چنها الليلة اخيرة وباچر فراگ
الحب مو گوة بس الفرگة گوة
وبعد ياهو اليگلي شبيك زعلان
ويشاقيني ويگلي دموعي تسوه
وبعد ياهو اليگلي شبيك مهموم
ويحسسني حتى احزاني حلوة
ياهو من الرسائل يدري مخنوگ
ال من اتعب ضحكته تصير تچوه
ياهو يحل مشاكل دنيتي وياي
ياهو بتضحياته يروح فدوة
اليسندني ويقويني ع الاحلام
ودرب احزاني يمه يصير خطوة
اليهتم بيه حتى وهو تعبان
مريض وخاف لاتلمسني أذية
مو بس گلبه احسه بكلشي وياي
چان يشيل خوف امي عليه
عود يسد وجوده انسان هيهات
وابد ماعندي هاي القابلية
اللحظة العابرة اذكرها وياه
التفاصيل الابد مو منطقية
على هذا الحچي ماطول اسبوع
لان تكتلني ذاكرتي القوية
لـ محمد الطالقاني
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
جيلان:جنت اسمع هل قصيدة وابجي عليها جانت هل قصيدة مفصلة عليه كل حرف بيها يوصفني
زهراء:جيلان تعالي ابوج يريدج
جيلان:ماشي جيت مسحت دموعي وطلعت متأملة انو فهد نهة الموضوع هذا طلعت
محمد :تعالي قبل شوية جنت احاجي فهد
جيلان: اي بخصوص شنو
محمد:گلي اني مناقصني شي وكلشي خلصان هذا الوضع معاجبني يريد الزواج نقدمه
جيلان:شنوووو تقدمه هو مكلك نفصخ او شي
محمد:ليش حتى يفصخ اصلاً خابرني مستعجل وكال ماانتضر اي تأجيل وحتى الفلوس اجه جابلياهن جيلان اذا تفصخين خطوبتج من فهد مالج گعدة ببيتي وشوفيلج بيت يلفيج ماتحمل وحده مثلج
جيلان: عادي ابقى بالشارع واجدي من العالم بس ماكمل هل زواج مو بكيفكم
محمد:تستمرين بي وغصب عنج مو وجه نعمة مال ورتبة شتردين بعد بس فگر متصيرلج جارة
جيلان:عفته ورحت للغرفة بقيت الوب اريد احاجي واني التلفون عفته بسيارته مردته طلعت لزهراء،زهراء اريد تلفونج
زهراء:مو جابلج فهد تلفون
جيلان:نسيته بسيارته
زهراء:اخذي هناك ع الميز
جيلان:رحت ركض اخذته اتصل عنده نت وميجاوبني اتصلت ع الرصيد وميجاوب يتعمد ميجاوب اني اعلمه
ايست منه رحت للغرفه رجعت لزهراء،زهراء تلفوني وين
زهراء:عد ابوج لتسويلي مصيبه
جيلان:كعدت كدامها يعني تقنعيني متندلين مكانه
زهراء:حتى لو اندله مااتورط وي ابوج
جيلان:وحتى لو اكو مقابل نص فلوس الجهاز الج
زهراء:ياحبيبتي قابل اني ع الفلوس بس تعرفين ابوج اخاف منه وخاف تسوين شي
جيلان:كلشي مااسوي واذا على ابويه بس دليني اني اخذ التلفون لان اعرف شكد تخافين من بابي(باستهزاء)
زهراء: بالقاصة اللي بكنتورة رمزها مواليده
جيلان: الفلوس هنه يم ابويه وانتي اخذيهن..عفتها ورحت جان بالغرفه ماكدر هسة واني ماانتضر لحدما يطلع فات للحمام اللي بداخل غرفته كلت فرصتي دخلت بساع فتحت الكنتور اكتب الرمز غلطت من الاستعجال رجعت كتبته انفتحت صار التلفون بوجهي اخذته سديتها وطلعت ركض فتحت التلفون وصلت الاشعارات من علاء
حبيبتي مشتاقلج ماعندي مجال اعذريني
غزالتي شخبارج ليش ممجاوبتني شصاير وياج
حلاوة گلبي واجعني عليج وينج ابوية ردت اخذ اجازة وميخلوني ولااكدر اعوف الواجب وانزل ينطون عقوبة الي وللجنود الوياي
دازلي مقطع يغنيلي تسأليني وصور اله هواي كلام وأخر رساله بيوم نزوله كاتب اليوم نزولي عزيمة ولد عمامي بمناسبة خطوبتهم علي ودينا وابن عمي لاخ تخلص العزيمة واجي يم بابكم اتطمن عليج الصبح من رجعت فتت من يم الباب حتى احس بوجودج يمي من نتشاوف عندي مفاجئة الج اخيراً بعد نهاية صبرنا
اقرا للكلام وابچي شيصير لو منتهية حياتي بذاك اليوم ضاربتني السيارة جان ماخنتك وكسرتك
بعد يومين..
