لو تدري بيه شگد احبك.. چان حمدت وشكرت ربك.. كل عمري مغلوب أنه وياك.. لاعندي غش ولا متعبك...
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
جيلان:اني شنو بالنسبة الك؟ علاء:دمي اليجري بشراييني عيوني الاثنين الدنيا لوما انتي بيها شتسوة جريت خصلة من شعرها ادفع عمري كله لخاطر حضنه منج جيلان:حضنته ، احبك علاء:اكو احد ديضوجج بالبيت حبيبتي جيلان:لاحبيبي محد مضوجني علاء:حبيبتي اذا اكو شي احجيلي اني اعرف شلون احاسبهم جيلان:ماكو شي مو كلتلك علا:حلفي جيلان:متسوه بس عادي اسألك علاء:بشنو حبيبتي جيلان:رح تطلك رواء؟ علاء:فركت وجهي ، مااعرف جيلان:متعرف شنو لعد منو يعرف علاء:جيلان هي بت عمي وبت خالتي شفتيهم ميسكتون واحنه جدي ماعنده وحده تطلك مو عاد اني ابن عمها جيلان:كمت من حضنه ، يعني شنو حتبقيها علاء:حبيبتي كلتلج مااعرف عوفيها للزمن جيلان:خلي ببالك اذا رجعتها احنة منبقى سوة علاء:حبيبتي شبيج منبقى سوة شنو جيلان:مستحيل نكون اثنين بحياتك لو الي لو الها اني مااقبل اشاركك علاء:ترة هي زوجتي الاولى جيلان:هي الاخذتك مني بسببها تزوجت فهد وعشت بدونك واذا انت تعتبرها صاحبة حق جان متزوجتني علاء:اني تزوجتها لخاطر اهلي وانتي حبيبتي بس كافي كسرتها تزوجت عليها ارجع اكسرها اطلكها
جيلان:واني عادي تكسروني من قنعو فهد يتزوج عليه بس اني غريبه عادي هي بتكم ميصيرمن وكفت بالعقد مال فهد تركص وتهلهل هي حلال بس من صار بيها الموقف اجتي تريد تذبحني لو متأخر انت دقيقه وحده جان اني ميته
علاء:اخر مرة تقارنين بيني وبين فهد افتهمتي ومتجيبين سيرته كدامي جيلان:فهد ميت وسيرته تأذيك اني عايشه وتريدها تشاركني بيك علاء:انتي ليش ميوگف بعينج كلشي مو عفتهم كلهم لخاطرج من امي وابويه لاصغر واحد بيهم لخاطرج هسة تكليلي اذا ارجعها متبقين اني موعدتج من تزوجنه اطلكها
جيلان:حرامات بعد كل هل حب اللي حبيته الك ننحط بنفس الكفة اني وياها بس اذا انت عفت اهلك لخاطري اني من عرفتك صرت انت كل اهلي اني اقدملك حياتي بأيدي بس لخاطر تكون مرتاح وهي اخذت كلشي منك في سبيل راحتها عفته ودخلت للحمام فتحت المي وبقيت ابجي مردت يطلع صوت مو بيدي ماكدر مجرد اسمها وي اسمه يأذيني اذا ميطلكها كم يوم ويرجعوها ، دك الباب مجاوبت فتح الباب ودخل
