_نسيت هواي مني وما نسيت حچاية منك..❤️
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
جيلان: مرت هل ايام امتحانات يحاول علاء ميلهيني بس مااكدر لان بس هل ايام رح اشوفه ومن ارجع مرات دينا تاخذني وياها تجهز لحفلة المهر مالي واهس بأي شي هل فترة لأن نقل علاء ثبت بالعطلة رح يروح بس محبيت اكسر فرحتها واليوم جان اخر يوم للامتحانات ..اليوم اتأخر وياك لان بعد اسبوعين ياله نلتقي
علاء:رح اشتاقلج غزالتي والصورة اللي جمعتنه بالامام هي رح تصبرني شوية عنج فترة مؤقتة تحملي وراها ننجمع
جيلان:انشاءالله (اباوعله واحس دااودع روحي شلون رح اتحمل بدونه)شوكت رح تروح
علاء: اليوم بليل تاخرت هواي المفروض قبل اسبوع رايح
جيلان:توعدني تهتم بنفسك وكل متكدر تتواصل ويايه
علاء: ليش شعندي غيرج وافكر بي انتي ربحي الوحيد بهل دنيا حلاوة
جيلان: رح اشتاق لكلمة حلاوة وغزالتي منك
علاء:واني متشتاقيلي
جيلان: متحملت حضنته ونزلت دموعي
علاء: بعدتها عني جيلان
جيلان:ها
علاء:تقبلين تصيرين زوجتي
جيلان:شنو هل سؤال وبدون ماافكر اقبل
علاء:هذا الخاتم سويته مخصوص الچ الحجر اللي بي بلون عيونج
جيلان:جان المحبس يجنن ذهب وبي حجر زيتوني بالنص جبير وداير مدايره شذرات بيضه كلش حلو لبسنيا
علاء:شعوري ملكت الدنيا بهل لحظة وانتي بحضني احارب الموت وارجع لخاطر هل حضنه
جيلان: انت بس ارجع حتى روحي انطيها الك
علاء:اسمالله عليج ابويه
جيلان: بقينه طول اليوم سوة ولازمه ايده احساس عندي قوي انو مرح نجتمع بعد خلص الوقت بسرعه.. علاء
علاء: عيونه وروحه لعلاء
جيلان: اخر يوم احنة سوة غنيلي
علاء: النه ايام هواي سوة حبيبتي
جيلان: طلعت تلفوني وبديت اصوره وهو يغنيلي
علاء:
اسألي عني الليالي
شكد خطر طيفچ ببالي.... لو تشوف الناس حالي
تبچي العاشگين ......لاتطيلي السكوت
الزمن خوفي يفوت...
السعاده ماتموت لو انتي تحچين..
صرخة بليلي حزينة هزت اسوار المدينة..
وينچ انتي يالحنينة يانور العين..
الربيع انتي والواني رمشچ الساحر مكاني..
صوتي واحساسي وزماني لالا ترحلين..
اقتربتي كلتي همسة قررت انساك هسة..
انسى كل الصار انسى وابقى حزين..
للهوى سلمت روحي يازمن يشفي جروحي..
عيشي سر بكل وضوحي ياحب السنين..
انتي اغلى الناس عندي جنة خضره وحلم وردي..
من زمن صدكيني ودي يجمعنا الحنين..
صدكيني دمي انتي حلم ايامي وغربتي..
والامل ضل بغرفتي يسأل انتي وين..
كم مرة گلتيلي ارحل گبل لااحچي واسأل..
العذاب والحيرة اقبل لو انتي ترضين..
دوري يادنيانه دوري حطميلي حلمي وشعوري..
الحزن اصبح سروري ياقدر ليوين..