خلال هل يومين اتصل على فهد وميجاوب داومت طلعت الطريق والذكريات بكل مكان هنا وصلني هنا حجينه هنا اتغزل بيه هنا حضنته هنا اعترفلي اول مرة اعرف شنو معنى الاحساس بالذنب وعذاب الضمير يمكن عذابي اقوى من حبي من وصلت جان واكف بالسيارة ينتضرني غلست ردت افوت ساق سريع وصار كدامي وفتح الباب الي اشرلي اصعد صعدت واتحرك وصلنه مكان معزول
علاء:ياهلا بعروسة ابن عمي شلونه ابن عمي خوما مقصر وياج
جيلان:شتريد مني اني مخطوبة لتتقربلي
علاء:ههه شكد شفت صلفات مثلج ماشفت انتي خنتيني ليش تخونيني كدام عيني ليش ابن عمي لج ليش هيج تجازين حبي الج تبقين العمر كله كدام عيني شلون انساج فهميني انطيني حل شلون اطلعج منه وأأشر على گلبي اذا انتي مو گد الحب ليش خليتيني اتعلق بيج علميني شلون انساج انتي تعب گلبي وحلم عمري ليش هيج سويتي گليلي مجبورة ريحيني ريحي گلبي
جيلان:لا اني قبلت باخت(غصيت بدموعي ردت اكول باختياري )
علاء:لتجذبين لتكولين اختيارج كولي مجبورة باوعي بعيوني وكولي انتي ردتي يلا گوليها باوعي بعيوني
جيلان:لزمني من حنچي قوي ..اي اني مااكدر اكملها واني اشوف الدموع بعيونه اباوع كسرته
علاء:تحبيني هل عين متجذب مخنتيني غصبوج جبروج احجي والله انهيهم كلهم لخاطر عيونج
جيلان:ابتعد عني عوفني خليني بعذابي انساني ليش اجيت لحياتي كل الخسرتهم محبيتهم بس انت خسارتك دنيا وأخرة متتعوض اني ماارتاح بس انت ارتاح عيش حياتك كملها
علاء: انتي حياتي تعرفين شنو حياتي كلها شلون اعيش انتي العلمتيني اعيش علمتيني احب نفسي ماعوفج الهم ياخذوج
جيلان: ماكدر ارجعلك بعد
علاء:كلشي يتصلح بس گليلي منو جبرج امج ابوج منو بس احجي لج ريحي لگلبي ياريتني متت هناك ولا شفتچ على ذمة واحد ثاني
جيلان:مسحت دموعي..كمل حياتك بدوني الله يوفقك عفته ونزلت طلعت ركض للشارع العام صعدت تكسي ورجعت للبيت رجعت بوجهي للحمام غسلت بمي بارد اريد شي يبرد گلبي تعبت ماكو شي رح يخلي يتخلى عني اخاف اضعف وارجعله وكت اللي ارجعله رح اخسره يكفيني هو عايش ويشتم الهوى ولا ميت طلعت من الحمام زهراء
زهراء:نعم هاي ليش هيج مبلله لتتمرضين عرسج بعد كم يوم
جيلان:لتدخلين بس انطيني تلفونج
زهراء:مو عندج تلفون مصارت هل سالفه
جيلان:ماخابره من تلفوني انطيني تلفونج ع الاقل حللي الفلوس الي اخذتيهن نطتنيا عفتها وفتت للغرفه كتبت لفهد
فهد اني غيرت قراري ماريد نفصخ..💬
راسا اتصل جاوبت
فهد:هاحبيبتي جنت اعرف حتتراجعين عن قرارج لهذا مجاوبت هل يومين جيلان اني عجبتيني ومااتخلى عنج لان متتعوضين
جيلان:موافقتي متكمل الا بشرط
فهد:أمري
جيلان: ماكو عرس
فهد: ليش هذا امنية لكل البنات
جيلان:مااريد