علاء:خلي اموت ولااشوف دمعه منج وبسببي جيلان:حطيت اصابعي على شفايفه اسمالله باس اصابيع ايدي علاء:حبيبتي افتهميني ماكدر اذا هي متطلب هل شي جيلان:واحنه نظل نتأمل شوكت تحن وتطلكك علاء:تزوجتج ومحد يحاجيني ليهسة مو علمود فهد علمودها اذا اطلكها مستحيل بيوم يسامحوني اني ميهموني بس جدي يهمني جيلان:نزلت راسي بقت دموعي تنزل رفع راسي مسحهن وباسني وبقينه جوه المي... طلعنه من الغرفه علمود الغده صباح:شلونكم شو ورة الريوك واختفيتو علاء:اليوم جمعه اريد ارتاح صباح:اي حبيبي اخذ راحتك انت ومرتك جيلان:عفتهم وكمت للمطبخ جانت مرت حسن تخابر وتنقل احداثنه اول بأول عرفت لرواء يعني بعيده ومااخلص منها دخلت سويت نفسي ممهتمه نور:اي حبيبتي رواء شوكت تجين لبيت جدي اليوم نلتم صباح:اليوم منظفتي الاماعين والعشا عليج جيلان جيلان:الريوك والاماعين وحتى الغده اني طبخته ليش الشغل ميتقسم عدل نور:قصدج اني مااشتغل مو هو انتي بس يجي علاء بدون ميصيحج تلحكي جيلان:المشاكل وي ذني الاثنين متخلص بوجود علاء ملائكة وبس يروح يصيرن شياطين عفتهن صبيت الاكل وكعدنه ناكل حتى من اكعد يمه تحاسبني بس مااهتم ولااحجي لعلاء لان هل مشاكل متخلص المهم عندي هو ويطلك رواء علاء:عاشت ايدج حلاوة جيلان:بالعافيه حبيبي نور:ترة حلاوة تنگال للولد واحسها مال همج علاء:اني ومرتي لتدخلين انتي واحساسج صباح:شدعوه شكلتلك لو ممنوع احد ينطي رأيه بست جيلان علاء:مو بس محد ينطي رأيه ياريت محد يباوعلها ويحاجيها غيري واذا تردون تحاجوها صيحو مرت علاء لتصيحوها باسمها جيلان:بقن اثنينهن معاجبهن الوضع هنه بيناتهن يتعاركن بس من يردن يضوجني يصيرن حبايب واني مطنشتهم لان حجايه ميكدرون يحجون بوجود علاء واذا حجو هو يدافعلي كملت الغده واكفه اغسل الاماعين نور:بس اريد اندل السحارة السويتي يمها شو فهد جان يحبج ويموت عليج واخذتي علاء يحبج بعد اكثر شمسويه جيلان:درت عليها نفس اللي رحتيلها بعدين اني ماامشي واذب سم فـ شي طبيعي يحبوني نور:اني تتهميني اسوي سحر والله مااسكت الا احجي لخالتي خالة تعالي سمعي صباح:شكو صوتج طالع نور:تكلي انتي سحارة وتمشين وتذبين سم جيلان:انتي اللي حجيتي ومن جاوبتج بنفس كلامج انقهرتي انتي عندج احساس واني لا صباح:اريد اعرف علاء شعاجبه بيج لاخلقه ولااخلاق ولا كلشي على شنو مستقتل عليج جيلان:اني اختلف عنكم من عرفت هل عائله لليوم انتو عبارة عن ناس حاقده على ناس وناس تحجي على ناس ومن تتشاوفون تسوون روحكم ناس تحب ناس تردون الخير الكم بس والشر للبقيه اني حبيت علاء لذاته مو لفلوسه ومنصبه عكس البقيه ولهذا هو يحبني صباح:هذا الحب التحجين عنه فترة وينتهي رح يعرف بت عمه الاصل وانتي لاشيء همزين تزوجج حتى يعرف الفرق بين بت الفگر وبت الخير جيلان:بت الخير اللي متجيب سيرة احد ولا تحجي على احد تكون مكتفيه ومتدور مظاهر عفتها ومشيت لو ابقى نتجادل لليل صعدت للغرفه علاء ماكو اتصلت عليه رفضه للمغرب اجه ، وين چنت علاء:ببيت جدي جيلان:وشعدك هناك مو رواء موجوده علاء:ملاحظة تصرفاتج صايره تلحين هواي جيلان:الح شنو شعدك