يلوموني واحسك تكبر بروحي ويلوموني
وانه بلا شوفتك شينفعن عيوني
يشوفي ورجوتي ودنياتي ولوني
وعذابي وبسمتي وشكواي وظنوني
يخيعونك عليه وبيك خيعوني
لـ عريان السيد خلف
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
علاء:زيد ساعدني اشوفها
زيد:لك بابا تزوجت ومو اي واحد ابن عمك
علاء:اني اعتبرها بنتي قبل لتكون حبيبتي اريد اتطمن عليها مااطلع منا اذا مااتطمن عليها ومستعد اروح ادخللها كدامهم اذا متساعدني
زيد:شيخلصنه علاء وقفل اني رح اروح ادبرها وياهم هو فهد ومرت عمي بس الجايين
علاء:يلا دبرني ...راح ورجع
زيد: يلا بسرعة كلت لمرت عمي ترجع للبيت واني رح اوصلها بس اخذ فهد بحجة اشتريلك الدوة وادزه ويا
علاء:كفو منك.. شفتهم طلعو اندليت غرفتها رحت فتحت الباب وفتت هاي غزالتي هاي حلاوتي هيج نايمه بالفراش وجههة متصخم بالمكياج ووجههة بي اثر راجدي جان مبين شعرها باوعت ع صفحة موجود شال خليته على راسها
جيلان: جنت نايمه لان نطوني مهدأ كعدت على ريحة عطره شلون انسى لهل عطر واني اللي حبيته بسببه فتحت عيوني جان فوك راسي ونازله دموعه يمكن اني دااحلم لو اتخيل من اثر المهدأ
علاء:ليش ياابوية وصلتينه لهنا اقبل تعوفيني واتأذه بس ليش اختاريتي الأذية الج وجودج هنا يثبتلي انتي مجبورة بس شيفيد ليش حلاوة لاگدرتي تبقين ويايه ولاتتقبلين جريت نفس وكلت رجلج
جيلان: انت مو هنا اني اتخيل
علاء: من عرفتيني لليوم شوكت احتاجيتيني ولكيتي خيالي
جيلان: هي المشكلة بدون مااشكيلك تفهمني دائماً تسندني خلصتني من عذابي وتعبي وهمي بس اني صرتلك كلهن عذابك وتعبك وهمك كل اللي بي انته هسة بسببي
علاء: كل تعبي ووجع گلبي وصحتي يرحولچ فدوة يكفيني تكونين بخير ومرتاحة خلي اتعذب واحترگ خلي انجلط واموت بس انتي سالمه وسعيدة بحياتج
جيلان: بعد كل اللي سويته بيك تفكر بيه
علاء: انتي بنتي والاب من تغلط بنته لومهما كان غلطها ميتخلى عنها صيري قوية وديري بالج على نفسج يمكن اخر لقاء بيناتنه هذا
جيلان:وين رايح وانت بهل وضع
علاء: الصبح يسمحولي اطلع وراها ارجع للموصل اللي جان يربطني ببغداد وبالحياة راح
جيلان:جان المفروض ترجع دوامك لبغداد
علاء:صارلي شهرين بس على روحتي شلون ارجع جيلان اللي ديصير وياج اله علاقه بيه
جيلان: لا
علاء:لو عرفت هذا حالج بسببي عمري مااسامحج
جيلان: لا ما الي علاقه
علاء:اني رايح ...داطلع دخل فهد
فهد:ها خوية شلون صرت ليش گمت من مكانك
علاء:(لو بأيدي هسة اذبحك اني اخاف عليها من روحي وانت بأول يوم تمد ايدك عليها)تضايقت بالغرفه گمت اتمشى وجيت اسألك ع الدوة
فهد: اي هذا اعذرني ع التأخير بس تلفوني مسكت
علاء:مصار شي يلا من رخصتك حبيبي وديربالك على مرتك انداريت عليها كلتلها ديري بالج على رجلج عفتهم وطلعت رحت للدكتور كلتله اريد اطلع مقبل كلتله اوقع على مسؤوليتي وطلعت افتر حاير وين اروح الدنيا ضاگت بيه ما الي غيرك ياباب الحوائج رحت ازور اتذكر زيارتي وياها شلون طلبتها من الامام كل الاماكن تذكرني بيها بغداد ماكدر اعيش بيها بعد بدون غزالتي زرت وطلعت بقيت بالصحن صليت كعدت بالمكان اللي صورنه بي نزلن دموعي على وضعها دموعي ولا مرة نزلن بس الها هي جرح گلبي تقرب مني رجال
