فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
لسان حال علاء..
_ اكو عيون تنحب ﮼ واكو عيون تتقدس ﮼ اكو عيون تستحي ﮼ اكو عيون ، لو شتسووي تنحب﮼ واكو عيون گالت عنهم فيروز «مش فجأة بينتسوا»
هذا حالي من يوم شفت عيونج اشتاقيت لعيونج بس كلامج خلاني احسج ممهتمتلي بقيت يوم كامل مشفتها كلت ابتعد عنها لليل جان خفارة عندي صفنت واجن عيونها كبالي احس نقص بيه جانت تغير مزاجي تطلعني من العالم اللي اني بي تنسيني همي وتعبي معقوله ببالها انو اني داالعب عليها بعد كلامها قررت ابتعد بس اجه الليل خلص صبري تذكرت انو وعدتها مااخذلها شلون اعوفها اني ليش مفهمتها اللي صار وليش مفتهمت منها دخلت ع الواتساب بقيت حاير شكتبلها بعدين دزيت شعر احبه
جيلان: مر اليوم عادي جنت كلش ضايجة عكس البارحة بقيت مالي واهس كلشي كل شويه ادخل ع صورته مال واتساب بعدين غلقت تلفوني حاولت انام مكدرت سمعت صوت اشعار الواتساب راسا اخذت تلفون على أمل انو يكون هو علاء وبالفعل جان هو لكيت دازلي شعر ..
لـ كاظم اسماعيل گاطع
زعلان بس يازعل لمن ترد للصدك..
گبل المنادى اجي وشلون جية اجي اركض ركض محترك..
ياللذتك بريتي وين الگه مثلك هوى لولاك والله اختنگـ ..
هيه شراكة نفس لو سكت گلبك سكت گلبي ويِدِكَ لو يِدِك ..
لوما وكتنه صعب ما چان ابد نفترگـ ..
كلمن مشه لحالته واحد سكن بالغرب وواحد سكن بالشرگ ..
كل هالمسافة البعد وسوالفك تنسمع چن احنه حلگـ بحلگ ..
چنت انه الوم النخل لو من ادين السعف بريح يوگع عثگ ..
بس جربتها وشفت .. شفت العطش لو هجم اول ضحية العِرگ..
سمعته انتبهت انو دموعي نازله بدون مااحس مسحتهن وابتسمت هو ديفكر بيه بس قررت مااجاوبه بقيت اعيد بالمقطع لحدما غفيت ثاني يوم كعدت نظفت وغسلت وبدلت شفت الكحله كدامي رسمت عيني رسم بيها وخليت ايلاينر بالعاده مااخلي بس عناد بي وخليت حمرة لونها طوخ شويه عكس الالوان الي اخليهن بالعاده طلعت صعدت سيارة
علاء: شافت المقطع ومجاوبت مكتبت شي صار الصبح رحت للشارع الي تركب منه سيارة بقيت انتضر صعدت هي وصعدت اني سيارة وراها نزلت وكلها تباوعلها بقيت استغفر لازم اعصابي كوة وماكدر اتقرب منها رح الفت الانتباه عليها لان مكان مزدحم صعدت سيارة ثانيه صعدت وياها نفس السيارة بس صرت وراها هي منتبهت من صعدت لان هواي ناس صعدو وهي طبيعتها من تصعد بالسيارة راسا تندار ع الجامه بعد متلتفت
جيلان: نزلت داامشي للكلية سمعت صوته
علاء: متيهة ست جيلان جايه للكلية مو للعرس
جيلان: التفتت عليه نعم ويايه؟
علاء: احجي عدل باسلوب مال اوادم لا قسماً بالله اخربط ملامح وجهج