هناك وهي موجوده علاء:اذا نسيتي اذكرج هو بيت جدي مو انكطع عنه بسبب رواء جيلان:جدك ميحاجيك شعدك رايحله رحت تشوفها مو علاء:انتبهي لكلامج اخر تحذير الج ووين اروح ويامن احجي متدخلين جيلان:حاجي اللي تريده و روح للمكان اللي تريده بس المكان اللي هي بي متوصله ومتحاجيها علاء:هي مرتي رضيتي او مرضيتي جيلان:مو مرتك مو مرتك بس اني مرتك والله والله ياعلاء اذا رجعتها تحلم بيه جرني من شعري علاء:كافي تصرفات جهال لتتخبلين حتى احترام متحترمين صايره جيلان:انتو خبلتوني مخليتو عندي عقل كلتلك منرجع لهنا رح نبقى مگابليها وجه بوجه وهمه يلحون حتى ترجعها علاء:اذا اريد شي ميهمني بعيد او قريب انتي بعيده وبقيت وراج لحدما اخذتج وهي يمي وماريدها بس تعبتيني بتصرفاتج جيلان:حضنته وبجيت تعبني هل موضوع صرت اغلس على كلشي وماازعل على كلامه اخاف من ازعل انطي فرصه انو ترجع هي لهذا اتعارك ويا وارجع اصالحه علاء:غزالتي كافي هسة مو هياتني يمج جيلان:احلف مترجعها علاء:لااله الا الله وتالي شلون اروح هناك عراك ومشاكل رجع سليمه اجي هنا عراك ومشاكل لترجع سليمه شسوي فهموني اموت حتى ترتاحون جيلان:عايش وياهم لو ويايه حتكمل حياتك ويايه اذا خسرتني ميعوضوك بيه علاء:اعرف ياعلة گلبي بس كافي خلي ارتاح لتفتحون هل موضوع جيلان:خليهم همه ميجيبون سيرة الموضوع علاء:صار بس لتنگين جيلان:خلنطلع علاء:وين ترحين جيلان:مااعرف بكيفك علاء:رح انزل الولد برة اكعد يمهم بين متلبسين جيلان:ماشي نزل هو واني بدلت ونزلت صباح:خير وين ياطير جيلان:دنطلع اني وعلاء صباح:انتي متشبعين طلعات كعدي شوية جيلان:والله هل بيت منرتاح بي لهذا دائماً طالعين صباح:شلون تصير الراحه بعد هججتي مرته واخذتي شتردين بعد جيلان:العين بالعين أخذته مني ورجعته صباح:الا ارجعها واكسر عينج واخلي علاء يطلكج ويشمرج بالشارع جيلان:واثقه بيج تكدرين تسويها بس ثقتي بعلاء اكثر لومهما سويت ميتخلى عني من رخصتج طلعت شفته واكف يم السيارة وهي تحاجي احس نار صارت بيه رحت راسا ، كملت خلنروح رواء:عفيه علاء اخذني وياك جيلان:رفعتلها حاجبي وين؟ رواء:وانتي شعليج اني ورجلي لتدخلين جيلان:هو رجلي حاليا وانتو بحساب متطلكين بعدين هو ميريدج ع شنو مجلبه بي خلي عندج كرامة شويه علاء:جيلان صعدي بساع وانتي الثانيه هم صعدي جيلان:رادت تصعد ليكدام دست على رجليها وخرتها وكعدت رواء:حبيبي اني لوما تعبانه كلش مااكلك وديني مااحب اتعبك جيلان:انداريت خزرتها شنو تكله حبيبي علاء:لاهذا واجبي ومن تحتاجين شي تطلبي مني جيلان:ليش ابوها وين وتطلب منك رواء:وانتي ابوج وين ليش تطلبين من علاء جيلان:علاء دائماً يكلي اني ابوج لهذا اطلب منه همسلي