وصلو العزبه وكل واحد راح يرتب غرفته
العزبه كانت عباره عن بيت فيه قسمين قسم للاولاد وقسم للبنات واللي يفصلهم مسبح كبيير و حاجز بسيط القسمين فيهم غرفتين كبار تتكون من سراير وايد عشان يكفي الكل ف البنات ينامون مع بعض و الاولاد مع بعض و الحريم الكبار مع بعض والرياييل الكبار مع بعض وفي كل قسم صاله وكل صاله فيها مطبخ تحضيري وقدام البيت فيه غرفه زجاجيه تعبر صاله اللي يقعدون فيها الكل و فيه جلسات خارجيه وفيه اسطبل و فيه مكان حق دراجات
خلصو البنات ترتيب ونزلو يقعدون في الغرفه الزجاجية ويا الباقين
وخذتهم السوالف لين يا وقت الغدا و قامت اليده لطيفه وراحت المطبخ وخبرت البنات يرتبون الجلسه الخارجيه عشان بيتغدون هناك
رتبو المكان وعقب راحت لطيفه تزقر اللي داخل وقعدو في الجلسات يتريون يحطون الغدا
راشد : خلصتو ترتيب الغرف؟
الكل : هيه يديه
راشد : زين عيل العصر بيلس صوب الاصطبل خليتهم يرتبون جلسه هناك
مريم وميثهه: يديه نبي نركب الخيول
سعيد وحمد قاطعوهم وهم يضحكون : هههههه منو بركب الخيل
مريم و ميثه يطالعوهم بنظرات
عقب اليد قال لهم : هذيل اللي تضحكون عليهم يعرفون يقودونهم احسن عنكم
هني الكل ضحك على حمد و سعيد
حمد : عيل خلاص دام جي بنشوف عقب منو يعرف يقود احسن بنسوي سباق
سعيد : والله يبتها صح
ميثه ومريم : تممم
خاصو غدا وراحو صوب الاصطبل وميثه و مريم راحو صوب خيولهم المعتاده وحمد و سعيد بعد راحو صوب خيولهم و راحو صوب خط البدايه اللي رسمه سلطان
عقب ركبو فوق الخيول و استعدو
راشد : واحد ثنين
والكل تحمس وقال : ثلاثههههه
وبدا السباق كلهم كانو بنفس السرعه لين تقدم سعيد و قعد يضحك عليهم وعقب ادربغ وهني الكل ضحك
سعيد : ما عليه ماعليه ،حموود لا تخلهم يفوزون
كملو السباق وحمد تقدمهم بس قبل ما يوصل خط النهايه مريم يت صوبه و صلو مريم وحمد بنفس الوقت
حمد انصدم من سرعتها ومن اسلوبها ويا الخيل كنه بينهم رابط عجيب تقول له يسوي يسوي
عقب اليد قال لهم : جوفو قلت لكم انهم يعرفون لهم
حمد : هيه والله يديه صدقت ماشاءالله
ميثه راحت صوب مريم وقالت لها : مريووم والله انج بردتيي جبديي فيهم