لـ قاسم السلطان
جيلان: جنت ابجي ع الاغنية بدون وعي ليش هل اغنية
علاء:مسحت دموعها..حتى من اروح تعرفين انو انتي ببالي وطيفچ ميفارگني
جيلان: ولاانت رح تفارگني علاء
علاء: عيون وروح علاء
جيلان: چذاب اليحب عيونك بگدي
علاء:تروحلج فدوة عيوني وراعيها
جيلان:اسمالله عليك حبيبي انتبه على نفسك الله يحرسك من كل شر ويرجعك الي سالم
علاء:انشاءالله حلاوتي ليضل بالج يمي اني لعيونج احارب الموت مو بس داعش
جيلان:جانت عندي گلادة آية الكرسي نزعتها ولبستهيا
علاء: هاي ليش حبيبي
جيلان:حتى تحميك من كلشي احبك
علاء:واني اعشگج وابو فاضل انتبهي على نفسج
جيلان:باي يحرسك ابو فاضل
علاء: الله وياج ابويه
جيلان:رجعت للبيت بس اريد اوصل للغرفه فقدت السيطرة على دموعي بعدين گمت صليت ودعيت الله يحفظه الي صار المغرب كتبلي
علاء: رح اطلع هسة اندعيلي حلاوة
جيلان: الله وياك محروس بالنبي و12 امام
بقيت بالي يمي لليل كلش كتبلي انو وصل اطمنت شويه مااعرف اخاف من الطريق لو المكان اللي هو بي راسلتني دينا
دينا: جيلان باجرنمرلچ اني و بابا الصبح نروح سوه للصالون
جيلان:دينا اعذريني والله تعبانه مااكدر اروح
دينا:جيلان اذا متجيني ماسامحج انتي اختي الوحيده
جيلان: استحيت ارفض بعد ..ماشي حبيبتي تلكيني جاهزه الصبح
دينا:عمري اللي ويايه باسعد اوقاتي
جيلان:حبيبتي يلا نامي الصبح نلتقي..كعدت الصبح بدلت اتصلت عليه دينا طلعت رحت وياها وصلنه للصالون اختارت هي مكياج ناعم
دينا:جيلان يلا اختاري مكياج
جيلان:لا دينا اني مااخلي مكياج هواي تعرفين
دينا:جيلان بدون اعتراض اليوم عقد اختج يلا لخاطري اختاري
جيلان: ماشي .. اختاريت مكياج خفيف كلش وسوينه اظافرنه للعصر ياله كملنه رجعنه لبيت خالتي متأخرات جايين اهل علي تقريباً اني جنت عايفه الفستان بسيارة رجل خالتي طلعت اجيبه اخذته داارجع شفت زيد وواگفات يمه نسوان تلاثه وحده منهن جانت تشبه ملامح علاء حلوه ومهتمه بروحها كلش مرتبه دخلت ليجوه لگيت رساله منه
علاء: حلاوة مو تطلع كلش حلو اليوم اغار عليك عدنه مرت عمي كل متشوف حلوه تكول اريدها لابني اذا خطبتج اكتلهم
جيلان:ههههههههه بس انت تحبني ومعجب بيه صدك انت تشبه امك ؟ طلعلي يكتب فرحت
علاء:ياريت محد يشوفج غيري اضمج من العالم اي اشبهها ليش شفتيها كلتلج شي
جيلان: شفت نسوان جانن وي زيد بس بعدهم ديدخلون مااعرف اذا هي لولا
علاء: شعندج طلعتي ياابويه
جيلان:نسيت فستاني بسيارة رجل خالتي ورحت اجيبه
علاء: اذا الفستان احمر لتلبسي
جيلان: ليش
علاء: هل لون تلبسي بس الي
جيلان:لتخاف لون الفستان وردي
علاء: صوريلي اشوفج
جيلان: لبست الفستان ولبست حجاب وصورت
علاء: ما الوم دينا اذا طردتج اليوم حتكسريها
جيلان: انت تبالغ بجمالي لان تحبني
علاء: لتطلعين حبيبتي لو مهما صار
