لا انت العفتني ولا رضيت انساك وما مقتنع باجر يمشي من دونك وكلشي يهون بعدك حتى گلبي يهون بس وداعتك ردت افهم شلونك خلص كل الحچي وانساك بس شنساك جيب اليشطب من الذاكرة عيونك
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
علاء: اني العفت اهلي لخاطرج اني الي اضحي بوظيفتي اللي خسرت بيها نص عمري لخاطرج اني اللي لا ليلي ليل ولانهاري نهار متحمل تعب ومشاكل لخاطر خضار عيونج تعوفيني كلشي يهون الا فراگ عيونج گلبي مو حمل لهلكد وجع اني ماحبيتج حتى اخسرج اخسر الدنيا لخاطر ضحكة منج اعوفج وانتي هذا حالج بدوني واني اعرف بيج تحبيني كليلي ابوية انتي منو اللي حجالج ويريد يخرب بيناتنه جيلان: بقيت ابچي ماعندي القوة الكافية حتى ابتعد عنه گلبي متمسك بي بس مااريده يخسر اهله..محد گلي اني عرفت علاء:همه اثنين بس لو علي لو زيد وزيد مستحيل يغدرني اني اعرف شلون حسابي وي علي جيلان: لا مو علي والله علاء: يعني زيد الي خلاج تبتعدين عني جيلان: لا اصلا ماعرفه علاء: حلفي بيه ان مو علي ولازيد الي حجولج جيلان:مااكدر احلف علاء: غزالتي لتصيرين انتي والدنيا عليه شتحمل اهلي وصديقي وابن عمي الي اعتبره اكثر من اخوية اني راضي اخسر كلشي ولااخسرج جيلان: مو زيد الي حجالي ليش متصدك علاء: ابويه انتي احد گلج غشيم وماافتهم صارله فترة يركض ورايه يقنعني اعوفج ويوم اللي شافنه سوه تعاركنه بس الغلط مني اني اللي وثقت بي معتبره اخوية وخليته يشوفج جيلان: بس هو خايف عليك ميريدك تخسر اهلك علاء: اني مو طفل ويخاف عليه ولاطفل ويختارون حياتي اني بدونج ماقبلت باللي يردوها وجنت اعوف البيت بسبب ملحتهم مو هسة اعوفج واخذها اني محبيت الدنيا الا من عرفتج حياتي قبلج مالها معنى جيلان: اهلك شلون علاء: همه ببالهم اذا حرموني من كلشي رح ارضخ وارجعلهم أو انتي تعوفيني لان ببالهم قبلتي بيه لخاطر فلوسي بس يحلمون مو اني الاتنازل عن الاريده ميمنعني منج بس الموت جيلان: خسرت كلشي من ورايه ياريت من البداية ابتعدت عنك علاء: لتحجين هيج اني خسرت ومستعد اخسر ماطولج ويايه احارب الدنيا كلها صيري ويايه لتصيرين انتي والدنيا عليه جيلان:اني ابتعدت عنك مردت تخسر اهلك بس خسرت روحي بغيابك علاء:لتخلينه نخسر اكثر ونتعب لااني اكدر بدونج ولاانتي جيلان:بدون مااجاوبه جان واكف قريب مني وكفت وحضنته جنت محتاجته هواي علاء:مابقى الا وقت قليل وتصيرين يمي وننسى هل تعب هذا جيلان: ماعوفك بعد علاء:واني ماعوفج بس لمن اموت..رح اطلع تأخرت ليجي ابوج جيلان:عزه نسيته ليش هو وين راح علاء:خليت الدكتور يصيحه يلهي كلتله اني خالها جيلان: لو عندي هيج خال جان ماعفت بيت جدي علاء:ابتسمت انتبهي على نفسج غزالتي وتلفونج تفتحي لتشغلين بالي عليج اكثر جيلان:صار ..طلع واني رجعت كعدت ارتاحيت ماكدر بدونه ولااكدر افاركه ...