فهد: براحتج اخلي حفلة بس للرياجيل لان اعزم اصدقائي اللي بالدوام
جيلان:براحتك يلا باي
فهد:باي
جيلان:بموافقتي اعلنت اعدامي اني ضايعة وماكو احد يدليني ماعرف شنو الاسوي كل اللي يهمني علاء يكون بخير بدو يجهزون للعرس بس ابد مطلعت وياهم وكلشي على اختيارهن بشرط انو الملابس مستورة وميجيبون شي ممستور قررت مااداوم بعد وتلفوني غلقته اقطع التواصل وي علاء ابتعد عنه من يوم اللي عرفني ماارتاح بحياته اني لعنة عليه مرت الايام سريع واليوم الحنة بعد عياط وتواسيل اقتنعت اروح صالون كلتلها لام الصالون مكياج هادئ كلش تسويلي المكياج واني اشوف العرايس فرحانات بدون حسد بس ليش اني مااخذت الاحبه ليش مصيري انحرم منه وفوكاها اخذ ابن عمه وابقى بوجهة العمر كله كملت مكياج ورجعت للبيت داابدل راوتني زهراء البدله حمرة ..منو كلج تجيبيها حمرة مااريدها
زهراء:هي بدلة الحنة غير حمرة
جيلان:مااريدها مالبسها
زهراء: هو اختاريتلج بدلتين البسي هاي شوية ونزعيها
جيلان:كلتلج مالبسها وخريها ومستعده مااطلع
زهراء:طبج مرض ابقي هيج وهاي البدله غصب عنج تلبسيها
جيلان: عافتها وطلعت ..علاء ميقبل البس احمر لغيره شلون البسها كمت اعيط شلون لكيت مكص اخذته وبديت اكص بيها وابجي واعيط ماريدها ماريدها خلوني اموت حتى الموت تحرموني منه رحموني تعبت فقدت من العياط دخلو
زهراء: عزه بعينج شسويتي بالبدله وبروحج خربتي مكياجج كومي
جيلان: خليني اموت شتردين انطيج بس عوفيني
زهراء: اششش كومي هذا قدرج وتتحملين كومي
جيلان:كومتني عدلت مكياجي لبستني بدله جان لونها نيلي كعدت العالم تركص وفرحانه واني بغير عالم گالو اجه العريس اجه سلم عليه بوسني بخدي احس اتقززت منه لعبت نفسي هو يحاجيني واني بالي باچر شلون اتقبله شلون اتحمل اعيش ويا شلون تجمعنه غرفة وحده شلون اعيش امنياتي اللي تمنيتها وي علاء واحققها وي فهد انقطعت افكاري اجت بيبيته حنتني
زكية : الله يكتبلكم السعادة والتوفيق بحياتكم
جيلان:شكراً..ياسعادة واني دخلت الجحيم ياسعادة الي اكون بيها واني رح اعيش بدون علاء ..حنت فهد وهو طلع لان الولد ينتظرو جانت حفلة الولد ببيتهم ..ياترى علاء بالحنة لو وين شديسوي شصار بي حالتي مو طبيعيه حرام اللي داسوي اني دااخون فهد وعلاء كسرت علاء واخذت ابن عمه وتزوجت فهد وافكر بعلاء حرام اللي داسوي بس مااكدر گلبي مااكدر امنعه خلصت الحنة رحت سبحت بمي بارد وجان الجو بعده بارد بس ماكدر النار اللي بيه محد يعرفها بس رب العالمين بقيت ساعتين جوه المي واردد اغنية تسأليني طلعت فتحت تلفوني كاتبلي
ماصارت عساها بذمة الخلوك تسكت من تلاگيني وانه بكل مسية اناديك يبو عيون وساع جروح گلبي وساع..💬
