يا كل اللي بگلبي وانت لو ما بي..!
چا هسة انه خالي وكلشي ماعندي..
انتظرتك انتظرتك وانتظر ...
وعيوني وكت الموت...
انطيهن لواحد بعدي ينتظر....
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
علاء:رحت للدوام بس بقى بالي يمها شوية ورجعت بعدني يم المجمع اتصلت عليه ماعرف شلون وصلت للعمارة وصعدت من وصلت يم باب الشقه سمعت عيطتها دخلت شفت رواء خالة السچينه على بطنها ركضت عليها دفعتها وجريت جيلان حضنتها..بيج شي تأذيتي بعدتها عني بقيت اباوعلها
جيلان:لحظات بس وشفتها انجرت عني حضني علاء واني ممستوعبه اللي ديصير ..چنت رح اموت لوما انته
علاء:خليت جيلان ورايه ولاول مرة بحياتي امد ايدي على مرة ضربتها راجدي
رواء: تضربني علمودها شسويتلك وتزوج هاي عليه بت الفگر اللي لااصل ولا فصل شبعت بفهد لحدما مات وهسة رجعتلك
علاء:خنگتها بايد والايد الثانيه اضربها بيها فقدت لو متأخر شويه جان راحت مني جيلان
جيلان:علاء عوفها حتموت عوفها ..ادفع بي وهو فاقد ميسمعني كوة جريته عنها
علاء:شلون اندليتي مكانه وشعرفج اصلاً شلون تجرأتي تجين لهنا وتمدين ايدج عليها
رواء:البارحه المطعم اللي انت بي صديقتي موجوده بي وهي بلغتني اني اجيت لحدما كملتو سهرتكم وطلعتو لحكتكم وخلي ببالك بلغت امي وخالتي انو رح اجي لشقتك اي شي يصيرلي يبلغون عنك جدي
علاء:ضربتها راجدي وكعت بالكاع دفرتها انتي منو وتهدديني طلعي برا انداريت على جيلان لبسي بساع
جيلان:وين خزرني عفته ورحت ركض لبست اجيت لكيتهم واكفين يم الباب هي لازمه ايده وتبجي
رواء:مو اني احبك وكلتلك اتحمل كلشي ليش تزوجتها عليه هي متحبك تحب فلوسك محد يحبك غيري
علاء:دفعتها شلون مجيتي ترجعين يلا جيلان
جيلان:صعدت بالسيارة واثنينه ساكتين اني لحد الان ممنتبهة على صوتي انو رجع من الخوف والصدمة انتبهت للطريق هذا بيت جده انداريت عليه، علاء لتودينه لبيت جدك حباب
علاء:شكد نريد نضم هل شي قابل واحنه ممسوين شي لاحرام ولا عيب ولتناقشين بهل موضوع
جيلان:بقيت متوتره لحدما وصلنه
علاء:نزلي يلا
جيلان:علاء خلي نرجع بعدين نحجيلهم
علاء:كلت نزلي واي شي لتحجين خليني اني احجي
جيلان:نزلت اول مدخلنه اجتي امه وام رواء يركضن
صباح:سويتيها واخذتي مو
علاء:حرف زايد مااسمع منج اخذت جيلان ودخلت للبيت جانو بالصاله جدي وابويه وعمي ابو فهد وبيبيتي من دخلت ويه جيلان البقيه اجوي حتى اللي مو بالبيت لان هنا الاحداثيات اول بأول
صالح:ليش جايب مرت ابن عمك وياك ولازم ايدها
علاء:صارت مرتي هاي جدي اني تزوجتها
صالح:تزوجتها شنو اني عارضت زواجك منها على اي اساس تعاند كلامي
ابو فهد:شلون الك نفس تاخذ ارملة فهد هذا اخوك يا وسفه بس شلون تقبلتها
علاء:عمي من ردتو تزوجوها لياسر وجبرتوها مكلتو مرت اخو
ابو فهد:احنه ردناها لياسر حتى نحميها مو حتى يكون زواج كامل
ياسر:اني ردت اتزوجها لان هي امانة اخوية واني ماالي نفس بيها حالها حال اختي بس اعرف يصير كلام علينه