بعد شوية طلعنه من المستشفى اول مرجعت فتحت تلفوني بدت الاشعارات توصل ع النت والسيمكارت وهواي اتصالات جنت اقره الرسائل وابجي اتصل عليه علاء:شبيج ابويه ليش تبجين جيلان: جنت اقره الرسائل اللي دزيتهن الي ماعرف شلون اعتذر واعوضك عن اللي سويته بيك علاء: انسي غزالتي لتفكرين المهم احنه سوة ولتعيديها يعد لاانتي تكدرين بدوني ولااني اكدر بدونج جيلان: وين باقي هل فترة وليش محجيتلي علاء:جنت اعرف حتعوفيني لو كلتلج لهذا محجيت جيلان:وين بقيت هل فترة وصارلك شكد علاء:عندي شقة بمجمع سكني باقي بيها جيلان:شلون عايش شتاكل منو يهتم بيك علاء:شنو طفل كدامج يابنتي اني اهتم بنفسي ليضل بالج عليه اعرف ادبر اموري اهتمي بنفسج هسة وصيري زينة وامتحاناتج مبقالها شي جيلان:هو هنا المشكلة مابيه حيل اقره اريد اداوم بس حتى اشوفك علاء:لاغزالتي هذا مستقبلج حرامات اللي وصلتيله وتضيعي بالنهاية باجر داومي حتى ترتبين امورج جيلان: صار علاء: يلا ابويه نامي ارتاحي وراج كعده جيلان:انتبه على نفسك علاء:تدللي تصبحين على خير غزالتي جيلان:وانت من اهلي علاء: اخذتي گلبي وهسة تاخذين كلامي جيلان:اني اريد اخذك كلك واحطك بنص گلبي حتى محد يشوفك علاء:احبج جيلان:باي علاء:باي ام التغليس جيلان:ضحكت وسديته ماكدر انام داافكر بي طلعت باليوتيوب اكلات المشكلة مااعرف اطبخ بس رح احاول اتعلم طلعتلي المقلوبة فكرت بيها اني اعرف اشوي الدجاج بس التمن مو كلش بقيت اباوع حفظت الطريقة گمت طلعت الدجاجة ورجعت نمت وكعدت الفجر حتى اسوي بدون مينتبهون سويت ع الطريقة وانتضرت اخذته بحافظة صغيره نوب بدلت لكيته كاتبلي دانتظرج راسا طلعت تمشيت صعدت السيارة علاء:صباح الخير يا وجه الخير جيلان:صباح النور علاء:ريحة اكل لو داتخيل جيلان: اني طبختلك بس ماعرف اذا طيب لو لا علاء: ليش تعبتي نفسج ياابويه انتي مريضة جيلان: اني لخاطرك ميبقى بيه مرض اصلاً احلى من العسل على گلبي علاء: تحبيني وتدلليني شتمنى من رب العالمين غير انو يجمعني بيج انتي هدية من رب العالمين الي جيلان:اللي سويته الك ميجي ربع اللي سويته الي انت عوض رب العالمين الي وهسة ضوگة وانطيني رأيك علاء:هو شنو الاكل جيلان: ع اساس مقلوبة مادري شوفها طيبة لو لا علاء:ههههههههههههه ب8 اتريك مقلوبة بالغده شاكل جيلان: ماادري اني اعرف تحب هل اكلات ومااكدر غير وكت اطبخلك علاء: اتشاقه وياج ابويه رح اكل منها وابقي للغده هم جيلان: تفضل ..اكل لگمة وبقه ساكت يبو مبين معجبه اذا هو التمن اني مسويته احمر عود بس خطية بي فقر دم علاء: طيب عاشت ايدج جيلان:وداعتك لو حتى انت تطبخلي وهيج شكله مااكله هسة عرفت شكد تحبني من جرعت هل اكل علاء:ههههههههههه يكفي انو دتتعلمين لخاطري وطعمه زين بغض النظر عن لونه بس مرة ثانية زيدي الملح جيلان:الله يجازيك على مجاملاتك الي..يوميه اطبخلك حاجة علاء:رحمالله والديج مسويتني فأر تجارب طبخاتج جيلان: ضحكت قوي ض علاء:ضحكتج فضحتينه هسة شسويلج جيلان:حشاك حبيبي علاء: دخلنروح والله يستر من الجاي جيلان: ابتسمت ...