ميثه : وانا اقرب وحده لمريم شرايك نسوي خطه
سلطان فهم عليها وقعدو يخططوا
عقب سلطان وميثه اتفقوا على الخطه وراحو ينفذوها
سلطان اتصل لحمد : هلا حمود وينك
حمد : فالبحر قاعد تبا شي ؟
سلطان : هيه حموود شرايك نطلع والله ياخي مشتاق لك
حمد : سلطان والله مب فاضي اللي فيني مكفيني
سلطان : حمود والله ما استهبل انا مشتاق لك ياخي ياريال غير جو شوي خفف على روحك من الهم
حمد : ما قادر سلطان ما قادر
سلطان ما خلاه يكمل كلامه وعلى طول قاطعه : شوف لا تقعد تقولي جي اونك مب قادر بتطلع وياي بتطلع اليوم بليل بطوف عليك وبنروح الساعه 7:30 تكون جاهز فاهم
وسكر فويهه
حمد ابتسم على اسلوب سلطان لانه عارف انه يحاول يخفف عنه
ميثه عقب ما سكر سلطان ضحكت
سلطان طالعها وضحك بعد : يلا الحين دورج
ميثه : يلا بروح لها انا عيل
سلطان : تمام
وراحت ميثه فوق عقب سلطان قعد على الغنفه وقعد يقول بنفسه (يالله متى اخطبج وافتك من هالشعور )
ميثه تدق باب غرفه مريم : تفضل
مريم كانت طالعه من الحمام وتنشف ويهها
ميثه تروح لها وتحضنها ومريم تبادلها الحضن
عقب ميثه قعدت تشوف ويه مريم : مريوم ويهج وايد تعبتن خفي على نفسج شوي حرام عليج
مريم تنزل راسها : ما اقدر ميثوه ما اقدر تخيلي الروح اللي كانت هني تمسك بطنها راحت ما شفتها حتى ما حسيت فيها ما عشت وياها
ميثه سحبتها وقعدتها على السرير وقعدت وياها : مريوم مب زين اللي قاعده تسويه بنفسج والله انتي قاعده تصعبي حياتج الله بيعوضكم وبيرزقكم الذريه الصالحه ان شاءالله ليش قاعده تسوي جي
مريم شوي وبتدمع
ميثه : والله لو صحتي بزقر اخوج وبخبره
مريم تطالعها
ميثه : صدق والله ما استهبل وبتطلعين معاي اليوم ما بترياج ولا بترفضين غصبا عنج ولو ما طلعتي بقول ليدوه بخليها تهزبج
