دخل سلطان ومريم وحمد واقفين مكانهم
رد طلع سلطان : شفييكمم يلا دشو بقول شي
دخلت مريم وعقبها دخل حمد
حمد : شو السالفه
سلطان :في حد فالبيت ؟
مريم : هيه ميثوه مساعه كانت فوق
سلطان : اووف ما اقدر اقول عيل
مريم : ليش شو السالفه
حمد : شو فيك قول
سلطان : خلاص عقب بقول لكم
حمد : والله تقول الحين
سلطان يضحك : عقب عقب
مريم : سلطان قول قول
سلطان : تمام بقول بس اول شي لازم نروح مكان محد يسمع لانه بعده مب متاكد من قراري بس بقول لكم وابيكم تعطوني نصايح
حمد : خلاص تعالو الميلس
راحو وراه ودخلو وسلطان قعد ومريم قعدت صوبه بس حمد تم واقف
سلطان سكت شوي عقب : ناوي اخطب
مريم انصدمت بس فرحت : احلف سلطاننن
سلطان يبتسم : والله
حمد : احلف انته ما بغيت منو سعيده الحظ نعرفها ؟
سلطان : هيه نعم
مريم ما كانت فاهمه منو قعدت تفكر وايد
حمد : منو
سلطان : ما بقول لكم عاد هاي خلوها عقب
حمد ابتسم : مبروك يا ريال ما بغيت والله
سلطان : الله يبارك فيك انشاءالله تتم الامور
مريم كانت ساكته تتريا حمد يروح عشان تكلم سلطان تبي تعرف منو
حمد : مريم
مريم صدت تطالعه
حمد : يلا يلا عشان لا نطول
مريم : منو قال بروح انزين
حمد : لا والله توه كنتي بتيين عادي
مريم : انزين غيرت رايي ما ابي بقعد ويا سلطان
حمد : انزينن ممكن تقوليلي شوفييجج ليش مسويتلي طاف
