هم تدري من اعتازلك شتسوي بيه العازة..؟ هم تدري شيحس الگلب لمن يريد اعزازه..؟! ينجاب طاريك وافز.. واضحك بوجه اليستفز واتحمل استفزازه.. مااگدر ازعل واختلف .. يادوب عندي شكم چتف بيهن انشال جنازة.. عمي اني گبلك فارگت شو بس عليك اتوازة.. ذنبي بعشرتك ماخنت.. حبيتك وما حسبت بالتالي هيج اتجازة..! مادري ماعندك گلب تتركني اعمى بنص درب .. وتكسر العكازة...
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
جيلان: بعد اللي صار فقدت طفلي رجعت انكسرت اكثر من الاول الانسان الاحبه گدامي صار لغيري وفقدت السبب الوحيد اللي عايشه لخاطرة طلعنه من المستشفى رجعت للبيت بس بدون روح شعور انو تكون وحيد وماعندك احد ماعندك سبب يستاهل تعيش لخاطرة مرت ايام اني حابسه نفسي بالغرفه ام فهد:جيلان حبيبتي ليش تسوين بنفسج هيج فترة والله يعوضكم بطفل ثاني حرام اللي تسوي جيلان:خالة ماالي خلگ هيج مرتاحة ام فهد:كومي حبيبتي ماطولج هيج متتغير نفسيتج جيلان:خالة حبابة لتضغطين عليه ام فهد:براحتج يمه شوكت ميعجبج تنزلين نزلي ولتفكرين بيهم جيلان:ماشي كمت سبحت كملت طلعت من الحمام اجه فهد فهد:نعيماً جيلان:شكراً فهد:شكد مشتاقلج جيلان:بدة يتقرب مني مقاومت ماعندي القدرة اقاوم شوية وابتعد فهد:لو متزوج لعابه هم يصير عدها احساس بس انتي ماعندج ذرة احساس ماعرف من شنو مخلوقه ومن اخونج تزعلين كافي عاد صارلنه شكد متزوجين ولايوم حسيتج ترديني كلشي ويايه غصب عنج كلت فترة وتحبني بس كل يوم تزيدين حرامات هل وجه الحلو لوحده ماعدها احساس
جيلان:طلگني انت اخذتني غصب عني ولتتوقع يجي يوم واحبك واذا جنت ذيج الفترة اجاملك لخاطر الطفل هسة حتى الطفل اللي يجمعنه راح طلكني وشوف وحده غيري
فهد:نجوم السما اقربلج انو اطلگج وهذا غرورج وخشمج العالي اكسرهن واراويج فهد منو جيلان:شنو اللي تكدر تسوي سوي ميهمني واذا انت مغرور بنفسك لان الكل يتمناك فأني مو من ضمن الكل فهد:اصلاً اني اذا طلكتج انتي تجين تتوسلين حتى ارجعج ماعندج احد غيري لو طلكتج حتبقين بالشارع نسيتي ابوج باعج الي وگال لام حسن اذا متقبل بفهد اطردها بالشارع فهسة اذا طلكتج وابوج ميستقبلج وين ترحين يم رجل امج
جيلان:اصعب شي انو الناس تعيرك بعائلة انت مختاريتها بشي انت متكدر تغيره كمل كلامه وعافني وطلع احس اريد اطلع الوجع اللي بداخلي بعد مااكدر اتحمله كسرت كلشي موجود بالغرفه لزمت گزاز من المراية بقيت اضغط بي على ايدي واعيط گمت لبست ملابسي وفوكاهن عبايه وشال ونزلت لگيتهم كلهم واگفين قريب درج وخالتي دتصعدلي ام فهد:شبيج حبيبتي احجي جيلان:مابيه شي خالة بس حطلع للحديقه اريد ابقى وحدي نزلت سريع بدون ماخليها تحجي اسمع كلامهم هند:وحده مريضه نفسية ماعرف ع شنو اخذوها لفهد خبلته للولد جيلان:مهتميت عفتهم وطلعت بقيت بالحديقة الخلفية للبيت صار الباب كدامي ليش مااطلع شنو اللي يجبرني اتحمل هل وجع ماعندي اهل استند عليهم ولارجال احتمي بي ليش ابقى افكر بيهم وكل واحد بيهم مرتاح طلعت امشي بس ماعرف وين اروح مشيت مسافة طويله طلعت للشارع العام سيارة صارت بصفي قريبه كلش مهتميت دخلت فرع نفس السيارة صارت بصفي