الرجال: شبيك ابني
علاء: سلامتك حجي
الرجال: اشكي همك لقاضي الحوائج هو يحلهن
علاء: هو طلب واحد طلبته منه ومصار
الرجال: احنه دائماً نندعي من رب العالمين واهل بيته اذا ميتحقق الدعاء مو معنى ميستجاب النه لا هو ياأما شر النه يااما تحقق بس مو هسة وقته كلشي اله وقت الله يعرف الوقت المناسب النه كلامك اللي تگوله حرام خليك واثق من رب العالمين وهو يعوضك بعد الصبر من رخصتك ابني
علاء: ونعم بالله مشكور حجي طلعت من الامام وهنا انطلقت للموصل
جيلان:من وصه فهد عليه ووصاني هنا شفت نظرة الكسر والخذلان بعينه هذا اثر خيانتي بي ..اتقرب مني فهد
فهد:جيلان اسف ع اللي سويته
جيلان: فهد اللي سويته خلاني مااكدر حتى اباوعلك عوفني
فهد:هاي الكلمة بالذات تخليني اكره روحي بعمري مرفضتني وحده اصلاً هنه ليتوسلن بيه بس انتي من اول يوم شفتج بي حتى ميعجبج تباوعيلي شنو اللي معاجبج بيه
جيلان: بما انو شفتني ميعجبني اباوعلك ليش خطبتني من الاساس ليش متمسك بيه
فهد:بغض النظر انو شكلج عجبني وعيونج من اول يوم دخلت گلبي لونهن غريب نظراتج بريئة هو شكلج كله حلو بس ماطول اليه مباوعتيلي ومهتميتي فأنتي الواحد يكون وياج وهو مغمض دائماً اللي متريدني لشكلي من تشوف رتبتي وسيارتي تقبل وتجي تتوسل هم اني لو متزوج وحده غيرج وادخل الكه علاء هنا اطلكج مو ماعندي ثقه بي لا بس النسوان الشفتهن بحياتي اهم شي عدهن فلوس واكو نادرات اللي ميهمهن فلوس ومظاهر شريفات وانتي من ضمنهن ولهذا تمسكت بيج انتي متحبيني وية الزمن رح تحبيني عندج ماضي ميخالف ميهمني ماكو انسان ماعنده ماضي
جيلان:اذا عندي ماضي شلون تتقبلني
فهد:ماكو انسان ماعنده ماضي المهم هو الحاضر واني اعرف ومتأكد مرح تخونيني انطي علاقتنه فرصة
جيلان: (اصعب شي يمر ع الانسان انو يجرح ناس واثقه بي اني خنت علاء خذلته وكسرته وهسة دور فهد اني ماستاهل هل ثقه صح مصار شي بيني وبين علاء بس الكلام جان عن مشاعرنا وهذا بحد ذاته خيانة لفهد شنو اللي اسوي لااگدر انسى علاء ولااكدر احب فهد )..شيصير اذا طلعت مو گد هل ثقة اللي انت ناطينياها
فهد: متأكد متسويها ولو سويتيها رح اذبحج بأيدي بدون ميرفلي جفن
جيلان:اذبحني اني مااخونك (جنت اقصد خيانة الجسد او علاقة صح مااكدر انسى علاء بس مستحيل يكون بيناتنه علاقه حتى بالكلام )خوف منك وانما خوف من رب العالمين..اجت الدكتورة
الدكتورة:انت زوجها
فهد:نعم تفضلي
الدكتورة: شلون تسوي بيها هيج وهو اول يوم الكم المرأة كائن رقيق عاملها بحنية بالاخص اول يوم زواج يبقى ببالها وهو يحدد اذا رح تحبك او تكرهك على حسب معاملتك الها
فهد:چنت سكران ماادري واني وعد شرف گدامها متتكرر
جيلان:انصدمت من كال سكران بس هو مجان بي شي
الدكتورة: ع العموم هذا شي بينك وبينها بس هل شي اذا ينعاد يسببلها اذية للرحم اما حالياً فممنوع تتقربلها لمدة ١٠ ايام
جيلان:يمه كلامها اجه مي بارد على گلبي اخيراً شي حلو بهل يوم المتعب
فهد:صار
جيلان:طلعت الدكتورة ..فهد انت مجان بيك شي ليش جذبت
