قعدت مريم مع سلطان تاكله
سلطان يطالعها: بسي خلاص
مريم : باقي شوي انزين
سلطان:بسي والله بسي
مريم تطالعه : اوكيه اشرب ماي
سلطان شرب الماي عقب
سلطان يبتسم : يلا قولي
مريم :هههههه انزين
سلطان يطالعها عساس تبدا
مريم : مساعه يوم رحت لحمد عمي قال انه انا ادخل قبله واكلم حمد يمكن يقوم وما حبيت اعارضه ودشيت تقربت منه لين وصلت صوب راسه كان ويهه كله كدمات اكثر منك وراسه مجبس تخرعت وتميت اصيح (تطالع سلطان ) عقب قلت انه اتكلم ما بيسمعني اكيد وقعدت اسولف فوق راسه لين قام
سلطان يضحك
مريم :ليش تضحك
سلطان : ولا شي كملي
مريم :سلطاننن ما بكمل اذا جي
سلطان :اصلا عادي اعرف شصار عقب هههههه
مريم : شو يلا اتحداك
سلطان : قال لج احبج
مريم طالعته بصدمه : كيف عرف"سكرت على حلقها"
سلطان يطالعها ويضحك من قلب
وهي كل شوي تعطيه طراق خفيف على راسه : بس خلاص لا تضحك
سلطان : مريوم مع هذا لا تستعيلين خليه يعترف لج بدون تاثير البنج هو صح يحبج وانا متاكد بس مع ذالك اترييه يعترف لج بدون البنج
وهني دخل علي وحميد وميثه و معاهم باقي العايله
قبل لا يدخلون كلهم اشر لها بان اوكيه وهي هزت راسها بتمام وابتسمت
قعدو يسلمون على سلطان ويتحمدون له بالسلامه وعقب ساعه طلعو عشان يروحو صوب حمد بعد وسلطان حمد ربه لانهم طلعوا من عنده كان وايد تعبان ومن حشرتهم وزعيقهم ما يقدر يريح
دخلوا عند حمد كان قايم بس مبين عليه التعب سلموا عليه وعقب قعدوا وبدت سوالفهم بس حمد ما كان وياهم كان يطالع مريم ومريم تطالعه شوي وتنزل عيونها شوي بس هو لا حاس ولا شي بس قاعد يطالع
————— بعد ثلاث شهور —————
حمد ومريم طبعوا يتمشون بالكورنيش ولانه كان شتا والجو كان وايد بارد بالليل لبسوا لهم شي ثقيل وقعدو يتمشوا كانت خطه من حمد لانه يحس انه مقصر وياها فقال لها وهي من الاساس كانت متضايقه من قعده البيت فقالت له اوكيه