علاء:اذا مسكتي ماضمنلج شنو يصير هل مرة كافي تختبرين صبري جيلان:اذا مرة ثانيه تكلك حبيبي اكتلها هنا وشتريد تسوي سوي عود موتني علاء:اريد اعرف هاي الصلافه منين جايبتها اجتج عدوى منهن جيلان:اذا مااكون صلفه بحبك ياخذوك مني هو هيج ويادوب وياهم علاء:صيري عاقله وستري على روحج جيلان:حطيت راسي على جتفه تدلل علاء:بت الـ.... اكللها عقلي تزيد جيلان:كملها حبيبي لتضمها بگلبك بعدين شسويت شنو عيب لو حرام شو رجلي شرعاً وقانوناً رواء:عفيه علاء وديني لدكتورتي مو للمستشفى جيلان:رح تبقين تفرين بينه رواء:شكو جيتي منو جابرج جيلان:نعممم اعوفج وي رجلي وحدج يخلالج الجو رواء:هو رجلي بعدين يجوز وضع خاص بيناتنه جيلان:وضع شنو علاء:سكتن رح انزلجن هنا جيلان:بقينه ساكتات وصلنه لدكتورتها نزل علاء، وين رايح علاءخزرني وراح بقيت انتظر جتي هي مبتسمه وعلاء ضايج ..شصاير؟ رواء:اني .. علاء:مصاير شي جيلان:لعد ليش ضايج علاء:عطت بيها كافي سكتي كلتلج ماكو شي جيلان:بقيت ضايجه رجعنه للبيت هو وصلنه وراح بدون ميحجي بقيت انتظره للفجر باوعت من الشباك شفته كاعد هو وحده يحجون شويه وصعد علاء:شعدج كاعده جيلان:دانتظرك ضل بالي علاء:وهياتني جيت يلا نامي جيلان:حبيبي شبيك علاء:من اكلج شي نفذي نامي كافي جيلان:انهضمت لان عاط بيه عفته ورحت مددت بقيت ابجي وهو بس يدخن ماعرف لشكد بقينه هيج غفيت كعدت الصبح دنتريك صباح:اليوم اريد غده زين جايينه ضيوف مهمين جيلان:منو صباح:من يجون تعرفين يلا سوي جيلان:سويت اكل للظهر خلصت شفت سيارة علاء بالگراج معناها موجود بس ليش مااجه لهنا دااطلع من باب الصاله صباح:تعالي صبي الاكل جيلان:غير يلتمون ياله صباح:لا صبي همه جايين جيلان:ماشي رحت صبيت الاكل ع الميز بس جان ترتيب ملكي لان طلعت اغلى اماعين عدها كالت الضيوف مهمين واكفه يم الميز دخل علاء ، هلاو حبيبي دخلت ورا وياها غراضها صباح:حبيبتي توة نور البيت الله يتمملج على خير وتگومين بالسلامة جيلان:ذوله شديحجون شيتمملها ..ليش رجعتها؟ صباح:ليش يمه حتى ميرجعها ترة زوجته والاولى هم جيلان:لتدخلين بيني اني ورجلي ليش رجعتها علاء:لان حامل جيلان:حامل شنو منو رواء:اني حامل جيلان:ههه جذابه هاي جذبه حتى ترجعين رواء:ليش اجذب مو رحنه البارحه كدامج وهو علاء نزل ويايه والدكتورة كلتله يعني مستحيل انو اجذب جيلان:ليش رجعتها علاء:حامل شلون اتخلى عن ابني جيلان:واني شنو ذنبي تتخلى عني علاء:منو متخلي عنج جيلان:من رجعتها شنو معناها كلتلك من ترجعها ماابقى صباح:مرته وحامل ومتردي يرجعها شكد حقيره انتي جيلان:محد حقير بكدج خليتيني اسويلها السم بأيدي وارتب كلشي اشرت ع السفرة صباح:اي تستاهلين انتي نازله