طغيان رجل&انتقام امرأة🥰

الجزء 12

طغيان رجل&انتقام إمرأة🔥

بأناملي:ساريتا فرح

الفصل الأول:طغيان رجل

البارت:41

تحامات مورا يحيى كادوي ببراءة مزيفة

لجين:بابا يحيى شوف هاد ولدك باغي يضربني بلا حشمة ولاحيا هئ هئ

يحيى تاهوا داير فيها الشهامة دارها موراه زعما كايحامي عليها ودوا زعما كايخلع داوود
يحيى:اسمع نقوليك نتى تمس لي بنتي نتفاهم معاك مزيان تبارك الله ضسرتي ولاش

لجين كاطل عليه من مورا يحيى وتقلي ليه السم زعما

(بخخ مابانت ليكوم لمن كاتشبه هاد بنادمة🙄)

قال داوود
داوود:الآلة فاهيمة سيري لخدمتك يالاه نتهنى من زلافتك واحد شوي😒
لجين خرجات من مورا يحيى ودواث زعما مقلقة

لجين:وخا عقل عقل تجري علي هاعقل راني كانجمع

داوود بمرح:لاعنداك غاتعصيني كانخاف

لجين ضربات فيه يالاه غاتطلع وهي تبان ليها ثرية داخلة من لباب مشات تاتجري عندها معنقاها بادلاتها ثورية العناق وهي دوي لجين

لجين كاتغبن:فراسك أمامي كيف مشيتي حگرو علي هاد لمساخيط هن هن

ضحكات عليها ثرية ونطقات

ثرية:هاقولي لي ابنتي شكون فيهوم ونضربو بصندالة

ضحكات لجين وباستها وتطلعات لفوق عاوتاني بدلات حوايجها بأخرى باش تمشي خدمتها

ستوووووووب

(عرفت راسي زربت عليكوم زربة خااايبة🙃لجين السليماني 24سنة عويناتها باقيين كيف كانو حيت كانت صغيرة عسليين وكبار مايلين للاصفر  بشرتها بيضاء زوينة اما بالنسبة لشعرها هي محجبة لجين عميلة سرية وقرات تاالمحاماة مي ماكاتزاولش هاد المهنة حيت هاد لمهنة إلى عقلتو كانت حلم إيلاف🙄لجين سليماني تشهرات بكونها دائما فين ما تولات شي قضية مايمكن تخسر فيها معروف عليها الجدية والحزم كاتجي غافي لمهمات صعاب
بالنسبة لعلاقاتها ماعندهاش مع حس رجال هي حلم اي رجل بس هي لي ماداياها فحد🤦‍♀️)

سالات لباسها ولبسات حجابها لي زادها جمال على جمال ااخر هبطات لتحت ودعاتهم ومشات لطونوبيلتها سوداء تماما ولكن باينة فيها واش باهضة الثمن ديمارات مخلية موراه هالعجاج

ايوا اسيدنا نمشيو لبلاصة أخرى ولكن هاد لمرة خارج المغرب بالضبط في فرنسا في عاصمة فرنسا باريس نمشيو لأكبر سبيطار في فرنسا صوت الإسعاف مايقرب كاسر صمت لي كاين تما قدام سبيطار بالضبط واقفة بنت قصيرة نسبيا عينيها زورق شعرها مابين طويل وقصير بني اللون لابسة قاميجة زرقاء وسروال ددجين فوق منهم طايليتها البيضاء حدتها بنت أخرى غير هي طويلة وشعرها صفر تاهي عينيها زرقين بيضاء البشرة وحداهوم مجموعة دالاطباء تابانت ليهوم الإسعاف جاية وراها جوج آخرين الإسعاف لولة فيها إمرأة تكون فالارباعينيات من عمرها على جسمها إثر حروق تكلف بها واحد من دوك الاطباء ومشاو معاه شي ممرضات اما الإسعاف الآخرة كان فيها راجل تاهو فنفس عمر المرأة لاخرة قربو عندها الأطباء وهو ينطق طبيب منهوم
الطبيب:دكتورة جيسيكا تكلفي بها