وكت خله الغرب تسألني عنك
يما تدري شكثر مغثوث منك
متيه وجهي من تشوف الوجوه
عرف والحلو ماشايفني چنك
شكثر شايلك وما شايل عليك
جروحي استغربن من باوعنك
قبل لا رايح اتذكرهن وياي
العطش كسرت وجوه السمعتة الماي
چنت غيمه وادور يمك اڤياي
رحت ودموعي بفراگك قرنك
يالمبتعد عني ابتعد مني
شثگلهن ذكرياتك تعبني
كلشي يشبهك يبجيني مرات
بحيث هدومي بعدك يوجعني
عفتك والقصايد رجعني
مامعقولة صفناتك نسني
چنتلك زين وانت بكلشي موزين
مليت عيونك ومليت مني
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
بعد يومين ..
جيلان: فتحت عيوني جنت بالمستشفى هنا اخر امل عندي تحطم بقيت ابچي اجت الممرضه
الممرضة: ليش هيج تسوين بنفسج يابنتي حرام عليج الانتحار حرام تخسرين دنيا واخرة
جيلان:اي اني اريد اخسر الأخرة اني مااستحق الراحة
الممرضة : اذا مو لخاطرج لخاطر اهلج جانو رح يدخلون تحقيق وحتى ينسجنون لوما تدخلت خالتج
جيلان:ياخالة بهل اثناء فاتت امي تبجي
نهى:ليش هيج تسوين فوك غلطج بدال متعتذرين من عدنه ع السويتي
جيلان: اني الاعتذر منكم لو انتو كل واحد بيكم راح تزوج وعاش حياته وشمرتوني بس هو اللي يفكر بيه بس هو اللي اهمه وتهمه راحتي وتردون تحرموني منه ليش مكافي حياتي الضاعت انتو شنو من بشر
محمد:انتي وحده ادبسز وضايعه التربية بيج لوما ام حسن (ام علاء) جان انسجنه ولأن خطوبتج اليوم وخفت استاذ فهد ميصدك انو انتي متخربطة جان اني اعرف شلون اربيج
جيلان:ههه خلف الله على الغرب ترحمني وانتو اهلي مترحموني
محمد:بدون كلام زايد اليوم العصر تعقدون
جيلان: مااريد مااقبل..تقرب لزمني من فكي
محمد:تقبلين وانتي الممنونة اني اصلاً متبري منج والسبب اللي يخليني اتقبلج بالبيت هو انو انخطبتي ولوما فهد يستاهل جان طردتج بالشارع
جيلان: انت اصلاً مهامك فهد اللي يهمك فلوس فهد اتبرى مني مااقبل ..بأثناء الكلام سمعت صوتها
صباح:اني اعرف شلون اقنعها ياريت تعوفونه وحدنه
محمد:اخذي راحتج ام حسن
صباح:عبالي تموتين ونخلص بس بما انو انتي بزونة بسبع ارواح رح تقبلين بفهد
جيلان: انتي شتريدين اي شي طلبي بس فهد مااكدر شلون اخون علاء مااكدر موتيني سوي اللي تريدي بس لتسوين هل شي
صباح:كلتلج بس بهل حالة يتخلى عنج علاء تقبلين وتنقذي لو ترفضين وتخليني ادمر عيشته
جيلان: الله يخليج لتجبريني
صباح:اختاري انتي لو هوه
جيلان: جنت اتوسل بيها بدموع وحالتي تصعب ع الكافر بس هي لاحياة لمن تنادي ..موافقة بس مجرد عقد ماكو زواج
صباح: اي يكفيني العقد يبعده عنج
