بعض الجروح لاتشفيها الا العائلة... ماذا لو كنت مجروحاً من عائلتك..؟!
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
زهراء: يالمسعده كعدي يلا مو عدج دوام
جيلان: الناس تكعد ع صوت المنبه اغاني فيروز اني اكعد ع صوت الساحرة (مرت ابوية) كمت كتلها خير اليوم انتي تكعديني شتردين؟
زهراء: الخط مااجه ع اخوتج وابوج طالع وصلي اخوتج
جيلان : مالحك مدرستهم بعيده وعندي دوام
زهراء: توديهم وترحين لا والخلقج اخلي اخر يوم دوام الج وتعرفيني كد حجايتي
جيلان : طبعاً كد حجايتج لعد اثر السحورة وين يروح يلا حبدل واخذهم
زهراء: اي مثل امج سحارة حقج منو يربيج هي امج متريدج
جيلان: درت عليها خزرتها كملتي كلامج فضيها يلا عفتها تدردم ورحت بدلت وطلعت اخذت اخواني همه صغار مالهم ذنب ذنبهم الوحيد امهم حية وصلتهم ورحت لدوامي بس ضايجة دخلت للكلية مستعجله فاتني نص وقت المحاضره
علاء: شفت جيلان اجت من بعيد ابتسمتلها بس هي منتبهت جان شكلها عصبي بقيت اراقب الكلية كل شويه انتضر تطلع
جيلان: خلصت محاضره بقيت كاعده بالحديقة الخلفية للكلية ضايجة معاجبني ارجع للبيت اجاني نفس الطالب
الطالب: مرحبا جيلان شلونج
جيلان: الحمدلله بخير
الطالب: عادي اكعد يمج
جيلان: ليش شنو المناسبة
الطالب: اريد تشرحيلي ماده
جيلان: مااعرف واريد اطلع من رخصتك عفته ومشيت يعني الواحد ميصير يبقى وحده يرتاح طلعت من الكلية
علاء : عيني ع الكلية شوكت تطلع لمحتها طلعت بس سريع تمشي منتبهت رحت وراها مسافه شفت الشارع فارغ صحت جيلان ..جيلان انتبهتلي
جيلان: دامشي سمعت احد يصيحني اول مرة كلت متوهمه ثاني مرة درت انتبهت هذا علاء بقيت واكفه
علاء: ليكول جارجر مو ابنية شبيج تركضين
جيلان: ضحكت بصوت
علاء: اش بوية فضحتينه بضحكتج
جيلان: لعد من تصيح بأسمي متفضحنه
