكم ...

أسية : ( رفعت حواجبها و خنزرت ) شكون هي ؟؟

نسرين : ( مكرهة تنطق اسمها ) رانيا !

أسية : ( غمضت عيونها بنفاد صبر ، كتسأل واش نسرين بعقلها فهاد الظروف كتهدر فموضوع بايخ ! ضربات فالزيرو حزنهم على طامو و ناس مجموعين وكلشي اهتمت لإنسانة رغم ݣاع المشاكل لي واقعة بينهم احترمت حرقة الموت و الفقدان جات دارت صواب العزو فهدوء و مشات فحالها ، و مرات اخوها و بنت خالتها في نفس الوقت اللي من المفروض توقف جنبهم جاية كتهدر لها عليها بكل وقاحة ! مشعرتش أسية بنفسها رافعة صوتها بحدة ) نسريييين تسطيييتيي ولا دايرة معلابااالكش بموووت دادا غي هاد الصباااح ! جاية كتهظري فالخوا الخوااااوي ؟؟

  العيالات فالصالون وقفو هدرتهم و انتبهو لأسية و نسرين بإنصات ناويات يسمعو و فهمو شنو طاري باش يديو ما يعاودووو ، خدوج استئذنت من العيالات جنبها و ناضت مفقوصة عندهم ...

خدوج : أمالكم اش كاين ؟ أسية !!

أسية : العااار أمّي ديها من قدااامي بلا فضاايح مناقصينش !

نسرين : ( خرجت عينيها ) يااااك ؟؟ جيت نهدر على حقي وليت غنجيب الفضيحة و شوهة !!!

خدوج : ( جرت نسرين محمرة فيها كون صابت تجمع معاها بشي طرشة بقوة الفقايص لي ركبت فيها ) بركي حداا مك بلا صداع ولا طلعي لخربتك هاالعاااار !

   تجمعو الدموع حارين فعيون نسرين و ضربت الدورة ل دروج كدردك طالعة بزربة لبيتها غتموووت بالغيرة حسات كأنهم في لحظة تقلبو عليها و جاو ضددها مع رانيا ، مجا لبالها غير تهز الطيليفون و تعيط لو فين ما كان يحضر داب تبكي و تشكي علييه ، لكن خاب ظنها فاش كيقطع الطيلي عليها ، دقائق وهي كتبكي حتى دخلت امها ...

#رجوع_للواقع 🔚🔚

   قربت منها السعدية كتعنقها و طبطب عليها تهدن و تبرد احسن لها و لهم ...