جيلان: حوبتي هاي وحوبة علاء عمرها متتعداج والله موجود ويجي يوم للظالم ضحكت وعافتني وطلعت بعد شوية طلعوني رجعت للبيت مقبلت اروح صالون مكيجتني زهراء وجان الفستان ردن حتى ليبين الاثار لان همه كالو لفهد اني متخربطه بسبب السكر لبسوني شال ابيض وطلعت وصل السيد وبقه يحجي عن الزواج بعدين سألني موافقة لولا عادها اكثر من مرة واني بس دموع تنزل ماحسيت الا رجل داست على رجلي بقوة رفعت راسي جانت هيه
صباح:فضيها الشيخ رح يعوفج انطي الموافقه
جيلان:باوعتلها بتوسل مااكدر
صباح:قبلي وخلي علاء ع الاقل يتنفس بشنو تفيدي اذا مات
جيلان: موافقة بقه يعيد السؤال واني اردد الموافقه بكل مرة اكول موافقة احس خنجر يدخل بنص گلبي اول مكملنه عقد فتت للغرفه ابجي
زهراء:تعالي يلا رح يلبسج الذهب
جيلان:قصدج حبل المشنقه
زهراء: اوي تتبطرين لو يجيني هيج واحد انسى حبيبي وعشيرته واهلي هم بس مو وجه نعمه
جيلان:عفتها وطلعت كعدت اجه فهد
فهد:هلاو حبيبتي
جيلان:راسا باوعتله بخزرة ثاني مرة تشوفني بيها شو بساع صرت حبيبتك
فهد:مثل ما صرتي خطيبتي تصيرين حبيبتي هو العنده مثل عيونج تستحلين گلبه من النظرة الاولى
جيلان:تذكرت علاء من يتغزل بعيوني هسة كرهت عيوني بقيت مغمضتهن احاول الزم دموعي
ام فهد: شو سلامك بارد بوسها يمه شوف شكد حلوه
فهد:بعدها تستحي حجية
ام فهد : اي يمه اكسر حاجز الخجل من البداية
جيلان:هو راسا نفذ كلامها حاول يتقرب يبوس خدي بدون وعي راسا دفعته
فهد: مو گلتلج حجية تستحي هاي الامور يرادلها كعدة ووقت طويل
جيلان: رجاءاً لتتقرب مني
فهد: صار تدلل يحلو
جيلان: ياربي شكد يغث كلشي بي ينرفز جانت ملامحه شگار خفيف وعيونه بين الاخضر والازرق نفس طول علاء وترتيب جسمه بس اني اكره الرجال الاشگر ومن حبيت علاء كرهت كل الرياجيل اكثر ..بده يلبسني الذهب لبسني الحلقه باليمنى واني اباوع ع المحبس الي لبسنيا علاء بايدي اليسرى
فهد:حلو محبسج بلون عيونج
جيلان:علاء گال جبتلجيا لان بلون عيونج شلون اكدر اتحمل منا حبي لعلاء ومنا نصيبي تهون جيلان تهون كم يوم وينتهي هل عقد ماارجع لعلاء بس مااتزوج اصبر روحي بهل كلام بدون مااعرف اللي كاتبه القدر ..لبسني الگلادة تضايقت لان صار قريب مني هو ضحك وابتعد راد يرفع ردن الفستان حتى يلبسني البدله
زهراء: متكدر تلبس السوار وايدها مورمة من الكانونة
فهد : ايديناتها اثنينهن؟
زهراء: مو بصعوبة يلگًولها وريد
جيلان:حسيته مصدك بس مهمني
فهد:خلي نقطع الكيكة
جيلان:لزم ايدي مدااتحمل شخص يلمسني غير علاء راسا بعدت ايدي هو كمل تقطيع وحده راد يوكلني مقبلت ..بيه سكر
فهد:مو ببالي اعذريني جان وصيت كيك خاص
جيلان:لاعادي اني علاقتي مو قوية بالكيك...خلصت الحفلة اخيراً من راد يودعني حاول يبوسني من خدي راسا كلتله باي ورحت للغرفه بدون ماانطي مجال دخلت للغرفه انهاريت من البجي تعبت مااتحمل شوكت ينتهي هل عذاب كل اللي عشته بحياتي ميجي ربع للي داعيشه هسة