علاء:اني هم تزوجتها حتى احميها من مات فهد لليوم منو سأل عنها غيري اني ومهيمن واني مرتي لحد الأن مصار عدها حمل من حقي اتزوج وحتى ممرتاح وياها ع الاقل جيلان اعرفها
صالح:اني قراري واضح وميتغير كلتلك هل زواج ميصير وبت عمك مصارلكم سنتين من تزوجتوا تصبر عليها مثل مصبرتلك لحدما تزوجتها
علاء:بت عمي مااريدها تهجمت على جيلان تريد تذبحها لوما وصلت بأخر لحظة اللي عدها القتل سهل كلشي يطلع منها خليها ترجع لعمي ماريدها
صالح:اخر كلام عندي لو تطلك لو اتبرى منك
علاء:طلاك مااطلك صارت زوجتي ولو تنطبق سما على الارض مااعوفها لجيلان
صالح:اطلع برة ماالك رجعه لهنا بعد
علاء:امشي جيلان
جيلان:دنطلع صارت بوجهي خالتي
ام فهد:ياحسافه اعتبرتج بنتي وانتي بعتي ابني وخنتي
جيلان:محجيت حرف واحد جرني علاء من ايدي وطلعنه صعدت بالسيارة بجيت متحملت ، علاء طلكني
علاء:جيلان كلمة زايدة اذبحج لتزيديها بچفصاتج
جيلان:شلون تخسر اهلك علمودي
علاء:اهلي متهمهم راحتي من انولدت وهمه يقررون مصيري ادخل كلية عسكرية ادرس هيج اتزوج بت عمك خلي عرسكم هيج اني مو طفل عدهم اني رجال واقرر مصيري تحملتها بكلشي ادري بيها طماعه ومتحبني وتزوجتني علمود الفلوس والرتبة من فقدت الامل مني رادت مهيمن لو فهد يتزوجوها عبالها متوصلني هل معلومات اني ماالي نفس بيها اعرف حجم الخبث والحقاره اللي عدها والاتعس امي مساندتها محد يهمه راحته ولايفكرون شنو اريد لتصيرين انتي وياهم عليه لخاطري ياابويه
جيلان:اني ماريد تخسرهم لخاطري
علاء:اني عايف دنيا بحالها لخاطرج وميهمني ماطولج ويايه واذا عليهم لتفكرين يسوون هيج ديضغطون عليه بس ميلوون ذراعي مااحتاجلهم فترة ويتصلح كلشي لتهتمين
جيلان:حضنته الله ليحرمني منك
علاء:بعدتها عني ولج حلاوة صوتج رجع
جيلان:حطيت ايدي على حلگي عزه اي رجع عطت رجع صوتي ممصدكة گمت ابجي من الفرحة باسني بين شفتي وخدي
علاء:خلنرجع لبيتنه نحتفل بصوتك يحلو
جيلان:لزمت ايده بستها بقيت خالتها ع خدي رجعنه للبيت طبعاً جان كارثه بقيت اباوع منين ابدي
علاء:يلا حلاوة خلي نبدل ونبلش
جيلان:حرامات نظفته الصبح
علاء:ههههههههه يعني مهامج اللي صار مقهورة على التنظيف اروح فدوة لفهاوتج
جيلان:خلنبدل احسن متصنف عليه رحت نزعت العبايه وطلعتله ملابس هو يلم الگزاز واني اعزل اباوع ع البيت وادعي عليها خربت كلشي بي
علاء:حلاوة لتهتم بليل نطلع نعوض الي اتكسر
جيلان:انشاءالله كسر بأيدها
علاء:امين يلا خلي نكمل
جيلان:كملنه بعد تعب هو دخل يسبح واني سويت اكل ..نعيماً
علاء:الله ينعم عليج حبيبتي وميحرمني من صوتج الحلو
جيلان:ولايحرمني منك كملنه اكل هو نام بالصاله لكيت زهراء مراسلتني
زهراء:شصاير شلون عرفو بزواجكم اجه عمج يتعارك وي ابوج..💬
جيلان:قريت رسالتها اتصلت عليها
زهراء:ليش متصله
جيلان:بفضل الصار رجع صوتي
زهراء: ع الخير شكو عليج مرتاحة واحنه واكعين بيها
جيلان:ليش شصار
