يمكن لأي شخص ان يختارك في توهجك
لكني سأختارك حتى حين تنطفئ
تأكد بأني لو رأيت النور
في غيرك سأختار عتمتك..♥️
لـ شمس التبريزي
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
فهد:صباح الخير
جيلان:صباح النور گاعد من وكت
فهد:حضرت كم ملف عايفهن هنا دااخذهن ويايه للدوام تعرفين رح اطول
جيلان:ماشي رح انزل اسويلك اكل
فهد:ميحتاج مهيمن عازمني ببيتهم
جيلان:ماشي..حضرت غراضه ونزلت ويا وكفنه بالحديقه
فهد هاي شنو الورقه يم الباب راح اخذها انتبهت جان ظرف مكتوب بي اسم فهد بالدم عزه فهد هاي شنو
فهد:ماكو شي حبيبتي
جيلان:شنو ماكو شي ترة مكتوب اسمك وبالدم
فهد:شبيج حبيبتي هذا لون هاي سوالف جهال اللي بي خير يجي يواجهني بس انتي لتجيبين سيرة لاحد
جيلان:ترة هذا تهديد علني شنو مااگول لاحد
فهد:حبيبتي اني بشغلي شابع تهديدات لو كلهم ينفذون جان من زمان ميت يخوفوني حتى اتراجع بس بعدين اعاقبهم
لتهتمين حبيبتي ومثل مكلتلج لتكولين لاحد
جيلان:(بعدم اقتناع)اوكي انتبه ع نفسك
فهد:ماشي ليضل بالج
جيلان:راح واني بقيت واكفه بالحديقه شنو من ناس اللي عدها جرأة تخلي تهديد بباب بيت رائد داادخل صار بوجهي ياسر
ياسر:صباح الخير
جيلان:صباح النور
ياسر:فهد شكد خفارته
جيلان:اسبوع ليش
ياسر:هيج اذا احتاجيتي شي بلغيني فارغلج النهار كله وحتى الليل(بغمزة)
جيلان:معرفت اجاوبه بس متت خوف راسا صعدت ركض لغرفتي وقفلتها شسوي ماانزل بعد احسن بقيت احاول اتلهى بالتعزيل بس خايفه اندكت الباب طفرت من مكاني..منو
ام فهد:اني حبيبتي
جيلان:شوية تطمنت خلي تبقى يمي فتحتلها الباب ، هاخالة تعالي
ام فهد:شبيج يمه شو وجهج اصفر
جيلان:مااعرف يمكن عندي هبوط
ام فهد:ياحبيبتي اكيد مماكله موزين ع الطفل انزلي اكلي
جيلان:لا خالة مجوعانه
ام فهد:حبيبتي اذا مو لخاطرج لخاطر الطفل
جيلان:(من الخوف نسيته)ماشي خالة بس ابقي ويايه
ام فهد:ليش صاير شي
جيلان: لا بس اخاف ادوخ ، نزلت كعدت بالمطبخ اكل وواكفه هند هو فات من برة للمطبخ مكدرت اكل بعد بس خالة واكفه فوك راسي
ام فهد:هاج هذا عسل اكلي حتى يروح الهبوط يلا كافي حتموتي للطفل خلي اروح اشوف الاكل ع النار اجي الكاج ممبقيه شي
جيلان:اتقرب مني بحجة يشرب مي طخ اصبعي
ياسر:مشايف عسل ياكل عسل
جيلان:يمكن تصرفاته الباقيه جنت اكول دااتوهم او احاول ابررهن بس هسة لا صعدت بقيت افكر شسوي فكرت بأمي اتصلت عليها
نهى:هلاو شلونج رجلج شلونه
جيلان:الحمدلله، واگعه بمشكلة ساعديني ماما
نهى:شكو خوما وي رجلج
جيلان:لا ، اخو
نهى:شبي يتعارك وياج
جيلان:يتحارش بيه(حجيتلها كلشي من البدايه)
نهى:ترة هذا اخو رجلج اكيد دتتوهمين ماكو هيج شي
جيلان:مدااجذب والله
نهى:جيلان الظاهر كرهج لرجلج يخليج تكرهين اهله وتتهميهم
جيلان:ليش متصدكيني ليش حتى اتهمه هيج بنظرج اني منحطة لهل درجة
نهى:ماطولج عشتي ويه زهراء كلشي يطلع منج تربيتها بعد من يرجع عقلج لراسج عود حاجيني
جيلان:سدته بوجهي كلت يجوز اني صدك دااتهمه بقيت افكر منزلت اخاف وساعات اكول هذا خيالي ...بالليل نايمه اندكت الباب گمت شفت الوقت ١ونص بالليل كلت معقوله فهد كمت صحت منو
