في هالوقت مريم كانت قاعده بالصاله وتفكر واللي قاطعها صوت ميثه
ميثه : مريوومممم
مريم نقزت : ميثه ما بتوبين انتي لازم تزيغيني
ميثه : هههههه يضحك ويهج يوم ازيغج
مريم طنشتها
ميثه يت قعدت صوبها وصبت لها شاي
ميثه : عيل وين حمد
مريم: ما ادري متعود يرجع هالوقت
ميثه : بتصل له اصلا ابيه يوديني الخياط ابي مخاوير
مريم : قوليله بروح بيتنا
ميثه تاشر لها انه اوكيه
ميثه تطالع مريم : مايرد
مريم : يمكن مشغول
ميثه : يمكن شغلي شغلي التلفزيون
مريم شغلته وقعدو يتابعو مسلسل شوي ورقم غريب يدق لميثه وفرت فونها لمريم ما تحب ترد على ارقام غريبه
مريم : شفيج انتي شوي شوي دفشه
ميثه تسويلها طاف وتشرب الشاي
مريم : الو
....: السلام عليكم بغيت ابلغكم انه حمد ... ..... وسلطان ..... مسوين حادث وحالتهم حرجه
مريم وقفت متخرعه : كيف شصار لهم ؟؟؟
....: حادث سياره تعالو مستشفى ****
مريم سكرت الفون وقعدت تصيح
ميثه : مريوممم شفيج
مريم وصوتها يرجف : حم..د وسل...طان مسو..ين حا..د..دث
ميثه تصنمت ثواني وطاحت دوعها
مريم : عمي وين
ميثه تهز كتفها ما اعرف
مريم تتصل لعمها حميد
حميد : هلا مريم بنتي امري
مريم مب عارفه شو تقول : عمي ..انت..وين
حميد : شفيج مريوم
مريم : عمي حمد وسلطان سوو حادث
حمد : شووو
مريم : يقولون حالتهم حرجه
حمد كان يمشي في بيت راشد بس من الصدمه ما قدر يوقف وتساند عالايدار : اي مستشفى ومتى وكيف صار
مريم : ما ادري عمي بس خل نروح دخيلك مر علي عقب نروح
حميد : اهدي حبيبتي اهدي ياي الحين
خذاهم حميد وهو كل الطريق كان ماسك صيحته ويقول داخله " هم بخير ما فيهم شي ما عليهم شر ويدعي لهم"
وصلو واو ما دشو سالو الاستقبال وراحو صوب قسم العمليات
حميد شاف دكتور مار ومسكه : دخيلك دكتور حمد ... .... و سلطان ..... وينهم