زهراء:اجه عمج يتعارك وي ابوج يكله شلون تنطيها حتى لو نعتبرها صغيره متفتهم انت شلون تقبل وابوج كله هو علاء حماها احسن من ياسر نطيتها اله حتى اكون متطمن عليها هو من سمع كلام ابوج عافه وطلع
جيلان:اووف شلون رح تخلص
زهراء:وشكو مهتمه التردي واخذتي اجاج كلشي ع الحاضر
جيلان:زهراء روحي مناقصني غيرج سديته وبقيت كاعده باوعت ع شاشه تلفون يوم 6 باچر عيدميلاد علاء لازم اسويلهيا گمت بدلت حتى من يكعد نطلع ماريد افكر باللي صار المهم هو عندي كملت تبديل رحت يمه چان الضوه مطفي فتحت شعري ولزمت خصله امشيها على وجهة كام يسوي
علاء:تؤ تؤ
جيلان:قلدته تؤ تؤ
علاء:فوكما تزعجيني تقلديني
جيلان:عندك اعتراض
علاء:اي جريتها خليتها فوكايه
جيلان:يا هاي شسويت
علاء:لازم اعاقبج حتى متعيديها بعد
جيلان:اممم اذا هذا العقاب اعيدها
علاء:عجبتج السالفه ست جيلان
جيلان:اكو احلى من حضنك
علاء:نعسان خلي راسج هنا على رگبتي ونامي
جيلان:لاحباب گوم كافي نوم
علاء:دنامي حطيت ايدي ع راسها وغمضت
جيلان:متحملت عطره كلش طيب نمت محسيت شوية وكعدت
علاء: هاي عود مردتي تنامين
جيلان:شسوي انت غصبتني
علاء: لا لا تتبلين عليه شو خلاعاقبج عضيتها من زندها
جيلان:اخ سويت روحي زعلت عفته وكمت
علاء:اروح فدوة للزعلان هاي شنو مبدله
جيلان:اي مو كلتلي تطلعني
علاء:اويلي منجن الواحد من يكول على طلعه لازم ينفذ
جيلان:برطمت ماريد
علاء:لتبرطم حلاوه هسة ابدل ونطلع
جيلان:ماشي اني هم حلبس شالي رحت غسلت وجهي وكفت اخلي مكياج اجه حضني من ورة
علاء:حلاوة صير حباب وعوف المكياج لا اخرب وجهك الحلو
جيلان:درت عليه بس حمرة وكحله
علاء:تؤ ممنوع بس بالبيت ومو دائماً وجهج حلو لتخربي
جيلان:اوفف لبست شالي وهو كمل تبديل وگف يتعطر سبح بالعطر كافي الشقه اليمنه رح تشتم عطرك
علاء:احسن امشي يلا
جيلان:طلعنه دندخل للمصعد صار بوجهنا رجال سلم على علاء
علاء:وعليكم السلام
:-سلامات صاير شي سمعنا عياط الظهر
علاء:لاماكو شي بس والدة زوحتي تخربطت وبقت تعيط خافت عليها الحمدلله صارت احسن
:-الحمدلله ع سلامتها من رخصتك
علاء:الله وياك ، اني اعلمها من وراها انفضحنه
جيلان:حبيبي ماادري من عطت بدون وعي والله
علاء:لاحبيبتي تصرفج طبيعي دتدافعين عن نفسج
جيلان:رحنه اشترينه نواقص البيت دخلت محل ملابس هو بقه ينتظرني برة مدخل عجبني فستان احمر طويل بي فتحه لنهاية الرجل مخصر ع الجسم وصفحة ردن كامله والصفحة الثانيه بيها زنجيل ذهبي اخذته وطلعت
علاء:شخذتي
جيلان:معليك حبيبي
علاء:هاي شنو طالع لسانك حلاوة
جيلان:احسن بعدين تشوف
علاء:بعد شتردين وين نروح ست غزاله
جيلان:كملت ماعندي شي
علاء:يلا نرجع
جيلان:ماشي رجعنه للبيت هو كعد يكمل شغله واني ادور بالتلفون وصيت اشياء لعيدميلاده
علاء:حبيبي تعالي يمي
جيلان:جيت كعدت يمه خله راسه على جتفي
علاء:تعبان دخت من الشغل والمشاكل
جيلان:الله يساعدك حبيبي
علاء:بس يمج مرتاح
جيلان:ميهمني شي بالدنيا غير راحتك وسعادتك كوم خلي ننام
علاء:ماشي
جيلان:نمنه كعد صبح تريكنه وسبح ديروح للدوام