ياسر:اني
جيلان:ياربي هذا شيريد ماافتحها احسن رجع دك الباب
ياسر:اني ياسر فتحي الباب اريد احاجيج
جيلان:سويت نفسي مااسمع بقه يدك الباب لحدما مل شويه وراح اتصلت على امي من جديد رفضته رجعت اتصلت على زهراء
زهراء:شكو شبيج حلمانه
جيلان:زهراء انطيني ابويه محتاجته
زهراء:نايم
جيلان:دااكلج محتاجته شغله ضرورية كعدي
زهراء:وجع بس اذيه ....هاج
محمد:نعم جيلان شصاير
جيلان:بابا محتاجتك
محمد:شبيج شكو
جيلان:اخو فهد يتحارش بيه حجيتله كلامه اليوم ومن اجاني
محمد:ترة هاي الدروب والسوالف حافظيهن مصارلج كم شهر وسويتي فلم عليهم تردين تعزلين
جيلان:بابا شعزل داكلك يتحارش بيه
محمد:شوفي حجايه زايده متلومين الا نفسج واذا حجيتي لرجلج واهله يطردوج واني ممستعد استقبل وحده مثلج ببيتي بعدج كم يوم يمهم تألفين عليهم
جيلان:راسا سديته كعدت ابجي اذا اهلي ميصدكوني منو حيصدكني ادا همه ميحموني بيمن احتمي اذا همه يكولون عني جذابه فهد شرح يكول تذكرت علاء رح يصدكني اذا كلتله لو يجذبني مثلهم اذا همه اهلي من ٢٠ سنة مصدكوني هو حيصدكني بس ماعندي امل ثاني كمت طلعت تلفوني القديم دكيت عليه بقه يدك وميجاوب ايست دااسده جاوب
علاء:جيلان شعدج متصله ابويه
جيلان:اسفه كعدتك من نومك
علاء:ليش دتبجين فهد مزعلج لو منو شكو احجيلي
جيلان:من سمعت كلامه بجيت اكثر
علاء:نزلي للحديقه اللي ورة البيت بساع داانتضرج
جيلان:ماشي ...لبست عباية وشال بقيت خايفه اخاف افتح الباب ويطلع موجود فتحتها ع كيفي باوعت ماهوة ركضت نزلت يمكن گلبي دكاته الف بهل لحظة
علاء:تعالي هنا
جيلان:جانت مجموعه اشجار وهو ممبين رحت ع صوت
علاء:شبيج غزا ..جيلان شصاير
جيلان:مابيه بس هيج مختنكة
علاء:بدون جذب احجي شصاير وجهج اصفر هم منو وياج فهد بس هو خفارة اللي اعرفه
جيلان:اذا حجيتلك رح تصدكني
علاء:وليش حتى مااصدكج
جيلان:ياسر يتحارش بيه
علاء:السا.... اني مو كلتلج ممنوع تنزلين الا كلهم موجودين ومن تصعدين تقفلين الباب
جيلان:هو كدامهم تحارش بيه (حجيتله الصار)
علاء:لتفكرين اني احلها
جيلان:شلون تحلها شتسويله
علاء:معليج لتفكرين ولتخافين اني يمج
جيلان:بعد كل اللي سويته بيك تصدگني
علاء:اللي سويتي بيه وحد وهذا الشي وحد واعرف عيونج من تجذب من گلتيلي فهد اختيارج جان مبين دتجذبين يومها مكدرتي تحطين عينج بعيني اما هسة الخوف بعيونج كفيل يشرح كلشي على العموم هذا مو موضوعنه
جيلان:اني مفقدتك حبيب فقدتك اب ووطن وسند انت الاحتمي بي بس
علاء:وابقى طول عمري الج اب وسند وشوكت متحتاجيني تلگيني
جيلان:تدري اهلي چذبوني محد صدگني غيرك
علاء:من تحتاجين شي اشاره بعيونج كافيه تلگيني يمج وصدگي مستحيل اباوعلج بنظرة موزينه انتي حرمتي عليه بعد
جيلان:(كلمته كسرت گلبي اكثر) كل الاذيه اللي شفتها بس مندمت انو عرفتك وكل يوم اشكر الله انو عرفتك يمكن الخير الك ويه غيري فراگك مو مثل متوقعته بس معرفتي بيك مجانت اعتيادية