فهد: استحيت من تصرفي سامحيني
جيلان:غلست﮼ شوكت نطلع
فهد:هسة بس اخذلج الدوة ونطلع
جيلان:طلعنه من المستشفى
فهد:انتي متحبين ذوقي بالاغاني خليني اشوف ذوقج
جيلان: تعبانه
فهد: هسة حترجعين للبيت وتشبعين نوم ل١٠ ايام وغمزتلها يلا طربينه
جيلان:عزه هذا ولا يستحي اني هم مباوعتله راسا شغلت المسجل طلعت اغنية (حلوة الدنيا )ردت اغيرها
فهد: بقيها حلوة
جيلان:سامعها
فهد:اي
جيلان: بس الاغاني اللي جنت تسمعهن ذاك اليوم متدل ع هل شي
فهد:اني كلشي اسمع بس احب الاغاني القديمة وهاي الاغاني اشغلها لان البنات ميحبن اغاني قديمه
جيلان:قصدك اني مو أبنية
فهد:انتي انثى كاملة وبكلشي تختلفين
جيلان:شكراً ع المجاملة
فهد:اني اكثر شخص ميحب يجامل لهذا يضوجون مني
جيلان:امممم..بما انو تسمع قديم شنو اغنيتك المفضلة
فهد:اسألي عني الليالي بس بصوت علاء ابن عمي احلى من صوت قاسم السلطان مرة سمعته يغنيها بدون ميدري لان هو ميحب يغني كدامنه وراها تصوبت هو اجاني كلتله اطلبك فضل تغنيلياها مقبل بس بعد اصرار مني غناها وسجلت صوته بدون ميدري خلي اسمعج
جيلان: هو يحجي واني اختنكت مستحيل اكدر انسى حتى لو احاول بهل كم دقيقه ماافكر بي همه يذكروني شغل الاغنية بصوت علاء بقيت اسمعها واتذكر البارحه من غنالياها وودعني خفت تنزل دموعي كدامه كلتله ..موحلوة طفيها
فهد :شتحبين اسمعج لعد تحبين محمد عبد الجبار
جيلان: يعني صوته حلو بس مااسمعله هواي
فهد: هاي الاغنية الج اعتبريها عربون صلح بيناتنه شغلت اغنية ( اسجل روحي )
جيلان: حلو العربون
فهد:متصالحين
جيلان:متصالحين كلام فقط
فهد:الله.كريم
جيلان: جان ديسوق بهدوء لان البيت قريب وصلنه قبل لتخلص الاغنية
فهد:خلي تخلص وننزل
جيلان:شلون حندخل وهمه نايمين
فهد:لتخافين هذا الجيش مينام يحسبون للتجمعات يوم يوم
جيلان:هههههه الله يديمكم الظاهر متحب جمعتهم
فهد:لا هي لمة النسوان شبيها غير النفاق والغيبة حجت فلانة هيج لبست هيج سوت عكس كعدات الولد
جيلان:هذا ميعتبر غيبة هذا جزء من السوالف نعتبره
فهد:لازم انتو هم هيج من تلتمون
جيلان:لااني عائلتنه قليلين ماحب اهل ابويه اعتقد هاي صفة يجتمعون بيها اغلب.العراقيين اما اهل امي فخالات اثنين ونادراً التقي بيهم
فهد:اكول سر الهدوء هذا منين
جيلان:ههههه خلننزل ..نزلت
فهد:اوكفي خلي اساعدج
جيلان:لاميحتاج اكدر امشي
فهد:بدون نقاش
جيلان: لزمني من ايدي ودخلنه من باب الخطار حتى راسا نصعد بدون منشوفهم طلع بوجهنه اخو ياسر
ياسر:الحمدلله ع سلامة عروستنا
جيلان:شكراً ..نظراته مزعجه يباوع من فوك ليجوه
فهد:تصبح على خير خلنصعد
جيلان: صعدنه جانت الغرفه صايره معركة
فهد:اكعدي خلاحاول الملم
جيلان:لااني اكدر
فهد:انتي والغرفة بهل حالة بسببي اكعدي بلا عناد
جيلان:كعدت وهو يشيل حاجة ويبقى صافن وين مكانها اني اضحك ع تصرفاته
فهد:ممكن تساعديني بس كليلي مكان كل حاجة
جيلان: اعتقد اثنينه منندل لان اول مرة ادخل للغرفه
فهد:حددي اماكنهن
جيلان: اذا نبقى هيج يومين ميخلص التعزيل خلي اني اعزل وافق لان أيس بقيت اعزل وهو يفتر ورايه عود يساعدني خلصت تعزيل سمعت الأذان طبيت اسبح وطلعت.صليت