علاء:ممنوع تنفتح الباب لاي شخص فهمتي
جيلان:صار انتبه على نفسك
علاء:انتي هم غزالتي
جيلان:طلع اني ركضت نظفت البيت وسويت ميز صغير للعصر وصل الكيك والحلويات الوصيتهن ويا رتبتهن ع الميز وخليت الشموع جانن ارقام 30 وبديت اجهز نفسي جربت الفستان كلش ضيق اني مجربته بالمحل لان اعرف قياسي بقيت بي ومكيجت خليت حمرة لون احمر وايلاينر ومسكارا بس ولفيت شعري لبست حذاء عالي هم لليل اندك الجرس خليت الروب على جسمي ماعرف شلون حطلع هيج كدامه لبست شال هم رحت علگت الشموع وطفيت الضوه وفتحت الباب
علاء:شو لابسه شال
جيلان:رفعت راسي فتح عينه
علاء:هاي وين رايحه معزومه لعرس ومااعرف
جيلان:عفته ودخلت للصاله تجرأت نزعت الروب والشال
علاء:بمناسبة شنو هل كيك
جيلان:عيدميلادك اليوم حبيبي
علاء:وهاي الكيكة الحمرة هديتي
جيلان:ههههه تقبل بيها
علاء:صدك عيدميلاد هذا توني انولدت بديت ابوس بخدها
جيلان:حتخلص الشموع يلا طفيها
علاء:رين خلابدل
جيلان:تؤ بعدين مابيك شي
علاء:اتمنى عيدميلادي الجاي طفل يشاركنه فرحتنه وطفيت الشموع
جيلان:كل عام وانت بالف خير حبيبي
علاء:انتي الخير كله بس منيلج الكيك وهاي التحضيرات
جيلان:ابتسمت وصيتهن
علاء:لزمتها من اذنها على كيف حلاوة ليش متسمع الكلام انته
جيلان:لعد شلون
علاء:لتعيديها بعد حبيبتي تردين شي كليلي
جيلان:ماشي حبيبي هسة قطع الكيكة
علاء:قطعتها اخذت شوية منها وكلتها
جيلان:اريد بعد
علاء:لاحبيبتي عود اجيبلج كيك خاص
جيلان:ما ما هو اني وصيتها مشتهيه الكيك
علاء:يعني مو اليه زين هي كيكتي واني مااقبل
جيلان:لفيت ايدي ع رگبته حباب
علاء:مديت ايدي شغلت الضوه واني هم مشتهي هاي الكيكة الحمرة شبيج حبيبتي متعرفين قياسج
جيلان:يا لتتنمر عليه
علاء:اروح فدوة لتنمر بس اكو اثنين حيطكن
جيلان:هههههه واني اضحك هو يباوعلي ، شبيك بس حجيت باسني بشفتي احس اول مرة اعيش هل شعور بالاول تفاجأت
بعدين حضنته بدون مااحس وهو مستمر شالني ورحنه للغرفه ........
علاء:لو هيج الكيك لو مينراد
جيلان:غطيت وجهي جر الغطا واخذني بحضنه
علاء: اليوم ملكتيني الدنيا من صرتي الي وعفتي خوفج
جيلان: مجنت اعرف روحي هيج
علاء:ولااني جنت اعرف هيج وكحه حلاوة
جيلان:اهو علاء
علاء:لا يلا حسكت خلاكل حلويات بعد
جيلان:اي كوم
علاء:وين اكوم وهي الحلويات كلها يمي
جيلان:يا حبيبي شبيك كوم خلناكل جوعانه
علاء:كومي هيج
جيلان:خزرته جريت اللحاف وكمت فتحت الكنتور طلعت دشداشه اجه جرها مني
علاء:هاي من ترحين يم ابوج لبسيها يمي لبسي اشياء تمتع العين واذا تردين لتلبسين
جيلان:ماعندي مشتريت
علاء:تدللين باجر نشتري
جيلان:دنطيني خلالبس
علاء:هاج قميص مني
جيلان:يا وهدومي المن
علاء:عاجبني اشوفج بهدومي
جيلان:ماشي لبست قميصه وهو يسد الدگم الي صار كلش طويل عليه
علاء:ههههههه غزالتي القزمه
جيلان:انت طويل مو اني قزمه
علاء:هي المتعرف ترگص تگول الگاع عوجة
جيلان:شمرت شعري ليورة ومشيت بحركة غرور وصلت مسافه وهزيت جسمي كلتله اعرف صوفر