جيلان: ماشي
علاء: رح اروح
جيلان:انتبه على نفسك
علاء:صار انتي هم
جيلان: هو راح بقيت اباوع لنفسي كل ميتغزل بيه اصدك روحي حلوة انتبهت كلش حلوه طالعه اني بيضه وعيوني كبار لون عيوني خضار على زيتوني ورموشي كثيفات وطوال حاجبي جان خفيف مو كلش ثخين وشفايفي وسط مو متروسه ولا ممسوحه وخشمي هم وسط اما جسمي فجان مرتب وشعري لنهاية ظهري وبي شگار بحياتي محد اتغزل بيه يمكن لأن جنت ابعد الكل عني والسبب اللي اتقبل علاء يتقربلي هو خوفه عليه بأول يوم عرفته او يمكن اهتمامه صاحتني خالتي لبست حجاب ونزلت عقدو وبدت الهلاهل جان كلشي حلو بعدين بدت الحفله وگامو بنات يركصن اني نزعت الحجاب لان بقينه بس احنه صاحتني بنيه تقريباً بكدي
رواء: انتي شتصيرين من العروس وشنو اسمج
جيلان:بت خالتهة اسمي جيلان
رواء: توقعتج حلوه طلعتي متسوين
جيلان:بقيت صافنه عليها ..انتي منو
رواء: اني رواء بنت عمه لعلي
جيلان: ابتسمت بوجههة تشرفنا حبيبتي عفتها ورحت يعني كلامها من الغيره شسويلها المهم علاء الي مو الها ميهمني رأيها بعدين دخل علي وبقو يرگصون هو ودينا كلش حلوين ولايگين سوه الله يخليهم صاحتني مرية
جيلان:تفضلي خالة
: اني مرت عمه لعلي ام فهد
جيلان: اهلاً وسهلاً خالة تفضلي
ام فهد: ماعرف منين اطلع اريد اخذ دواية من السيارة
جيلان: خالة الباب ميتيه منا (مردت اطلع لان علاء مقبل)
ام فهد : لاخالة تعالي ويايه
جيلان:يبو استحيت ..تفضلي خالة طلعت جانت السيارة شويه بعيده عن الباب وواكف ولد ناطيني ظهره اول موصلنه صاحته امه
ام فهد : ها فهد حبيبي عبالي انته يم الولد لو ادري جان مطلعت
فهد: لو متصله عليه اني اجيبلج الدوة
ام فهد:يلا مصار شي شوف يمه هاي بت خالة دينا خطيبة علي اسمها جيلان
فهد:تشرفنا جيلان
جيلان:(بخجل)الي الشرف.. بقيت اهز رجلي اريدها تاخذ الدوة ونرجع اخذته اخيراً ورجعنه بقينه طول الحفله هيج رگصنه شويه اني ودينا واخذنه صور جان يوم حلو بليل چلبتلي دينا ابقى بس مقبلت رجعني رجل خالتي للبيت دخلت للغرفه كتبتله لعلاء شتاقيتلك وبالي يمك مجاوبني عفت التلفون ونمت كعدتني الصبح زهراء
زهراء: گومي يمصخمه شمسويه كومي
جيلان:شكو
زهراء: امشي ماعرف بس جتي مرة ودتحاجي ابوج
جيلان:طلعت ركض اريد افتهم شفتها جانت ام علاء اول موصلت ضربني ابويه راجدي
محمد:انتي وحده سا... وبدون تربية وثقنه بيج وخليناج تداومين تالي تتمعشگين والولد متبرين اهله منه بسببج
جيلان: اني صافنه من الصدمه معقوله توصل بيها الحقارة انو تجي لبيتنه وتشكيني لابويه ... انتي وحده متستحي فوكما شمرتي ابنج بنص النار هسة اجه وكتي بس شترجة منج اذا هو ابنج مرحمتي رح ترحميني ماحسيت اله جرني ابويه من شعري كمت اعيط من الوجع وهي جانت منزله دموع التماسيح
