بعد دقايق يات مريم وهي قاعده تدوره
حمد: هني هني
كان قاعد برع
مريم تمشي وهي ترجف ( بشو يبي يرمسني ها والله اني متوتره)
كانت لابسه بنطلون و هودي
قبل لا تطلع وقفت صوب الباب وحاولت تهدي نفسها لين هدت طلعت وراحت صوبه
مريم : ولد عمي المطعم برع بروح اييب الاكل
حمد وهو عاقد حواجبه: جي بتطلعين "يطالع لبسها" ولا والله تشوفيني هني طيطار انا بروح اييب
مريم ما عرفت شو تقول بس قعدت تطالعه
حمد : شوفيج مبققه عينج؟؟
مريم عقدت تطالعه ثواني وراحت تقعد : انزين روح لاه
حمد : زين
راح اييب الاكل
قعد وشل اكله والباقي عطاه حق مريم
وعقب ما خلصو قام من مكانه وراح يجابلها
حمد: مريم شوفي انا برمس بس ابيج تسمعيني قبل لا تقولين شي
مريم بلعت ريجها وهزت راسها بتمام
حمد تنهد وبدا يرمس : مريم اول شي تعرفين انه هذي بتكون فتره بس صح ؟وننفصل صح؟
مريم: اعرف ولد عمي
حمد : وهذي الفتره بتكون انشاءالله قصيره وبتخلص بس عشان تفتكين من صقر و ابوي ناوي يخليه يدرس برع عشان يصطلب
مريم قعدت تطالعه عشان يكمل
حمد: وبهاي الفتره اتمنى انه ما نتعمق وايد ولا نتعرف عبعض وايد لانه تعرفين انها فتره وجي يعني وارجوج انه ولا حد فينا يدخل بماضي الثاني ونعيش هالفتره ك اصدقاء شرايج؟
مريم "اويه ها شفيه انزين رمسني شوي شوي مب ميته عليك انا وافقت عشان ابويه "
مريم ابتسمت ابتسامه مصطنعه : فكره حلوه ولد عمي
وراحت بتقوم بس قالها : مريم ما ابيج تشيلين علي ولا تزعلين مني بس انا ما ابا حد يدخل بحياتي الخاصه لانه
قاطعته مريم : لا تشيل هم ولد عني ما زعلت ولا شي وترا اعرف انه مب لازم (تثاوب)نتعمق وجي لانها فتره
حمد تم يطالعها
مريم : وتصبح على خير ولد عمي
حمد يبتسم : وانتي من هله
مريم تبتسم وتروح
في اليوم الثاني قعدت العايله كلها في الجلسه اللي برع يتريقون و يسولفون كان يوم جميل مر عالعايله و كلهم كانو متجمعين و مستمتعين باجواء الشتاء ولانها كانت فتره امطار صح انه كان الصبح بس الجو كان يجنن غيوم وهوا بارد ومن اذن الظهر راحو الرياييل كلهم المسيد والبنات راحو يصلون ومر اليوم كله بفعاليات بسيطه و وناسه
