أحبك وانتَ مامقسوملي..
لااعرف شسويلك ولااعرف شسويلي..
اوعدك لو اگص چفوف غيرك مااگود ايده..
حرام الـ چان البس لون غير اللون اللي تريده..
واضل انتظرك لحدما...
ملامح وجهي ماتنعرف من كثرة تجاعيده..
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
مشيت صعدت سيارته صباح الخير حبيبي
علاء:صباح النور غزالتي وين اخذج
جيلان:لمكانه جسر الجادرية وتغنيلي اسأليني
علاء:تدللين غزالتي
جيلان:وصلنه نزلنه يم الجسر لزم ايدي
علاء:تعرفين شكد احبج
جيلان:اممم شكد
علاء:ماكو كلام يوصف حبي الچ بس قبلج مجنت عايش
جيلان:لتعوفني لتعوف ايدي بيوم اني من دونك اضيع
علاء:مجبور اعوفج بعد تنازلت عن حبج
جيلان:شنو اجتي رواء من بعيد اخذته احاول اتمسك بأيده بس مكدرت راحو اثنينهم أيد بأيد بقيت ابجي باوعت ع بطني جنت اتوجع بس مداانزف بجيت ع الاثنين علاء والطفل اللي فقدته ......كعدت عطت لاااا لزمت بطني ماكو شي جان حلم نسيت علاء وجان اللي يهمني الطفل كمت ركض ادور فهد وين اتصلت عليه
فهد:هاحبيبتي بالي يمج
جيلان:انت وين اخذني للمستشفى
فهد:شبيج خوما صار شي ثواني يمج تحضري
جيلان:ورة ١٠ دقايق اتصل جنت متحضره نزلت
فهد:شبيج حبيبتي شنو اليوجعج
جيلان:اريد اتطمن ع الطفل خاف صارله شي
فهد: اسف حبيبتي كل الديصير بسببي
جيلان:مجاوبته وصلنه للمستشفى دخلت سويت سونار شفت الجنين شعور غريب خوف ع فرح بنفس الوقت خايفه اخسره اخذت نفس عميق اتطمنت هو زين مارح افكر بي بعد هو عاش حياته خلي ينساني ويرتاح واني اعيش لخاطر هل طفل طلعت من غرفة الدكتورة
فهد:هاحبيبي خوما بي شي الطفل
جيلان:لاالحمدلله مابي شي وهاي صورة اله
فهد:شو صغير
جيلان:ترة عمره 3 اسابيع
فهد:تعالي خلنطلع
جيلان:صعدنه بالسيارة شغل اغنية (هيثم يوسف _ ليش الزعل)
فهد:تگدرين تعتبري عربون صلح
جيلان:(هو الموضوع ميستاهل مشكلة او زعل بس جانت حجة وردت انطي علاقتنه فرصة لخاطر الطفل)امممم اني احب هيثم خليني افكر
فهد:نياله لهيثم
جيلان:ههههه هاي وين ماخذنه هذا مو طريق البيت
فهد:نغير جو و هم نحل المشكلة
جيلان:اوك...نزلنه مطعم جان هدوء قليل ناس موجوده الصبح ومشغل اغاني فيروز
فهد:يعجبج المكان لو نغير
جيلان:لاحلو ذوقك
فهد:اعرف والدليل انتي زوجتي
جيلان:شكراً..طلبنه اكل
فهد:جيلان صدكيني اللي صار ماالي علاقه اذا تردين شوفي المحادثه اني حتى ممجاوبها بس هي بدون كرامة مستمرة ويايه
جيلان:قريت المحادثه صح انت مغلطان بس ليش تسمحلها انو تكتبلك
فهد:احظرها من اكثر من رقم وترجع ماعرف شنو الحل وياها
جيلان:اني بالغت بـ ردة فعلي انت مغلطان ومالك ذنب اني حساسه هل فترة
فهد:انتي حساسه واني اراعي شعورج والبارحة عفتج حتى تهدأين
جيلان:وصل الاكل اكلنه وبقينه شوية كاعدين بعدين طلعنه بالطريق اتصلت خالتي
ام فهد:يمه وينج ضل بالي عبالي نايمه صعدت اشوفج ملگيتج