صباح: ترضاها اني مرة بكد امها هيج تهيني اني بس ردتها تبتعد عن ابني لان هو خاطب
جيلان: انتي جذابه هو ميريدها وقبل لايعرفني بابا لتصدكها اخذني وشمرني بالغرفه اخذ تلفوني وقفل الباب بقيت ادكها واصيح ميجاوبني حتى المي جان عندي بطل صغير يادوب اشرب شوية اخاف يخلص اريد بس احد احاجي مااكدر مرت 3 ايام على هل حالة اليوم ال4 انفتح الباب ودخلت ام علاء ..انتي شعدج جايه
صباح :سمعيني زين الحل الوحيد حتى تنقذين نفسج من هل سجن انتي وعلاء هو تنفذين كلامي
جيلان:انتي شنو اللي تريدي مكفاج السويتي
صباح:انتي اخذتي ابني مني واعرف بأبني لو على گص راسه ميتراجع عن اللي يريده فأنتي اللي تتراجعين
جيلان: بس اني ابتعدت عنه ورجعلي وممستعده اتنازل عنه لان ماكدر اعوفه
صباح:شايفه هذا المكان اللي وصله ووظيفته والترقيه اللي يحلم بيها وفلوسه وبيوته وسيارته بلمح البصر اطيرهن منه هو وصل لهل منصب بفضل ابويه واخويه صح تعب على نفسه ودرس بس بدون مساعدتهم مستحيل يكدر يوصل للي وصله اليوم وشفتي شلون خليتهم ينقلو للموصل اكدر ابقي هناك لحدما يخلص عمره كله وانتي بأشارة اتخلص منج بس داانطيج فرصه تعيشين
جيلان:انتي وحده حقيرة واصله مرحله من الحقارة والدناءة مستحيل ببالج تخوفيني
صباح: تعوفين علاء وتوافقين على العريس اللي متقدملج وساعتها ارجع علاء لمكانه يرجع بين اهله وناسه يرجع لحياته واخلي يترقى هم هو اساساً المفروض من زمان مترقي بس بسببج مصارت
جيلان:اصلا علاء احسن شي بحياته يصير هو انو يبتعد عنكم
صباح:مو انتي اللي تقررين حياة ابني شلون تكون افضل تقبلين وتنقذي لوتعوفي لحدما يموت هناك
جيلان:اعوفه بس اني محد خاطبني اصلا
صباح:هههههههه انتي ببالج ام فهد من صاحتج تطلعيها بره هي صدك متندل هي طلعتج حتى فهد يشوفج هي اتفقت ويا يوگف برة واني اللي قنعتها تاخذج وفهد انعجب بيج وهم رح يجون يخطبوج باجر
جيلان: كل عقلج ابن عمه لعلاء اعوفه اي بس مو اخونه هيج
صباح: لو اخذتي واحد غريب علاء مرح يعوفج ورح يعرف انجبرتي عليه ويخليج تنفصلين عنه وترجعون بس من تقبلين بفهد رح يبتعد عنج لانو خنتي وي ابن عمه وحتى لو يعرف مجبوره عليه ميكدر يسوي شي ميكدر يغدر بأبن عمه
جيلان:لا مستحيل مااكدر اسويها
صباح: اقبلي عقدو مجرد يعرف علاء وراها انفصلو هو وراها مرح يقبل بيج الخيانة الوحيده اللي تخلي علاء يعوفج
جيلان:الله يخليج لتسوين هيج مااكدر أأذي علاء
صباح: وجودج ويا هو اللي يأذي مجرد تطلعين من حياته رح يتزوج بت عمه ويترقى ويعيش بين اهله مرتاح يزعل فترة عليج وينساج بس احنه اهله ميكدر يستغنى عنه القرار بأيدج هسة تقبلين وتطلعي من حلك الموت وترة خلي يكون بعلمج هو هسة بالمناطق الامنه اللي ميوصلهن داعش بس وكت اللي ترفضين رح اخلي بنص مناطق داعش ومستعده حتى بسوريا اشمره ولااخلي ياخذج