نزل الجامه حاول يحاجيني مشيت سريع بقت ورايه شفت سيارة مهيمن من بعيد اجه عليه هاي السيارة راسا راحت قبل لتتقرب سيارة مهيمن الي مهيمن:جيلان صعدي بساع جيلان:لامااريد مهيمن:جيلان صعدي مو وكت عناد جيلان:ماارجع لفهد بعد افتهم مهيمن:اشتعل فهد وعشيرته صعدي مدتشوفين هذا ديلحكج عوفي فهد جيلان:وشنو يعني يلحكني ماانطي مجال يروح نزل من السيارة فتح الباب الي مهيمن: صعدي جيلان:مهيمن وصلني لبيت اهلي مهيمن:مااعرف شنو المشكلة بينج وبين فهد بس امه بلغتني طلعتي واجيت ادور عليج جيلان حياتج بخطر جيلان:شنو بخطر مهيمن:فهد سوة شغله المفروض ميسويها وهمه اخذوها شغلة عناد وحده بوحده وهسة ديجمعون معلومات عن اهله جيلان:واني شعليه بفهد مهيمن:بابا ذوله مجرمين كلشي عدهم مباح جيلان:عادي شيردون يسوون قابل خلي يكتلوني مهيمن:ترة انتي مو بفلم انتي بالعراق الياخذج يراويج انواع العذاب اتحملي فهد هل فترة خلي يحل هل قضية وراها تردين تعوفي تبقين هذا شي راجع الج المهم هسة تبقين ويا جيلان:مااكدر ابقى ويا هان كرامتي ومحترمني مهيمن:ابقي بالبيت وابتعدي عنه هواي امور تكدرون تحلوها وفهد يحبج بس هو تعبان هل فترة جيلان:مااكدر افكر هسة مهيمن:زين اخذج لبيتنه احنه ماعدنه احد واني ابقى ببيت جدي جيلان:حتى اثبت كلامه صح مهيمن:شنو جيلان:هيج مهيمن:جيلان فهد اخوية وانتي هم اختي شنو اللي تحتاجي گولي الي جيلان:خابر خالة خلناخذها ونروح نزور مهيمن:صار بس ممنوع تكولين ماارجع للبيت جيلان:ماشي..رحنه يم البيت اخذنه خالتي ورحنه نزور اول مدخلت حسيت براحة جبيرة راحة محرومة منها حتى الهوى يختلف هنا دخلت لزمت الشباك بعد صعوبة انهاريت من البجي غريبة ووحيده ماعندي اهل ولاسند لتتخلى عني ياربي بقيت ادعي طلعت صليت وقريت الزيارة باوعت للمكان الي وكفنه بي اني وعلاء رح تبقى ذكرى حلوة عندي الشي الوحيد الحلو بحياتي وانتهى جتي خالتي يمي حطيت راسي ع جتفها ام فهد:مرح تحجيلي شنو اللي صار جيلان:التفكير بي يجرحني لو حجيته شلون ام فهد:هو لازم نحجي حتى ميجرحنه بعد الكتمان يأذي اكثر من المشكلة نفسها جيلان:يگلي ماعندج احد وانو ابوج باعج الي ام فهد:شلون هيج يحجي اني احاسبه ليش تنقهرين يايمه جيلان:ليش تحاسبي هو محجة غير الحقيقه ام فهد:ماكو اهل يتخلون عن بتهم لو ابنهم جيلان:بس اني اتخلوا عني من زمان ومحد وكف ويايه غيره هي راسا باوعتلي عضيت شفتي انتبهت ع جفصتي ام فهد:منوه جيلان:محد ام فهد:جيلان احجي جيلان:يوم اللي حجيتلج عن ياسر اهلي من حجيتلهم مصدكوني وعلاء صدكني هل شي اذاني الغريب صدكني واهلي مصدكوني ام فهد:وليش حتى ميصدكوج جيلان:ببالهم دااسوي هل شي حتى اطلع من البيت او اتطلك من فهد ام فهد:حتى لو همه ميصدكوج اني صدكتج واني وياج ولتهتمين لفهد هو يحبج وميكدر يتخلى عنج بس لتسامحي هسة حتى يعرف غلطة جيلان:ماشي..