قعدت بالكرسي اللي عدال مريم و قعدت تختار الصبغه اللي تبيها و بعد دقايق صدت على مريم وقالت لها
البنت : هلا حبيبتي الصراحه عجبتني صبغه شعرج عادي تقولين لي درجتها
مريم صدت عليها وابتسمت : هيه حبيبتي عادي
وعطتها الدرجه
وقعدو يسولفون لين وصلت سوالفهم وخذو سنابات وارقام بعض
بعد يومين
كانت متوتره وتوها قايمه من النوم قعدت تفكر مع نفسها شوي لين دق فونها
ميثه : ميييمييييي اليوممم عرسججججج
مريم : ميثوه سكتي بروحي متوتره
ميثه : ههههههه مريوم صدق صدق كيف جي بتتزوجين ولا بعد باخوي
مريم ضحكت : ميثوه اتريي بشبك روضه قاعده تتصل
روضه : مريوومممم بتعرسييننننننن !!
مريم : انتي بعددد ههههههه
ميثه : روضوه اسكتي عنها توه قالت لي انها متوتره اونه
مريم : تراني عروس خلوني اتجهز ، لا تتاخرون انتو بعد!!
و سكرت على طول لأنها استحت
بعدين دش عليها اخوها و قال لها متى تبي تسير القاعه عشان تتجهز يعني شعرها و ميكبها و جي و بنات العايلة بيتجمعون كلهم وياها
مريم: سلطان
سلطان : هلاا
مريم: خل اخذ اغراضي وجي وبيي وياك
سلطان ابتسم : يلاا سريعع
مريم : روضه بتيي وياناا
سلطان فز : هاه !
مريم ضحكت : بنمر عليها لانه عمي مشغول
سلطان ابتسم : انزين يلا لا تاخريني لانه انا بعد بتجهز وبروح عند حمد
مريم ابتسمت : خلاص تمام من اخلص بدق عليك
سلطان ابتسم وراح
دخلوا القاعه وقعدوا يطالعوا المكان ويتأملون ويشوفون العمال يجهزون الطاولات دمعت روضه وتجمعو البنات عليها يسالوها شوفيها
روضه تمسح دمعتها : مريوم بتعرسين تذكرين قبل سنين كانت هاي احلامنا انه يكون عرسنا فخم وكبير ونلبس الفستان الابيض وكنا نستانس
