وسيلة

الفصل الثالث والثلاثون

#الفصل_الثالث_والثلاثون
#وسيلة
#مريم_اسماعيل

دلف ليث ليري وسيلة امام الصندوق ليحمحم
" احممم ، يلا بينا ؟

نظرت له مرتبكه
" اسفه شكل الصندوق كان مغرى ."

وقف أمامها والصندوق بينهم بينما باسل يتابع ليث جيدا

" واللي جوا الصندوق ؟!

ابتسمت وعادت للنظر له " بصراحه غريب مش مغري ؟"

رفع حاجبه " ليه مش بتحبي البرفان ؟

" اكيد بحبه ، أنا بس مستغربة ليه عينهم كدا ؟! وبالكميات دى ؟

اخرج عطر ونثره بالهواء استنشقت العبير بحنين واغمضت عينها بسعادة واردفت بهمس حالم " فانيليا بالبرتقال."
اؤما لها ليث
" بالظبط ، البرفان المفضل لمراتى!
فتحت عينها ببطء ونظرت له" مراتك ؟ هو أنت متجوز ؟!

اؤما لها " كنت انفصلنا ، بس لسه اى حاجة بتحبها بجيب منها ، بحاول احتفظ بكل الذكريات."

نظرت له معتذرة " اسفه.... يلا بينا ؟!

اؤما لها
" أنت حاليا هتطلع علي الاوتيل علشان توقيع العقود ، وانا قريب جدا هعرفك طريق رحمه."

وخرجوا سويا بينما باسل لم يطمئن له علي الاطلاق.

عندما ترجلوا سويا لاحظ ليث سيارة رحمه تقترب منهم وقف وأشار لوسيلة بالتحرك لحين تفقد الضيف وعندما وقفت السيارة اقترب ليث بسرعه وامر عدى بالخروج
" خليكي اوعي تنزلى ، اخرج أنت يا عدى ؟
بينما كان يتابع باسل ما يحدث ليري طيفها نعم هى ، صحيح تغيرت لكن هى رحمه ، ماذا تفعل هنا وما علاقتها ب ليث ؟!

نظرت له وسيلة
" باسل في ايه! بتبص علي إيه ؟

ونظرت نحو ما ينظر لتري ليث يقف مع الحارس الشخصي

" أنت تعرف اللي مع ليث ؟
نفى حديثها" لا معرفوش ؟
نظر لها " وسيلة أنا هطلع علي الحارة اظبط شوية حاجات ، وأنت خلصي شغلك ونتقابل لم تفضي ؟

صعدت سيارتها وانطلقت بينما تحرك باسل ليراقب سيارة رحمه

" هى وسيلة هنا ليه ؟!

" بدور عليكي! أنت أيه اللي جابك هنا

نظرت له بسعادة غامرة " قدرت يا ليث! نجحت وخلصت المحاضرة في الاول خفت شوية بس مع الوقت اتعودت وانطلقت كمان ؟

" قلب اخوها أنت يلا بقي وريني الشطارة وعايزك تسوقي لغايه البيت محتاج عدى معايا!
اؤمت له وصعدت السيارة في كرسي القيادة وانطلقت بالفعل بينما باسل خلفها بسيارة اجرى ، وانطلق عدى وليث لمكان اللقاء!

..............؟.......
في قصر عبد الجبار كانت جيلان تقف لعبد الجبار بغضب بينما امير جالسا ببرود حاد