حمد ومريم كانوا حاجزين 10 ايام بمنتجع بولغاري عشان يغيرون جو
وميثه وسلطان قعدوا يومين بفندق بارامونت وعقب راحو شهر العسل وراحو اول شي باريس عقب لندن
في لندن الصبح الساعه 6:30 الجو بارد والثلج بدا يطيح سلطان قام وكان حاس بثقل مش طبيعي وصداع وميثه كانت نايمه فراح الصاله وخذ له مسكن ومنوم وقعد يعاني بروحه لين يرقد مره ثانيه
الساعه 2 الظهر
ميثه قامت ويوم ماشافت سلطان فتحت فونها وشافت انه الساعه 2 انصدمت وقامت بسرعه ونادت : سلطاانن
ميثه ما تسمع حد يرد عليها فراحت تشوف الصاله وحصلته منسدح فوق الغنفه مبين عليه انه مش مرتاح وتعبان ومعرق شوي راحت صوبه بسرعه : سلطان شفيكك قومم
مايرد عليها
ميثه تدزه : سلطانننن وبعد مارد عليه خافت وايد وعقبها مسكت راسه وكان حار وايد على طول ركضت المطبخ تسوي له كمادات وقعدت تبدلها كل شوي لين سلطان : ب.اارد
ميثه : سلطان شوياكك
سلطان يمسك ايدها وهي حست انها دافيه وايد : خو.زيه .عن .راسي ... بار..د
ميثه : سلطان مب عكيفك خله عشان تنزل حرارتك ليش ما قومتني على طول
سلطان فتح عينه وطالعها وكانت عينه حمره ورد غمضها ورقد كان تعبان ومب قادر يرمس
وقعدوا على هالحال سلطان تزيد حرارته وميثه تتم عنده وتسويله كمادات وتاكله وتسبحه لين صار ماباقي على رجوعهم للامارات الا يومين وبهذاك اليوم سلطان صار احسن
قامت وعلى طول شافته وحطت ايدها على راسه عشان تشيك عليه وقبل لا تخوزها مسكها وقال لها : صرت احسن حبيبي مافيني شي
ميثه تبتسم
سلطان : الله لا يحرمني منج يارب
ميثه : ولا منك
عقب سحبها وخلاها تنخش بحضنه وحضنها وهي ردت الحضن
نفس الوقت عند مريم وحمد بدبي
كانوا كل يوم يطلعوا يتغدوا ويرجعو المنتجع على العصر ويقعدون ويا بعض لين يرقدو
مريم : حمددد
حمد : هلا
مريم وقفت قدامه وبطنها كان واضح شوي لانها لابسه توب ضيق وسويت بانتس : كم مره اقولك حط ثيابك الوصخه بهاي الجنطه لا تقعد تعقهم لي بالغرفه واقعد اجمع وراك
