بعد ما وصلوا البلاد
مريم غمضت عينها وبداخلها (اللههه واايد اشتقت للبلاد مع انه ما طولنا ابد )
وحمد بعد كان وايد مشتاق
اول شي راحو بيت حمد سلمو على الكل وحطو اغراضهم وعقب راحو بيت مريم
سييف يركض لمريم ويضمها من قلبب
وعقبها يا سلطان وسلم عليها وعقبه علي
علي : والله ما تطلعون الا وانتو متغدين هني
حمد : لا عمي ماله داعي والله
علي : حتى لو ماله داعي انا ابيكم تتغدون هني
مريم تطالع حمد وعيونها تشرح كيف انها تبي تتم وياهم
حمد صد عليها شوي وعقب رد طالع علي
حمد : انزين عمي عيل بتغدا وياكم سريع عقب بروح عندي كم شغله لازم اخلصها
علي : لاحق عالشغل تغدا عقب روح
حمد : انشاءالله
خلصو غدا عقب حمد راح يسلم على علي وسلطان وعقبها قال
حمد : مريم تبين اتمين هني لين اخلص ؟
مريم طالعته وهي مب مصدقه انه قال لها
حمد : شووه
مريم : هيه بس قبل لا تمرني اتصل باخذ لي كم غرض من غرفتي
حمد ابتسم :انشاءالله
وعقب طلع
مريم قعدت ويا علي وسلطان يطالعون فلم ومن سالفه لين سالفه وعقب ها كله اتصل حمد لمريم وقال لها ربع ساعه وبيكون عند بيتهم
مريم قالت لابوها وسلطان عقب راحت فوق تاخذ اغراضها و راح وياها سلطان
سلطان قعد عالسرير يشوفها وهي تدخل اغراضها اللي تبيها بجنطه صغيره
وعقب ما خلصت وقف عقب حط ايده على كتفها وقعد يشوف التعب اللي واضح بعيونها
سلطان : مريوم حبيبتي فيج شي
مريم : لا مافيني شي
سلطان : متاكده
مريم ابتسمت ابتسامه خفيفه : مافيني شي سلطان
سلطان رد لها الابتسامه : ترا حمد ربيعي لو سوالج شي على طول قوليلي بلعن خيره