عليها جيلان:ماشي رحت يم الميز واخذت الاماعين وصرت اشمرهن عليهم هي اخذته مني مو اني هي اتقرب مني علاء:منو ياخذني منج ياابويه خلي نتفاهم جيلان:شتتفاهم مرتين اخذتك مني اني خسرتك علاء:حبيبتي جيلان:باوعت بعيونه دفعته وصعدت للغرفه لميت كم حاجة من غراضي وطلعت علاء:وين رايحة جيلان:كلتلك مستعده كلشي اتقبل الا انو اشاركك وي غيري لو تكمل حياتك ويايه لو وياها وانت اختاريتها علاء:لج بابا اختاريتها شنو حامل دتفتهمين حامل ماكدر اطلكها جيلان:اي اني مو حامل تكدر تطلكني علاء:اطلكج شنو ليش اني حصلتج بالسهل داعوفج جيلان:اللي بيناتنه انتهى علاء:زين نروح لشقتنه نتفاهم جيلان:كلتلك ماكو شي نتفاهم عليه علاء:مستحيل اعوفج لو اتخلى عنج جيلان:واني مستحيل اتقبل اشاركك لو اخذك كامل لو اعوفك علاء:زين اني اليوم خفارة اخذج ترتاحين وباجر ارجعج جيلان:كلتلك ماارجع علاء:امشي اوصلج والله كريم جيلان:الطريق كله يحاول يقنعني بس مستحيل من قبلت اتزوجه چنت اعرف يجي يوم ويطلكها بس مو تبقى ويا وصلت لاهلي علاء:باجر من الدوام اخذج ونروح لشقتنه جيلان:عفته وفتت للبيت زهراء:شعجب جيتي جيلان:اريد اتطلك زهراء:شنو تطلكين مو كتلتي نفسج علموده مو هو اللي انتحرتي علموده لو غلطانه جيلان:اي وهسة ماريده زهراء:ليش ولج جيلان:رجع مرته زهراء:وشنو يعني من اخذتي شعرفتي جيلان:ماعرف ماعرف جنت افكر بهل شي بس التفكير شي ومن جربتها شي ثاني اتقبل اعوفه اهون الي ولااكون ويا ووحده تشاركني بي زهراء:امداج تعوفي الها ع الحاظر فوكما هي اخذته منج جيلان:اي هي اخذته واني خسرت للمرة الثانيه زهراء:وشنو يعني حامل تجيب ويطلكها جيلان:هي بدون حمل مطلكها اهله ميخلو نوب يصير عدهم طفل زهراء:ابقي فاهيه هيج هو شلون خسرتي لوما فهاوتج عايفتلهة رجال شطوله شعرضه اكعد على گلبها وحد هي من فرقتكم ومن ساعدت فهد يتزوج عليج جيلان:مستحيل يطلكها زهراء:هي مو فقيره بالعكس خبيثه وهو يعرفها بس تبقين وتحذري على تصرفاتها يعوفها لو عنده 10 جهال جيلان:ماريد ارجع زهراء: شو ولي الكلام وياج ضايع جيلان:رح يجي باجر ويحاول مارجع لازم اعاقبه مستحيل ارجع اجه ابويه محمد:ليش زعلانه جيلان:رجع مرته محمد:بس هو ممطلكها حتى تزعلين جيلان:واني ماريده يكون وي غيري محمد:باجر من يجي ترجعين ويا وبلا هل سوالف جيلان:يعني وين اروح اموت واخلصكم مني انت ابويه شوكت توكف ويايه لو انت تسندني محد يتجرأ يسوي بيه اي شي محمد:بلا كلام فارغ مو انتي ردتي شنو هسة بدلتي لعب جهال هي جيلان:متبقيني عندك وديني يم بيبي ولتكول لعلاء مكاني محمد:اي هاهيه حتى يودينه ورة الشمس جيلان:ميسوي شي مستحيل يأذيكم زهراء:وديها حتى يحترك گلبه يستاهل