فهد:تصلين
جيلان:ليش ممبين عليه
فهد:اني.مااصلي.فدائماً.امي.تگلي.اريد.اشوف.اليهودية.التقبل.بيك
جيلان:هههه.رحمالله.والديكم.طلعتوني.يهوديه.اني.هم جنت.مااصلي.بس.صار.فترة.قليلة.من بديت اصلي الصلاة حلوه تفرغ همومك كلها بيها مهما تغلط ترجع بين ايدين رب العالمين
فهد:يجوز ابدي اصلي
جيلان:على راحتك هو كلشي هداية من رب العالمين الله يهديك
فهد:امين
جيلان:شلون حنام
فهد:لتكولين مرح تنامين يمي
جيلان:اني كلتلك سامحتك كلام فقط
فهد:نامي ونخلي حدود بيناتنه
جيلان:تؤ حنام ع القنفه وانت هنا
فهد:لا
جيلان:بدون اعتراض
فهد:نامي هنا واني انام ع القنفه
جيلان:اوك.تصبح على خير
فهد:وانتي بالف خير
جيلان:نمت.كعدت.بال١٠.الباب.تندك قوي كمت فتحتها مدت راسها عمتهم
هند:يا والله مسيطرة من اول يوم نيمتي ع القنفه
جيلان:اني من النعس نسيت..لا بس جانت هوسة وهو نام متاخر
هند:اي واضح
جيلان:هاي شبيها تعوج بحلكها
هند:يلا درينه عروس كافي كعدو يلا نزلو دنتريك
جيلان:صار هسة ننزل عافتني ونزلت معاجبها اوي شسويلها رحت غسلت.وبدلت وكعدت فهد
فهد:صباح الخير
جيلان:صباح النور يلا كوم دينتضرونة ع الريوك
فهد:خوش
جيلان:خليت مكياج خفيف جنت لابسه قفطان ابيض امه جابتليا وشال ماروني نزلنه كلهم باركولنه بس اغلب الوجوه معاجبهم ماعدا ام فهد جانت كلش حبابه
ام فهد:يلا تعالو تريكو
جيلان:كعدنه ناكل ع.صفحة.وهو يقسملي بالاكل
هند:شدعوه هالحب ليشوفكم يكول صارله سنين يحبها لو ساحرته
فهد:ساحرتني احبها اني ومرتي بدون تدخل ممتزوجها حتى اهينها
هند:اي اطردنه بعد لخاطرها
جيلان:اني ماخذه وضع الصامت حتى مرفعت راسي جتي وحده تباركلنه رفعت راسي
رواء:شايفين كل الخير عرسانه شلونج جيلان
جيلان:اول مصارت عيني بعينها انتبهت عيونها نفس عيون علاء احس نار و شبت بيه بقيت اباوعلها هواي تشبهة سمرة بس سمارها كلش حلو يجذب النظر وعيونها نفس عيون علاء عينن وطويله وجسمها حلو متحملت صعدت ركض للغرفه بقيت اتخيل حتتزوجه ويصير بأسمها جانت علبة المكياج كدامي شلتها وشمرتها ع المرايه صارت قطع طفرت قطعة گزاز من المراية شگت زندي بقيت ابجي بصوت عالي ليش تشبهة ميكفي رح تاخذه ليش عيونها نفس لون عيونه ليش مو اني الاشبهة ليش اني احبه اكثر منها صعد فهد
فهد:هاي شسويتي شبيج
جيلان:عوفني وخر عني
فهد:ايدج دتنزف
جيلان:عوفني طبني مرض خلي اموت
فهد:كافي لتحجين هيج خلاضمد ايدج
جيلان: سكتت شويه ورجعت تذكرت بقيت ابجي
فهد:جيلان احجيلي شبيج
جيلان: بقيت صافنه معرفت شحجي ذبيتها براس عمته وامي..انقهرت من كلام عمتك صعدت خابرت امي تگول مفارغه لمشاكلج
فهد:وهذا القهرج ياحبيبتي يرحولج فدوة اني موجود واخذ حقج ومحد يمسج بحجاية بعد
جيلان:اني لان مريضه تحسست زياده
فهد:لا حقج همه دائماً هيج واذا يشوفوج فقيرة وتسكتين ياكلوج لتسكتيلهم
جيلان:اووك
_لم أجد في غيابه أي مواساة تهون علي هذا الفراق﮼ولاسبباً اسعى من خلاله لإسكات نحيب قلبي..
..للحكاية بقية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
