بعد ثلاث اسابيع بيوم عرس ميثه
الساعة 8:30 الصبح
دق فونها وردت وهي معصبه بدون لا تشوف منو: الوو
سلطان : بعدج راقده؟
ميثه : سلطان
سلطان : هيه بعد منو انتي شكلج بعدج راقده انا من الحماس ما رقدت من امس
ميثه : سلطان الساعه كم
سلطان: الساعه 12 الظهر
ميثه : شووووووو
قامت وهي متخرعه وراحت تغسلت ومخليه سلطان عالخط وهو مبتسم لانه يسمع حشرتها اللي بالغرفه لين خلصت راحت صوب الفون وشافته عالخط بعده : انته بعدك عالخط
سلطان : هيه ميثوهه
ميثه : هلا
سلطان يضحك : شوفي الساعه
ميثه انصدمت وارتاحت بنفس الوقت : يالخاايسس خرعتني والله كنت بصيح
سلطان : ليش تصيحي ميثوه ما تاخرتي حتى لو كانت الساعه 12 بيمديج تتجهزي
ميثه : ها انت انا غير وراي اروح الصالون وعقب برجع البيت باخذ كل اغراضي وبروح القاعه بنتريا الميكب ارتست لين تيي عقب بسوي تسريحتي والميكب ها كله يباله عشر ساعات
سلطان : خييررر ها كله وبعدج ما مسويه شي
ميثه : شفتت كيف الحين سكر عني بشوف مريوم موعدنا بالصالون الساعه تسع
سلطان : يالله انزين يوم بتروحي خبريني بحفظ الرحمن حبيبتي
ميثه ابتسمت : مع السلامه حبيبي
وسكرت من عند سلطان وردت دقت لمريم
مريم : هلا ميثوه
ميثه : مريوومم موعدنا بعد شوي متى بنحرك ؟وانتي وين ؟
مريم : عادي متى ما تبين بنروح انا بالصاله قاعده
ميثه : تعالي غرفتيي
مريم : اوكيه ثواني
راحت غرفتها
مريم : هاه ميثوه
ميثه : بتريق عالسريع وانتي تجهزي لانه انا باقيلي البس عباتي بس وبطوف علي وكلمي الاهل الباقين اللي بيروح