جيلان:بقت زهراء تقنع ابويه بحجة انو علاء هيج حيبقى يهتم ويدور مكاني اني مهامني هل شي جنت متأذيه شلون يكون وي غيري رحت لبيت بيبيتي ام ابويه ام محمد:هايمه شلونج جيلان:تعبانه بيبي ام محمد:منو وياج جيلان:محد ويايه حتى هو اتخلى عني ام محمد:ليش ولج كلها تحجي بحبه الج جيلان:رجع مرته ام محمد:لعد هي الاولى وانتي تزعلين جيلان:هي صح تزوجها قبلي بس هي اخذته مني لوماهي وامه جان تزوجنه اني ويا من البدايه ام محمد: والله مادري شكلج بس راحتج اهم من الحب شلون تعيشين ويا وتشوفيها كدامج كطعي الطريق بأوله جيلان:وهذا اللي راح اسوي
علاء:كملت خفارتي بالويل ثاني يوم رحت هي ماكو اسالهم يكولون راحت لامها اروح لامها تكول مجتي احس عقل مضل براسي دورت كل مكان يمكن تروحله اخر شي رجعت لابوها، مرتي وين محمد:كلتلك ماادري علاء:هدوئك مو وضع واحد ميدري بنته وين تكول مكانها لاوالله اندمكم واسويها محاكم واتهمكم خاطفيها محمد:خاطفيها شنو هي بنتي اني الاتهمك علاء:دقايق واذا مكلت مكانها متعرف شيصير اخليك بقضية 4 ارهاب محمد:هو اني دادور وياك مكانها علاء:هاي السوالف متمشي عليه مرتي وين محمد:يمكن راحت لبيبيتها ومتكول خلي اخابرهم اشوف اني مفكرت بهل احتمال علاء:كلتلي مفكرت انطيني العنوان وحسابنه بعدين اخذت العنوان ورحت جيلان:جنت نايمه بالغرفه تعبانه فدمرة وبس انام سمعت صوته كلت داتخيل لحدما سمعت عياطه علاء:مرتي وين جيلان جيلان جيلان:طلعت من الغرفه ها اتقرب مني علاء:امشي كدامي جيلان:ماروح كلتلك مارجع وياك جرني من ايدي بس حط شال على راسي وطلعنه اريد افك ايدي منه ماكدر صعدني بالسيارة علاء:حسج مااسمعه جيلان:عوفني ماريدك طلكني محسيت الا راجدي اريد استوعب انو هو ضربني علاء:هاي نتيجة حبي الج صار 3 ايام لاليلي ليل ولانهاري نهار ادور عليج جيلان:ماريدك ماريدك غصب علاء:اي غصب طلاك ماطلك وتبقين بالبيت ويايه غصب عنج جيلان:كمت ابجي عوفني حباب ماكدر اشاركك ويه غيري علاء:واني ماكدر اعوفج جيلان:واني بالسيارة احس عيوني صار سواد حجيت على كيفي علاء علاء:كافي كلتلج محسيت الا وكع راسها على جتفي وكفت السيارة جيلان شبيج فقدت الوعي اخذتها للمستشفى الدكتورة:شنو صار علاء:هي مريضه عدها سكر وفقدت الوعي الدكتورة:نفحصها ونشوف علاء:بقيت انتظر كاعد يمها شويه بدت تسترجع الوعي ، حبيبتي غزالتي جيلان:شصار الدكتورة:صار عندج هبوط بالسكر ليش مملتزمه بعلاجج والاكل جيلان:مدااكدر اتقبل الاكل واي شي هل فترة الدكتورة:لازم تلتزمين بعلاجج والاكل لخاطر اللي ببطنج جيلان،علاء:شنوو الدكتورة:ماما انتي حامل
للحكاية بقية....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