علاء:انتي ثالث عيوني شمسي وقمري گلبي الوحيد عمري الحلو الحلم اللي ممكتمل انتي بثنايا روحي مكانچ ميتغير حتى بعد مااموت تبقين اغلى شي عندي
جيلان:اسمالله من عمري على عمرك وجودك بالحياة هو السبب الوحيد ليخليني اعيش
علاء:جيلان روحي لتهيجين جروحي اللي احاول اخليها نايمه روحي ابويه صعدي ركض بس عوفي الخط مفتوح لحد متقفلين الباب
جيلان:ماشي شكراً على كلشي
علاء:هذا واجبي ابويه لتشكريني تصبحين على خير
جيلان:وانت من اهلـ...(اهلي جنت اقصد) اهل الخير
اتصلت عليه وصعدت ركض اول مدخلت قفلت الباب هو سده راسا ، نزلت خايفه صعدت متطمنه بس متحطمة شيصير لو نرجع مثل قبل اتصل فهد
فهد:هلو حبيبتي
جيلان:هلو
فهد:شبي صوتج
جيلان:مابي شي جنت نايمه
فهد:اوك شلونج وابني شلونه
جيلان:الحمدلله انت شلونك مصار شي بعد
فهد:على شنو
جيلان:الظرف اللي وصل
فهد:لاحبيبتي مو كلتلج لتفكرين هو واحد جبان يهدد ويروح
جيلان:ماشي
فهد:يلا تصبحين على خير اذا احتاجيتي شي بلغيني
جيلان:ماشي وانت بخير ...كعدت الصبح خالتي دكت الباب
هاخالة صباح الخير
ام فهد:صباح النور عندي وياج كلام
جيلان:اي خالة احجي
ام فهد:لكيت جدج كاعد من صبح وويا علاء
جيلان:اي ويعني؟
ام فهد:علاء كايل لجدج ماطول ياسر رح ينقل لسامراء خلي يتزوج هناك وبيت عمي يطلعون من البيت ونبقى لو اني لو فهد وياك بالبيت
جيلان:ليش ياسر شوكت انقل
ام فهد:بعده ممنقول مبلغي بس مو هذا موضوعنه
جيلان:لعد شنو
ام فهد:علاء ميتدخل بهل امور ليش يكول لجده خلي بيت عمي يطلعون بيت وحد صاير شي سامعه شي من البنات
جيلان:مااعرف خالة بس يجوز ميريد يكعد ويه اهله
ام فهد:لا هو كال لو اني لو فهد لو يريد هو يكعد ميكول فهد جيلان اذا صاير شي احجيلي
جيلان:(حسيت نظراتها شك) خالة دتلمحين لشي
ام فهد:شفتج بالليل من صعدتي وشفت علاء بالحديقه كاعد اني مدااقصد عندج شي ويا بس اذا اكو موضوع او مشكلة احجيلي
جيلان:محبيت تبقى النظرات الشك بعيونها ولاتخرب علاقتنه ، خالة رح احجيلج بس انتي حرة تصدكيني او لا
ام فهد:احجي
جيلان:ياسر يتحارش بيه(كل الصار كلتلها)
ام فهد :ياادبسز يحط عينه على مرت اخو اني اعلمه وين عايشين الواحد ببيته بعد ميكدر يأمن
جيلان:صدكتيني وهو ابنج؟
ام فهد: كل انسان يعرف العنده بس متوقعته يتماده هيج اني اعرفج شنو واعرفه هو شنو بس شنو علاقة علاء بالسالفه
جيلان:علاء منتبهله وهو يباوعلي وحذرني منه واني بعد اللي صار بلغت اهلي بس مصدكوني جربت اخر امل هو وصدكني
ام فهد:عوفيها عليه اني احلها اكول لفهد وتعزلون
جيلان:خالة اني اريد ابقى وياج اذا طلعتي من البيت اطلع وياج
ام فهد:مااكدر أأمن عليج بوجود هذا الميتسمه
جيلان:خلي هو يتزوج ويطلع لتحرميني منج
ام فهد:حبيبتي اني يمج مااعوفج شيصير تجين تحجيلي
جيلان:ماشي
ام فهد:رح اخذه لبيت اختي وهناك احاسبه هنا لو حجيت رح يجذبوج حتى لو يعرفوا شنو مينطون بي
جيلان:خالة لتسوين اي شي خلي بس يبتعد وهاهيه
ام فهد:اليغلط لازم يتعاقب ماطول عينه على مرت اخو باجر يباوع لاخته لو امه هاي نماذج مينسكت عنها لازم يتربى نزلي ويايه يلا لتبقين محبوسه من ورا
