بعد صلاه العشاء
حمد طلع من البيت رايح بيت عمه علي عشان ياخذ مريم
وقف وعقب دقايق فتحت مريم الباب وركبت ورا
حمد صد عليها : تعالي جدام
مريم : ليش ميثه وين
حمد ما كان يبي يجذب بس عشان لا تنزل من السياره قال لها : بنمر عليها راحت بيت يدي
مريم : كمل ما بقعد قدام
حمد تم يطالعها ثواني عقب تحرك
مرين شافت انه طوف بيت يدها جان تصرخ : حمددددد
حمد نقز : شفيج
مريم : بيت يدي ورا
حمد : هيه ادري
مريم بانفعال : هيه ادري !!! وين ميثه لا تقعد تجذب علي تراني مب ياهل انا ما بطلع وياك مكان لا تحاول
يت بتبطل الباب وحمد بسرعه قفله ولف عليها
حمد : مريم دخييلج سمعيني قبل دخيلجج افهمي موقفي مريم والله ما كان قصدي اجرحج ولا اذيج اسف دخيلج اسمعيني مريم بس هي كانت حبيب.....
ووقف كلامه لانه ما كان يبي يقول لها
مريم ابتسمت بتهزيء : حمد خلني انزل ما بروح وياك اي مكان لا تحاول تشرح لي شي حبيبتك! روح وياها و ما تبيني اكلمها حاضر بحذف رقمها ولا بكلمها وبقطع علاقتي فيها نزلني
حمد فتح بابه وراح ورا وقبل لا تفتح مريم الباب مسك ايدها
حمد يطالعها بعيون ضيقه : مريم دخيلج دخييلججج سمعينننيي
مريم صدت عليه وعيونها دموع : حمد ما ابي اسمعك خلاص شو بتقول لي حبيبتك انا خربت عليكم لا تكسرني اكثر
حمد يطالع عيونها : مريم لا لا فاهمه غلط انا بفهمج كل شي وعد بقولج كل شي لازم تفهميني
مريم : نزلني حمد
حمد : مريم والله ما بنزلج الين تسمعيني وتفهميني
مريم تطالعه بدون لا تتكلم
حمد ابتسم بحزن ومد ايده يمسح دموعها
حمد : لا تصيحي بسببي ما ابي اكون سبب حزنج بفهمج بقولج بس دخيلج اسمعيني لين اخلص كل كلامي تمام
مريم بس تطالعه ما تبي تتكلم
حمد : اول شي عاليه كانت بتكون خطيبتي من سنين بس الحمدلله الله كشفها لي بيوم الخطبه مريم كنت احبها بس هي خذلتني ادري المفروض انا ما اقولج ها الكلام بس خلاص ما ابي اخبي عنج السالفه اسف على اللي سويته لج والله مب قصدي بس هي عندها خطه وناويه تخرب بينا وتخرب حياتي عشان جي ما تحملت يوم شفتج تمشين صوبها
