طغيان رجل&انتقام امرأة🥰

الجزء 15

طغيان رجل&انتقام إمرأة🔥

بقلمي:ساريتا فرح

الفصل الثاني:انتقام امرأة

البارت:53

اعدك أن انتقم لكرامتي التي اهنتها أعدك أن اجعلك تندم على كل دمعة نزلت من عيوني

طول العملية وياسر كايشوف فيها باستغراب هو وياها نفس التخصص تاهوا جراح دماغ ولكن كانت كاتعادلو في مهارتو وكثر يعد مدة سالات لعملية دوات رمال مع لبنات متجاهلة لكائنات الذكورية لي معاهم😂
رمال:اووف عييت ادوك جوجات يالاه يسرى زربي راك تعطلتي ليوم بزاف ياسمينة غاتكون نعسات
كيف نطقات باسم ياسمينة ضرباتها يسرى لرجليها وكاتغمز فيها شافت فيها رمال وبغباء قالت
رمال:آمالك كاتنغزيني
قالت كلامها وبقات تحبلق بعويناتها خلات وليد كايشوف فيها وفداك الغباء لي كادير بخخخخ
خرجو كاملين وكلها لفين توجه
~~~~~~~~~~~~~~~~~~~~~~~~~~~~~~~~~~~~
انرجعو لمغرب بالضبط عند داوود لي كان في غرفتو شاد راسو بين يديه وكايهضر مع راسو
داوود:مايمكنش رغد لي كانعرف ماشي هي هاديك مايمكنش اوووف راسي ضرني
گلس فوق السرير ورجعات بيه ذاكرتو لاش وقع ليوم
فلاش باك قبل ساعات

گلسات رغد وبداو اجتماعهم تحت أنضار الصدمة من داوود
من بعد مسألة لإجتماع خرجات رغد هي اللولة بحجة ضارها رأسها ناض تابعها داوود تاشافتها غادية لمكتبها تبعها تدخلات لمكتب وسد لباب موراه

اما رغد كيف دارت لقاتو قدامها كيف لقدر خنزرات فيه ودوات
رغد:هنا رآه مكتب ماشي كوري برا
داوود قرب عندها وشدها من يديها كايهضر بسخرية
داوود:شوف ليك شكون كايهضر القطة الصغيرة صدقو عندها مخالب زائد ندخل فينما بغيت نخرج فينما بغيت ماشي سوقك

رغد عرفتو كايحاول يستفزها حيدات يديها من يديه ودوات باستفزاز أكبر
رباب بتحدي:أولا ماتحطش علي يديك حيت كانحس بذاتي توسخات
قالت هاكا وساست يديها بحال إلى كاتسمح شي قذارة زادت قربات خطوة عندو ودوات
رغد:ثانيا هادي شركة ماشي كوري دالغنم ولابركاسة حاجة ثالثا وهادي أهم حاجة قدامك رغد العمراني أشهر سيدة أعمال كيف كايذكر سميتي كايتخلعو يعني لانتى لغيرك غاتخلعني
وهاد الشراكة لي بينا
مشات جيهت مكتبها وهزات منو الاستمارة لي عمرو فيها توقيعها وتوقيعهم

وراتها ليه ودارت بحال إلى غاتقطعها قربات منو ودوات ببرود واستفزاز

رغد:فراسك ياك واش نقدر نقطعها دبا ونهي هاد الشراكة في الحين
وديك ساعات شكون المتضرر نتى وشركتكم انا شركتي ماغاتخسر والو
حطات الورقة عاوتاني وگلسات فوق لمكتب دايرة رجل على رجل ودوات بصوت قوي وببرود
رغد:ودبا الباب الحباب شحفتيني وماعنديش ليك الوقت يالاه راك عارف الباب مانحتاجش نوريه ليك

هو الصدمة لجماتو مايمكنش تكون رغد هادي لي قدامو حيت هادي رغد أخرى جريئة قوية ماكاترددش وماكاتخافش مستحيل تكون هي نيت بقى مسمر بلاصتو يالاه بغا يدور يخرج تاتسمع دقان فلباب ودخل واحد راجل كايقفقف وموراه راجل آخر لابس كحل في كحل ومبودر باينة فيه من سيكيريتي