جيلان:انتي مجرمه حرام تتسمين ام انتي اجرام بحق الامهات
صباح:معليج شلون اكون ام قرري بساع ماعندج وقت
جيلان:موافقه بس مجرد عقد مستحيل يصير زواج
صباح:باجر يجون يخطبوج اليوم عدلي نفسج حاولي لتبينين نفسج مغصوبه
جيلان:الله ينتقم منج ضحكت وعافتني وطلعت بقيت ابجي ماعندي حل غير انو اوافق لوما سوتهة ونقلته جان كلت مجرد تهديد احس كدما دعيت الله كام ميستجاب دعائي استغفرت ربي احس خلصت طاقتي غفيت من التعب والبجيت صحيت جانت زهراء فوك راسي
زهراء:اصحي لتموتين باجر جايج عريس ثگيل وحلو ورتبه شتردين بعد
جيلان:روحي عني معايزه فوك التعب
زهراء:طبج طوب فوكما احجي لمصلحتج
جيلان: اني راسي من تعب والبجي والتفكير حينفجر وهاي تنگ فوك راسي عطت طلعي هي هم راسا طلعت اجه ابويه
محمد:اذا رحمتج وطلعتج ف لأن جاييج خطابه تقبلين وانتي الممنونة والا ذبحج حلال
جيلان:ياريت تذبحني وتخلصني منكم
محمد:بدون كلام زايد
جيلان: بقيت ابجي حاولت ادور تلفوني ماكو صار ثاني يوم جوي جبرتني زهراء عدلت وجهي وكلشويه اتصخم من الدموع لبست ثوب وطلعت جانت ام فهد وام علاء وهي تراقب حركاتي ونظرات التهديد بعيونها
ام فهد :ماشالله شكد حلوه بس شو تعبانه شبيج حبيبتي
زهراء: مو هي بيها سكر وبمهر دينا ماكله حلويات ومتحملت
ام فهد :ياحبيبتي ماعندج غير العافيه حرامات كل هل جمال والمرض هيج مسوي بيج
جيلان:بگلبي ياريت بس المرض اللي هيج ديسوي بيه ياريت لو المرض ينهي حياتي ..بقو يحجون عن موضوع الخطوبة واني بالي اصلا مو يمهم ونطه ابويه الموافقه بس الصدمه انو باجر المشيه والعقد ..ليش مستعجلين
ام فهد : هو مكمل اموره ناقصه بس المرة الحلوه ليش التأخير
صباح:اي ماكو داعي للتأخير كلشي كامل
زهراء: مو هي قصدها حتى ترتب امورها
ام فهد: شتحتاج كملو اليوم وباجر الصبح وهاي الفلوس وشتحتاجون احنه موجودين
زهراء:متقصرون
جيلان:نطت مبلغ جبير لهذا زهراء داخت بس اني كلشي مهامني طلعو بقيت كاعده
زهراء:كومي نروح للسوك نكمل غراضج
جيلان:ماريد انتي جيبيلي عفتها وفتت للغرفه بقت تدردم ..ليش ياربي خليته بطريقي وهو مو نصيبي ليش خليتني اتعلق بي وهو عمره مارح يكون الي مكافي العذاب اللي تعذبته عشت محرومه من امي وابويه ميريدني ولااخ الاحتمي بي بس هو جان سندي بهل دنيا ليش تاخذه مني بقيت ابجي عهل حال مكدرت انام كمت اريد اغسل لان راسي رح ينفجر وصلت للمطبخ شفت السچينة كدامي بدون تفكير اخذتها دخلت للغرفه بقيت ادعي انو الله يسامحني بس مااكدر اخون علاء واكسره وهو الوحيد اللي يحبني بهل حياة كصيت وريد ايدي اليسرة وبعدين اليمنة شويه وفقدت محسيت
_لماذا أرسلك الله في دربي ثم يأخذك النصيب مني..💔
.....للحكاية بقية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