وصلنه للكلية علاء:انتبهي على نفسج اني هنا انتظرج جيلان: صار باي .. دخلت معجبني اخذ محاضرات رحت اخذت جدول الامتحانات من الطلاب لان بعد باجر امتحاناتي وطلعت شفته واكف بعيد وي واحد من الجنود ويحجي بقيت اتأمله كلشي بي حلو وگفته طوله شكله ضخامته جان لونه بين الحنطاوي والسمار وشواربه ثخان ومرتبات بدون لحية حواجبه ثخان وبيهن شمرة عيونه كبار ورموشه كثيفه لون عيونه اسود لدرجة كدما اتأمله واصفن بي مااشبع منه رفع ايدي ويأشر من جان يحجي بينت عروق ايده طلعت تلفوني من الجنطة وبقيت اصور بي لقطات هواي هو انتبهلي ابتعد عن الجندي واتصل علاء:شعدك طالع برة يحلو ترة الناس متتحمل جمالك جيلان: شتاقيتلك اخذت الجدول وطلعت اريد اخلص اليوم وياك علاء: تدلل حلاوة دقايق وجايك بس اجيب السيارة جيلان:اوكي انتظرك .. تمشيت للشارع وهو اجه صعدت يمه عود ليش تحاجيني عبالك ولد وليش تگلي حلاوة علاء:الولد قريب مني خاف يسمعني اتغزل بيج وتطير الهيبة جيلان:ههههههههههههه علاء:الضحكة تربعت بنص گلبي حلاوة جيلان: هم كال حلاوة علاء:انتي حلوة والدنيا احلوت بيج فأنسب لقب الج بعد غزالتي هو حلاوة جيلان:امممم ..وين نروح علاء:بكيفج عاجبج مكان جيلان:خلي نروح حديقه وبنفس الوقت مكان معزول نكون بي وحدنه علاء:هو ماكو هيج مكان للاسف بس رح اخذج للكورنيش جيلان:ماشي ..شغلت المسجل طلعت اغنية وديع مراد حلوة الدنيا ...هاي الاغنية مسامعتها علاء:ولا اني بس حلوه توصفنه جيلان:فعلاً الدنيا حلوه من احنة سوة علاء:ابتسمت وصلنه جيلان:نزلنه كعدنه ع الكورنيش يم شط علاء:هسة اجي لتتحركين جيلان:بقيت انتظره اتاخر اجه جاب فرشه نكعد عليها واكل وعصاير علاء:تاخرت عليج؟ جيلان: يعني مو هواي يلا خلنكعد رتبنه الغراض علاء: هذا اكلج وهذا اكلي جيلان:يعني بعدك مصر انو تاكل طبخي علاء: يعني طبختي وتعبتي بي واعوفه يكفي هو من ايدج جيلان:بالعافيه ..كملنه اكل وبقينه نسولف دك تلفونه اني بقيت ادندن بالاغنيه عجبتني حلوة علاء:كملت الاتصال..يحلو سمعني صوتك ليش ناصي جيلان:لا مو حلو علاء: تسمعيني لو بعد ماغنيلج جيلان: بشرط انو تغنيلي وراها علاء: متفقين غني يلا جيلان:معكم المطربة الصاعده غزالة علاء علاء:يروحلج فدوة علاء جيلان: ليلة لو باگي ليلة بعمري ابيه الليل واسهر في ليل عيونه هي ليلة عمر ياالله يالله وشكثر انتي جميلة يالله يالله وشكثر انه احبك احلم احلم بيك نايم جنبي وانا صاحي ونايم ياللي ايامي بدونك ماهي من العمر ليلة لو باگي ليلة بعمري ابيه الليل واسهر في ليل عيونه هي ليلة عمر.... اتمنى ميعتزل المطرب بسببي علاء:صوتچ حنون هادئ جيلان: اقدم ع the voice علاء: ليش لا حتى اكص لسانج جيلان: يا بدال متشجعني علاء: واخلي العالم تسمع صوتج الحلو ليش ابوية ناوية تموتيني جيلان:اسمالله حبيبي يلا غنيلي علاء : شتردين اغنيلج جيلان: كاظم الساهر بس اي اغنية تعجبك علاء:تأمرين غزالتي احبيني بلا عقدِ واضيعي في خطوط يدي احبيني لاسبوعٍ لايامٍ لساعاتٍ فلست انا الذي يهتم بالأبدي تعالي تعالي تعالي واسقطي مطراً على عطشي وصحرائي وذوبي في فمي كالشمع وانعجني باجزائي احبيني بطهري او باخطائي وغطيني ايا سقفاً من الازهار ياغابات حنائي انا رجلاً بلا قدراً فكوني انتِ لي قدري جيلان انتي قدري جيلان: انت احلى قدر بالدنيا انت اللي اجيت بعد المعاناة والصبر انت اجمل عطايا القدر علاء:ماتخيل عمري بدونج جيلان:عمري بده وياك وينتهي وياك علاء:كاظم يكول لو لم تكوني انتِ في حياتي كنت اخترعت واحدةً مثلك بس اني اكلج