عقب سكت لانه شافهم نايمين ابتسم وسكر الباب وطلع
وطلع قعد برع عالكرسي اللي صوب الغرفه لانه باقي شوي وياذن وبيقوم حمد عشان يروحو يصلوا واتصل عالاهل يطمنهم انه مافي شي وعلى الغدا بيكونو موجودين
عقب دقايق حمد طلع من الغرفه وشاف سلطان قاعد يلعب بالفون ومب منتبه لاي حد
حمد : سلطان
سلطان قام وسلم عليه : وينك مقاطعني اشوف
حمد يبتسم : ياريال تشوف حالي اليومين اللي مروا
سلطان : انته ما عليك ربي بيحلها ان شاءالله
قام سلطان وراح صوبه وغمز : كيف النومه مريحه صح
حمد ضربه بظهره وهو يضحك : يالحيوان ههههههههه
سلطان : خلاص بتزوج انا ما يصير انته بس
حمد : بس تم انته اشر عالبنت وبخطبها لك
سلطان ابتسم
عقبها راحوا يصلوا ورجعو عشان مريم خلاص بتطلع دشو عليها شافو النيرس عندها عشان تخوز المغذي عنها عقب سلطان راح صوبها وتحمد لها بالسلامه وباسها على راسها
حمد كان يطالعهم ومبتسم عقب هو راح صوبها وخلاها تتساند عليه عشان تمشي وراحو كلهم سلطان راح صوب سيارته وحمد ومريم صوب سيارتهم
حمد بطل الباب لمريم وركبها وسكر الباب عقب ركب هو وراحو صوب العزبه بس قبل يوصلون بشوي حمد غير اللفه
مريم ابتسمت : وين بنروح
حمد ابتسم بعد : تعرفين وين بوديج
مريم ابتسمت اكثر : هيه
عقب حمد سحب ايدها وشبكها بايده وخلاها بحضنه وراحو يشربون v60
نروح للعزبه
سلطان توه داش وبركن السياره ونزل كان يمشي لين لمح خيل طالع برع الاسطبل راح صوبه ودخله الاسطبل بس سمع صوت قريب الاسطبل وراح صوبه لين شاف انه ميثه
سلطان : ميثه ؟
ميثه صدت عليه بخوف : سلطانن الحمدالله انك ييتت
سلطان : شفيج ؟
ميثه : كنت يايه اركب خيل مريوم ابا اخذ لفه فتحت الباب ماله وعقب ربيعتي دقت علي خذتني السوالف ونسيت الخيل وعقب الخيل طلع والحين قاعده ادوره ما حصلته واذا طلع من العزبه وما حصلته مريوم بتذبحني