جيلان:ليضل بالج عليه خالة هسة راجعين اني وفهد
ام فهد:ماشي حبيبتي الله يهديكم
جيلان: فهد خلنرجع خالة ضل بالها عليه
فهد:تطمنت عليج ويايه
جيلان: يمكن عبالها دنكمل عركة البارحه
فهد:وشلون نكملها بله خاف ناويه تذبحيني النسوان يخوفن بهل ايام
جيلان:ههههه ماكدر للاسف منين ماندار ضباط ببيتكم
فهد:يعني الفكرة ببالج لو ادري ممصالحج ابقى انام يم جدي
جيلان:لا هل مرة ماسويها بس ع الجايات يجوز
فهد: لعد اعوف تلفوني بعد بالسيارة
جيلان:الفكرة قديمه عوفه بالدوام
فهد:هههههه هو النسوان من تنبشن عدجن استعداد حتى للمركز ترحين وتدورين بغراضي
جيلان:ههههه سؤال يخص دوامك
فهد:جواب
جيلان:شنو اصعب قضية واجهتها بحياتك
فهد:جريت نفس حالياً دااشتغل على اصعب قضية همه عائله وحده تجار مخدرات ابنهم رئيس العصابة وقاتل مأجور وتهريب
جيلان:وليش متسجنوهم
فهد:عائلته ماكو عليهم اي دليل بس اني اعرف يساعدو وهو اصلاً مهزوم صارلنه سنتين اني ومهيمن ندور ورا من لزمنا عليه دليل انهزم وهسة نحاول نلگاله اثر
جيلان:وشلون تلگو
فهد:كل واحد عنده نقطة ضعف وماكو انسان ميترك على نفسه دليل
جيلان:اذا هو عائلته عايفهم معناها ميهمو ماعنده نقطة ضعف
فهد:اذا ماعنده حيكون عنده بالمستقبل
جيلان:وانت شنو نقطة ضعفك
فهد:عائلتي والاهم امي وانتي والطفل
جيلان:ابتسمت ..وصلنه للبيت نزلت سلمت عليهم
هند:ترة احنه هم نطلع ويه رياجيلنه چنه بس نبلغ مو نطلع مثل المجرمين متكولين ضل بالهم
ام فهد: مرة ثانيه ليضل بالج بأمور ابني وچنتي
جيلان:اسفه خاله طلعت بدون مااكلج بس كعدت تعبانه خابرت فهد رحنه للمستشفى اتطمنت ع طفل
ام فهد:حبيبتي ع شنو تعتذرين اني خفت عليج لان جنتي تعبانه البارحه وبين الاثر اليوم خوما بيكم شي انتي والطفل
جيلان:لاالحمدلله كلشي وراوتنيا للجنين خالة كلش حلو
ام فهد:حبيبتي الله يتمملج على خير وتگومين بالسلامة مو كلتلج بالبدايه تخافين بعدين يصير احساس حلو صعدي نامي ذوله ماطولج كاعده يسمموج بالكلام
جيلان:ماشي خالة اذا احتاجيتيني صيحيني..صعدت بدلت ضايجة رحت لمكتب فهد بقيت اشوف الغراض باوعت من البالكون ماهيه سيارته معناها راح اخذت ورقه وقلم ورحت للغرفه كعدت اريد ارسم رسمي حلو بس مااحب ارسم بس اليوم اريد التهي تذكرت من يگلي غزالتي رسمت غزالة چانت تبچي والسهام تارسه جسمها السهم الاول جان طلاك امي وابويه السهم الثاني من اتخلى عني والدي السهم الثالث من عافتني امي وتزوجت وانحرمت منها كل سهم جان يعبر عن الاشخاص اللي كسروني بحياتي والسهم الاخير جان بگلب الغزالة وهو سهم خطوبة علاء بقيت ابجي اخر شي شگگتها وشمرتها (رسمة الغلاف مو رسم جيلان بس اني لگيت رسم مقارب للفكرة)كمت سبحت ومكيجت ردت احاول اسوي نفسي طبيعيه اخفي الكسران والخذلان اللي بداخلي
