طغيان رجل&انتقام امرأة🥰

2

★الــعـــقـــيـــمـــة★
        ✤البــــارت ثلاثون✤
❃بقلمي انا:فاطمة الزهراء ش.ر❃

مشات الخدامة وهي تشوف رجاء فولدها ونطقات...

__حبيبي واش بصح بغيتي تمشي مع باباك وتخليني انا هنا بوحدي...؟؟

هاشم:ماما راه غانبات عندو غي ليلة وحدة ونرجع عندك...

رجاء(بحزن مصطنع):ولكن اولدي انا راه كنخاف الى بقيت بوحدي فالدار...!!!

هاشم(دار يدو على فمو كيفكر):اممم وشنو غنديرو..؟ انا مانقدرش نخليك بوحدك وفنفس الوقت راني باغي نمشي مع بابا والى مامشيتش غادي يتقلق بابا....!!

رجاء:امم ماعرفتش فكر معايا فشي حل الذكي ديالي....!!!

هاشم:اامممم لقيييتهااا...

رجاء(بلهفة):شنوو..؟؟

هاشم:يلاه معايا وانا غنقول لبابا يديك معانا اكيد مغاديش يرفض ليا طلبي..

رجاء(تبسمات حيث وصلات لمرادها):اوكي يلاه سير نتا سبقني وانا غنمشي نلبس عليا ونرجع...

بتاسم هاشم بفرح ومشا خرج كيجري لقا باباه هشام حال يديه وعنقو وهو كيضحك...

هشام:ولدي البطل ديالي كيداير...!!

هاشم:الحمد الله ابابا ونتاا...

شاف فيه هشام وهو مبتاسم وركبو فلوطو وركب تاهو باغي يديماري و نطق...

__الحمد الله على كل حال...

زاد بغا يديماري باش يمشيو وهو يوقفو صوت هاشم...

__بابا صبر ماتمشيش ماما غادي تمشي معانا...!!!

هشام(بصدمة)كيفاش غادي تمشي معانا...؟؟

#يـــتـــبــــع...★الــعـــقـــيـــمـــة★
  ✤البــــارت واحد وثلاثون✤
❃بقلمي انا:فاطمة الزهراء ش.ر❃

مع كمل هشام كلامو كانت رجاء وصلات لعندهم وحلات باب السيارة الامامي ونطقات بابتسامة...

__وي هشام انا غادي نمشي معاكم ههه مالك تصدمتي..!!!

هشام(مخنزر):كيفااش غادي تمشي معانا علاااه شكووون قالها ليك ولا شكووون عطااك الاذن...؟؟

هاشم(مبتاسم):وي بابا ماما غادي تمشي معانا حيث هي كتخاف بوحدها فالدار عفاااك ابابا خليها تمشي معانا عفاااك...!!!

هشام:لاا هي مغاادييش تمشي معانا هي غادي تبقا فدارها تال غدا...

هاشم(شاف فماماه لي كانت تاهي كتشوف فيه ونطق بقلق):عفاااك اباابا خليها تمشي معانا الله يخليك عفااك الى كنت عزييز علييك خليها تمشي معانا ولا ننزل نجلس معاها...

هشام(بقلة حيلة ومخنزر فرجاء حيث عاق بلي هي لي محرشا ولدها عليه):صافي زيدي طلعي...!!

تبسمات رجاء وجلسات حدا هشام وهو يشوف فيها ونطق مخنزر...