جيلان:ماشي بس لتبتعدين مني
ام فهد:لا تطمني
جيلان:نزلنه هو كاعد خالتي راسا صاحته شوية وطلعو اخيراً ارتاحيت
مرت الايام جنت فرحانه بوجود الطفل واحسب الايام اما ياسر انقل فجنت متطمنه، اليوم الحنة مال علاء لبست فستان اسود حاولت اسوي روحي طبيعيه هوسة جانت البنات گالو حيركصون چوبي كلهن وكفن يم شباك الصالة خفت تجيني ضربة صعدت لمكتب فهد وكفت بالبالكون جان واكف بالنهاية فهد ويركص وعلاء على صفحه صاحو يركص وياهم اخذ قطعة قماش صغيرة من جده وكام يركص كلهم متساوين طولهم ومرتبين بس هو غير شكلة هيبة كلشي بي حلو طوله ضخامته او يمكن اني لان احبه اشوف كلشي بي حلو كملو الچوبي وكالو رح يدخل نزلت كعد بصفها بهل لحظة عرفت انو الكلام شي والتنفيذ شي ثاني كامت بيبيته تحنيهم ماعرف شهمست بينهم وهو ضحك احس نار بيه شوية وطلع واني كوة لازمه نفسي اريد اروح ابعده عنها بس طلع اني صعدت حسيت وجع ببطني مو طبيعي بس كلت تقلصات اكثر ليلة سودة مرت عليه مكدرت انام ابد من التفكير احس وجع ببطني مو طبيعي وبس ابچي اتخيل باجر يكون الها ويلمسها ينام يمها وتحضنه طلعت للبالكون مختنكة مااكدر اتنفس شلون ياربي ميخلص هل وجع مااكدر اشوفه وي غيري خليني اموت بقيت كاعده لحدما صار الصبح مغمضتلي عين كمت سبحت كلت الا اطلع هل يوم سم عليها ماطول اخذته مني رحت للصالون وطلبت مكياج طوخ اول مرة اجرب هيج مكياج وخليت حمرة لون احمر اللي بعرسي مخليتها للظهر رجعت للبيت لبست فستاني وتخم الذهب لان الفستان مجان بي شغل هواي كملت ودنروح للقاعه
فهد:كلش حلوة طالعه وين اضمج
جيلان:ابتسمت عيونك الحلوة
فهد:متفقنه هيج مكياجج طوخ عايزج جمال
جيلان:هو العرس مرة حباب
فهد:ماشي بس مثل مكلتلج ممنوع تتحركين
جيلان:صار...وصلنه للقاعه بس احس الوجع ديكطعني اول موصلت نزعت العبايه وكعدنه الميز الاول اللي يصير يم العرسان صباح تباوعلي من فوك ليجوه معاجبها واني مسويه روحي مطنشه كعدت يمي دينا
دينا:طالعه كلش حلوة اول مرة هيج تخلين مكياج
جيلان:حبيبي انتي الاحلى عجبني اغير ..سكتنه لان دخلو من دخلو جانت لازمه ايده بقت تنزل دموعي وامسح كمت للحمام
فهد:وين
جيلان:داتوجع اريد ادخل للحمام
فهد:حكوم وياج
جيلان:رحت مسحت دموعي عدلت وجهي اخذت نفس وطلعنه اتعمدت افوت من يمهم والزم ايده لفهد هو عيونه انفتحن ع وسعهن مصدوم حسيته معرفني ابتسمت بعدك مشايف شي جان العرس عائلي فگامو يركصون سلو هو وياها هي تركص ويا وتهمس بأذنه وهو عينه عليه يباوعلي بعصبيه بعدين كعدو شوية وراها قطعو الكيك ديوكلها احس صبري خلصت عطت بصوت عالي بقو كلهم يباوعولي
فهد:شبيج جيلان
جيلان:وجع مو طبيعي
فهد:كومي نرجع للبيت متتحملين بعد
جيلان:لا خلنبقى
فهد:امشي بلا عناد
جيلان:لزمني من ايدي وطلعنه وكلها تباوعلنه بس ميهمني المهم خربت عليهم اول موصلنه يم سيارة حسيت شي دينزل مني رفعت الفستان جان دم عطت لااااا
_تعوفني وتگدر بدوني ليش يا ثالث عيوني..؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