علاء:غزاله اسم على مسمى
جيلان:رحت رتبت الاكل
علاء:اكعدي بحضني سويلي واهس
جيلان:كعدت على رجليه وبديت اوكله كل لكمه يبوسني بيها من عيني لو خدي وحتى خشمي كملنه اكل وبقينه هيج كاعدين بعدين نمنه للصبح دخل يسبح دقايق وصاحني
علاء:حلاوة اريد خاولي
جيلان:توك دخلت يا خاولي
علاء:دجيبي
جيلان:نطيتهيا جرني من ايدي
علاء:ممنوع تعوفيني اسبح وحدي
جيلان:امممم ليش متعرف
علاء: لا حتى اعلمج السبح شلون يصير وغمزتلها
جيلان:كملنه سبح تريگنه هو مراح للدوام اني دااعزل اندگ الجرس فتح الباب علاء صحت منو مجاوبني طلعت للصاله شفتها امه
صباح:اعرف السويته بيكم مو قليل وحقكم اذا متستقبلوني
جيلان:تفضلي هو بيت ابنج يعني بيتج
صباح:شكراً
جيلان:كعدت هي اني رحت للمطبخ لحكني علاء
علاء:شتحجي لتجاوبيها تحمليها لخاطري
جيلان:صار حبيبي بس مااعتقد جايه على مشكلة كلامها طبيعي
علاء:منعرف شيصير
جيلان:رح اجيب گهوة واجي سويت الگهوة ورحت قدمتلهم وكعدت
صباح:جيلان اعرف تحبين علاء وتسوين كلشي لخاطر سعادته
جيلان:طبعاً
صباح:اني مااكدر ابقى بعيده عن ابني گلتله تعالو عيشو بالبيت ميقبل اعرف رافض هل فكرة علمودج بس صدكيني اذا اجيتو مرح يصير اي شي ومااتدخل بحياتكم
جيلان:(ضجت من الكلام من نعيش هناك حنكون بنص المشاكل ومنخلص منهم) بس هذا الشي مالي علاقه بي هو قرار علاء
صباح:بس انتي تگدرين تقنعي
علاء:الشي اللي مااقتنع بي اني محد يكدر يقنعني حتى جيلان لتحاولين واني مااكطع عنكم ماكدر اعوف اهلي بس من نعيش هناك منخلص من المشاكل
صباح:صدكني ماكو مشاكل
علاء:المن تردين تقنعين 30 سنة عايش وياكم وفوكاها جيلان متردوها المشاكل اضعاف
جيلان:بقت تحاول ويا وهو معاند لحدما ايست طلعت بقت تباوعلي تريدني احاول ويا بس اني متدخلت لان اني هم ممقتنعه مرت يومين على روحتها وهي كل شويه تتصل على علاء اكلت گلبه بيومها رجع من الدوام فتحتله الباب
علاء:حضري غراضج بساع
جيلان:شصاير
علاء:كلتلج حظريهن بدون نقاش
جيلان:رحت لميت هدومي والاشياء الضروريه نزلنه وهو لازم ايدي شكله جان كلش متوتر وضايج صعدنه بالسيارة
جيلان:علاء وين ماخذنه فهمني
علاء:رح نروح يم اهلي
جيلان:يم اهلك مستحيل علاء شلون نعيش سوه اني ورواء وامك وفوكاها محد يريدني
علاء:رواء يم اهلها مترجع وامي متسوي شي حذرتها والبقيه ماالج علاقه بيهم ووضعنه مؤقت ماكدر اعوفج هنا
جيلان:ليش فهمني
علاء:شفت سيارة هذا الكلب يم العمارة مالتنه حاولت الحكة مكدرت راسا طلع واني بقه بالي يمج راسا صعدت وانطيت خبر لمهيمن بس اخاف اروح للدوام وهم يرجع ع الاقل هناك موجودين حسن وزيد ومهيمن وابويه أأمن عليج بغيابي
جيلان: بس هو شلون اندل مكانه
علاء:ماعرف بس هل سالفه هواي طولت
جيلان:اووف بقيت افكر شلون حعيش وياهم وصلنه دخلت سلمت استقبلتنه امه بالاحضان ابو وجهة ثگيل
صباح:هسة نور البيت بوجودكم
للحكاية بقية.....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
