فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
فهد:ماكدر اطلكج ماكدر..
جيلان:محسيت الا تناثر دم على وجهي ووگع فهد عليه جان مضروب طلقه بگصته دفعته عني وعطت رفعت راسي جان القاتل ديتقرب مني حط المسدس على راسي
:- حذرته لفهد بس هو تمادى مو اني الياخذون شي اله ويسكت وكتلته ببيته وقريب منه حتى يعرف وين مااريد اوصل وحذري لمهيمن گوليله الثالثه مضمونه الك وبالنسبة الج يحلوة اني ماامد ايدي عليج بس لخاطر روح فهد اخلي كل العندي يلعب على جسمج حتى تكون هدية اخيرة مني لفهد وهسة اعوفج اعرف شوكت اصيدچ
جيلان:حچة هيج وراح للحظات تشاهدت اتقربت من فهد مديتنفس بهل اثناء اجه مهيمن
مهيمن:فهد اخوية گوم لك فهد اي مابي شي هسة اخذه للمستشفى ميموت اخوية سبع يعاند الموت
جيلان:نزل من السيارة قبل متوگف وحاضنه ويبچي شاله اخذه بالسيارة اني من الصدمة كاعده ماعرف شسوي عاط بيه
مهيمن:صعدي بالسيارة بساع
جيلان:صعدت وهو يسوق بكل سرعته اول موصلنه نزله فحصو گالو مات مهيمن بقه يتعارك وياهم وضرب الدكتور ضربو مهدأ بقت بس دموعه تنزل اما اني احس اللي ديصير حلم مدااستوعب اجوي اهله كلهم خالتي بس شافته بقت تعيط
ام فهد:يمه ابني وين ولكم الصبح عفته مثل الورد شنو مات يمه گوم بعدني مافرحت بيك گوم خلاشوف طولك الحلو گوم ينظر عيني گوم مو ردت تزوج والله ازوجك بيدي بس گوم
جيلان:وگعت خالتي فقدت من العياط اندار عليه جدهم
صالح:منو قتله لفهد احجي
هند:شنو منو قتله هيه قتلته انتقام منه مو تزوج عليها سوت روحها ممهتمه وبعدين انتقمت منه
جيلان:اني صافنه على كلامها اريد احچي احس الكلام ميطلع مني لساني انعقد
صالح:متحجين اخرسيتي والله اذا الج أيد باللي صار ادفنج بمكانج
جيلان:أأشرله براسي اريد الكلام يطلع مني ماكدر صاح لياسر گله اخذها للبيت وممنوع تخليها تطلع تبقى يمها رحت ورا اول موصلنه للبيت دفعني بالغرفه وقفل الباب بقيت ادگ الباب اريد اعيط ماكدر لليل سمعت صوتهم اجوي سمعت صوت عركة اجه مهيمن فتح الباب
مهيمن:جيلان ماادري بالصار بس منو قتل فهد شفتي
جيلان:بقيت أأشر على حلگي اريده يفتهم انو اني مااگدر احچي
مهيمن:جيلان شبيج ليش متكدرين تحجين
جيلان:سويت بأيدي حركة بمعنى مااعرف
مهيمن:هاج تلفوني اكتبي
جيلان:اخذته منه كتبتله انو صوتي مديطلع مداكدر احجي
مهيمن:جيلان القاتل شفتي
جيلان:اي وكتبتله كل اللي صار
مهيمن:اذا مادفنته بالمكان اللي قتل فهد بي مااتسمى مهيمن الا اخذ بثارك يااخوية قبل اربعينك ، امشي جيلان
جيلان:طلعت برة ويه مهيمن
صالح:منو سمحلك تطلعها قبل لااحقق وياها
مهيمن:اني اعرف القاتل واني اخذ بثار فهد بس مرته امانة عندي واني مااعوف امانة اخوية
علاء:جان عندي واجب بسامراء سمعت بخبر وفاة فهد اجيت دخلت للبيت سمعت هوسة فهمت جدي يريد يحقق ويه جيلان ، فوك كسرتها برجلها والخوف اللي صارت بي تريد تحقق وياها
هند:اي هي اكيد الها علاقه بموت فهد انتقام منه لان تزوج عليها
علاء:حچاية زايده متحجين لتدخلين بحجي الزلم فوگما اخذتن رجلها هسة تتهمنها بقتله بس هو صوج جدي ليسمع حچيكم
صالح:احچي عدل شنو اسمع كلامها شنو جاهل كدامك
علاء:المرة انقتل رجلها وانتو تحبسوها اذا تعرف شي هي تحجي بعدين هي المفروض تلزم عده على اي اساس تخليها هنا بنصنه
صالح:هي غير لو تحجي سوت روحها خرسة
علاء:متحجي شنو شبيها
مهيمن :مدتكدر تحجي الظاهر من الخوف اختفى صوتها كتبتلي اللي صار
علاء:وشنو اللي صار
مهيمن:الكلب بعد اللي سوا مهددها وروحه لفهد متطلع الاربعين اذا مااخذ بثاره
هند:وانت صدگتها اكيد جذب منها حتى تبعد الشبهة عنها
علاء:حجاية ثانية افرغ سلاحي براسج ومااكول عمتي هاي امانة عدنه نور (زوجة حسن)اخذيها لغرفتها وممنوع احد يوصل يمها
جيلان:اخذتني نور للغرفه
نور:تحتاجين شي
جيلان:هزيت راسي بمعنى لا عافتني وراحت جانت باقيه عندي كم قطعة ملابس عندي اخذتهن ودخلت سبحت بس فتحت المي صار عليه تذكرت فهد ابتعدت وبقيت ابچي ميستاهل اللي صار ليش هيج انتهت حياته مشاف شي منها تذكرت كل تصرفاتي ويا حسيت بالذنب كملت سبح وطلعت من الحمام للفجر اندفعت الباب دخلت زينب
زينب:انتي الفگر خربتي حياتنه من وراج مات الله لاينطيج
جيلان:تضرب بيه واني ماكدر اقاومها حتى اجه علاء سحبها
علاء:انتي وامج الواحد بس يغفل عنجن شوية تهجمن بيوت امشي برة اخذتها دفعتها وين نور مو كلتلها متعوفج جيلان احجي
جيلان:اشرتله براسي ماكدر وبقيت ابجي
علاء:بس تخلص الفاتحة اوديج لاهلج مدااكدر احميج منهم بس اغفل عنج شوية يهجمون عليج ومااكدر اشوفج هم حرام عليه تحملي هاليومين بس رح اطلع وقفلي الباب