ماريد مثلج اريدج انتي انتي العلمتيني احب الحياة واحب روحي جيلان: ماعرف اوصفلك كمية حبي الك كل الكلام ميكفي حبي الك عبر الحدود بهل اثناء دينا اتصلت دينا: لج جيلان باركيلي اخيراً امه لعلي قبلت على خطوبتنة ممصدكة رح نعقد بالعطلة حبيبي رح يصير بأسمي جيلان:حبيبتي دينا الف مبروك الله عوضكم وكافأكم من بعد الصبر دينا: جيلان اول منخلص امتحانات تجين يمي جيلان: ماشي حبيبتي الله يتمملكم على خير دينا:حبيبتي يوم الالج يلا رح اسده جيلان: الله وياج ...علاء اخيراً ام علي قبلت على زواجهم علاء: الحمدلله يارب يوم الالنه جيلان:انشاءالله علاء: جيلان تحملي لخاطري امي عنادها وكبرياءها ميخلوها تقبل بس بعدين رح تتنازل جيلان:عادي اتحمل وانتظرك العمر كله يكفي تكون ويايه علاء:واني مستحيل اتخلى عنج وهسة خلينا نگوم تاخرنا واول مترجعين تبلشين قراية جيلان:صار ..رجعنه واني بالسيارة كل شوية اشغل اغنية حلوة الدنيا من تعجبني اغنية الح بيها علاء:حلاوة رح احجيلج موضوع ومتضوجين جيلان:طفيت الاغنية ..احجي لتخوفني علاء:ديحاولون ينقلوني للموصل جيلان:شنووو ينقلوك وللموصل وشمعنى مو طلع داعش ليش هل نقل بعد علاء: بعد اكو قرى ومناطق متحررت بس مو هذا السبب هاي النقلة مقصوده يردوني ابتعد عنج لان هناك حتى بالتلفون قليل نتواصل يردوني اتبهذل حتى ارضخلهم جيلان: علاء عوفني بس لتروح لهناك بداعتي علاء:شلون تحجين هيج غزالتي تردين اعوفج وابتعد من ورة سالفة تافهة اني مو اول مرة اروح للموصل خوفي الوحيد عليج جيلان: شلون تروح واني مااكدر افارگك يوم وبالي يمك ابقى هنا وعوفني عالاقل اعرف انت بخير هل شي يكفيني علاء: ابوية لتفكرين بيه كلها كم شهر وارجع نقل لبغداد ورح احاول أأخرها للعطله جيلان: تحجي صدك فوكما مااشوفك نوب تروح بعيد وحتى بالتلفون منتواصل علاء:لتخافين حبيبتي اني گدها والكاتبة الله يصير جيلان:سكتت لان بس احجي بعد اكوم ابجي شنو من اهل اللي يشمرون ابنهم بالنار في سبيل انو يجبروا على وحده ميريدها جنت احجي بداخلي مردت اكول هل كلام اله واقهره علاء :حبيبتي جان الوضع يخوف ورجعت سالم وهسة هواي تغيرت الامور صارت احسن واذا الله كاتبلي اموت حتى لو هنا رح اموت جيلان: من حجة هيج متحملت بجيت بداعتي لتروح مستعده اعوفك بس تكون بخير علاء:انتي وياي واني بجهنم ولا بدونج وبالجنه لتحجين هيج بعد ياابويه جيلان:رجعني للبيت علاء:لتزعلين بس مااكدر اتخلى عنج جيلان:اي ابقى بهذا عنادك علاء: اذا لخاطرج مااعاند واضحي بروحي منو اليستاهل اضحيله لعد جيلان: مااكدر الح اكثر لان اعرف بيك عاندت بعد بس اذا تحبني تديربالك على نفسك وتبقى تطمني عليك كل شوية علاء: هذا الاريده تودعيني واني مرتاح مااريد تخليني بالي يمج ولتخافين عليه رجعت من الموت هواي وهل مرة هم اعانده وارجعلج جيلان: الله يحميك ويحرسك من كل شر علاء: يلا حلاوة وصلنه ديري بالج على نفسج واهتمي بدراستج جيلان: صار مع السلامة علاء:الله وياج ابوية
امسكوا احبائكم قبل ان يقعوا على الارض لان التراب لايعيد من يأخذ
......للحكاية بقية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