رجعنه للبيت دندخل جان علاء ديطلع بسيارتة من سيارته سلم ع خالتي ومهيمن باوع لعيوني واستغرب جانن مورمات من البجي درت وجهي للجهة الثانية راح هو واحنه دخلنه كارهة حتى اسلم عليهم جانت امه ورواء دخلت سلمت صباح:ياحبيبتي هاي شبيها عيونج ام فهد:چنه بالزيارة هند:ع شنو تستريلها هي تعاركت وي فهد وطلعت من البيت بدون متكول مشايفه هيج نسوان صلفه اني بس مو صوجهن صوج الزلم والعيال اللي صايرات لعبه بأيدهن صباح:هذا الياخذ غريبه شيعرف لتزعلين جيلان بس هاي الحقيقه ام فهد:وهاي شعليها مرة ورجال ميتعاركون جيلان:عفتهم يتعاركون وصعدت بالليل نزلنه ع العشا كملت رحت اغسل لحكني وسد باب الحمام جيلان:انت شدتسوي علاء:ليش جنتي تبجين اليوم منو نزل دموعج وليش ويه مهيمن فهد وين جيلان:جنت ازور علاء:والزيارة هيج تورم عيونج احجي شبيج جيلان:انت شعليك مو تزوجت فكر بزوجتك وبس علاء:وزواجي شنو علاقته بسؤالي هي زوجتي وانتي بنتي جيلان:متكدر تخلينه اثنينه بحياتك لو اني لو هيه وبما انو هي صارت زوجتك لتتدخل بحياتي بعد عفته وطلعت قبل ليكمل كلامه بالليل اجه فهد اني نمت ع القنفه وهو عادي متقرب مني ولاحجة شي ..بهل فترة حولنه غير بيت جان شوية بعيد عنهم هذا اختيار خالتي وياسر طبعاً بقه بسامراء صح بعيده عنهم ومااشوف علاء بس ارتاحيت ماابقى افكر بشنو ديصير بينه وبين رواء اما فهد فچانت علاقتنه سطحيه وعنده علاقات هواي بس مهامني هل شي المهم بعيد عني واكثر الايام ينام بغرفة ثانية اما عرس دينا وعلي تأجل بسبب مشاكل بينها وبين امه يوم من الايام اتصل عليه فهد .. فهد:جيلان رح يجي مهيمن ياخذج انتي وامي يجيبكم الي نطلع لاربيل جيلان:ليش شصاير فهد:نفذي بس ماكو وكت هسة اشرحلج جيلان:ماشي..رحت بلغت خالتي وحضرنه غراضنه بقيت واگفه يم شباك المطبخ اباوع سيارة فاتت الي بيها شايفته بس مدااتذكر وين بقه يروح ويرجع اتذكرته هذا نفسه اللي يوم الطلعت ولحگني اي هو گمت اتصلت ع فهد ..فهد اكو واحد ديفتر بسيارته هنا وهذا اني شايفته مرة طلعت ولحكني
فهد:انتبهي جيلان مضل شي ويوصللكم علاء جيلان:علاء شنو مو كلت مهيمن فهد:مهيمن مبلغهم للولد وعلاء موجود وهو گايل لمهيمن يروح ياخذ اهله وهو رح يجي ياخذكم جيلان:هو ديحجي وصلت سيارة مهيمن بس بيها علاء داكول لفهد وصل صار صوت رمي بقيت اعيط بدون شعور طلعت اركض السيارة ذيج راحت سريع وسيارة مهيمن متروسه طلقات هو نازل من السيارة وعايف الباب مفتوحه درع اله ركضت اله جان فاقد الوعي متصوب بصدرة وبأيده بقيت اعيط اريد احد يساعدني محد اكو جان ولا بشر طلعت تلفونه جان فهد متصل وهواي مكالمات جاوبته..فهد علاء اتصوب وفقد الوعي رح يموت فهد: اني بالطريق والولد هم جايين جيلان:لتعوفني لتموت مو تحبني لتتخلى عني انت الوحيد اللي عايشه لخاطره منيلي حبيب وسند بعدك انت مو تگول اني ابوج اكو اب يعوف بنته جنت حاطه راسه بحضني وابجي وصلو مهيمن وزيد ركضو اخذو مهيمن :تعالو ويايه اوصلكم لبيت جدي جيلان:لااني اروح وي علاء مهيمن:وين ترحين انتي مخبلة جيلان:كلتلك اروح ويا مااعوفه وحده ركضت صعدت بسيارة زيد جانت تصرفاتي بدون وعي اللي يهمني علاء يكون بخير حطيت راسه بحضني وبقيت اتلمس وجههة زيد علاء مديتنفس بقيت اعيط حيموت
مهما حدث بيننا لاأستطيع انكار حقيقة إنك هنا تستقر في روحي بيني وبين صمتي ثابتاً لاتغيب ذكراك..
..للحكاية بقية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
