وبگد حبي لك انه اعرف تحبني..
انه ماجوز منك انه هايم بيك...
واذا مرة كذبت عليك عاتبني..
ابد ماتلگه مثلي يحبك بهل كون..
روح دور ابد ماتلگه مثلي..
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
علاء:رحت وي رواء للغرفه اشوف سيلين وصلت شفت سيلين حرارتها طبيعيه جانت فاتحه عينها شلتها حطيتها بحضني ، مو گلتي مرتفعه حرارتها مابيها شي درت راسي عليها جانت نازعه تشيرت البجامه وتقربت حضنتني بدون مقدمات بهل اثناء فتحت الباب جيلان اني دفعتها وطلعت
جيلان:كلتلي مستحيل ترجعها مو
علاء:والله ماعرف بتصرفها هي سوت هل شي بدون ماانتبه
جيلان:جنت اكول وجودي زايد وهسة تاكدت من هل شي
علاء:انتي رجعتيها مو اني واني مقبلت
جيلان:سويت هل شي انقهرت عليها بس اثنينكم متستاهلون فتت للغرفه وقفلتها اخذت تلفوني اتصلت على امي وابچي
نهى:شبيج يمه شصاير
جيلان:تجين تاخذيني لو احرك روحي هسة والله
نهى:ولج احجي شصاير
جيلان:داكلج تعالي اخذيني
نهى:هسة جايتج
جيلان:لبست عبايتي واخذت ملابسي وهو مستمر يدك الباب
علاء:ابويه فتحي الباب خلنحجي
جيلان:بقيت انتظر امي شوية واتصلت
نهى:اجيت اني وخالتج ورجلها
جيلان:ماشي بس انتي صعدي اخذيني وممنوع اي نقاش وي علاء فتحت الباب هو باوعلي استغرب جريت الجنطة ومشيت
علاء:وين رايحه
جيلان:اعوفلك البيت انت وياها حتى يخلالكم الجو خاف جنت منغصه عليكم
علاء:جيلان رجعي وخلينه نتفاهم
جيلان:رحت فتحت الباب دخلت امي انداريت عليه ماكو شي نتفاهم عليه بعد
نهى:شمسوي لبنتي اللي وصلتها لهل مرحله
علاء:مسويت شي هي الس... تقربت بعدني ممستوعب السوته دخلت جيلان
نهى:اذا تريد بنتي تكمل اجراءات طلاكك وساعتها نتفاهم اما بوجود هاي العندك فتنسى وحده اسمها جيلان جريتها وطلعت هو نزل ورانه
علاء:جريتها من ايدها تعوفيني بدنيا ماعندي بيها غيرج
-الليلة اموت الليلة آخر ليلة الغيم مد ايده على راسي والمطر شد حيله
جيلان:بعدت ايده عني ومشيت صعدت بالسيارة وكلهم ويلوموني يحجون براسي امي وخالتي اخر شي عطت كافي سكتو لحدما وصلنه دخلت لغرفه ريم وقفلت الباب
