ماريد جيتك بعد
خلي الچفة يفيدك
مو اني الاتوسلك
ويچــلب بأيدك
وبفترة خافن تجي
وتحچيلي عن ظرفك
تواجهني ميت بچي
تلگــاني مااعـــرفك
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
عافني وطلع كعدت بالكاع ابجي بقيت الوكت كله بغرفتي ضايجة وهم تفشلت من تصرفه لليل سمعت صوته ع درج فتحت الباب باوعلي ودار وجهة فات لغرفه رواء لحظتها لو ميت هو گدامي ميحترگ گلبي هيج كلشي توقعت كل الناس تأذيني الا هو انهاريت وكعت بالكاع على وجهي لحدما استوعبت الصار كمت ابجي واضرب على وجهي كمت اعيط شلون تكدر تسويها شلون تخوني كلتلي اخذتها مجبور ورجعتها مجبور هسة من رحتلها وتكضي الليل وياها هم مجبور كمت شكو شي كدامي كسرته دخل هو لزمت گزازه من المراية
علاء:شدسوين ابويه حلاوتي عوفيها لتاذين نفسج
جيلان:عوفني اموت روحي واخلص منك خاين عوفني
علاء:ماهيه والله احاجيها واتقرب
جيلان:ضغطت بالگزازة على معصمي لتتقرب بس تتقرب اموت روحي الله ياخذك خاين ليش هيج تسوي بيه حرام عليك هيج تجازي حبي الك جنت اموت الف موته من فهد يتقربلي واتحجج الف حجة علمود ميتقربلي هو رجلي ومن يتقربلي احس دااخونك وانت هسة كدامي واني زوجتك وتخوني ليش مكافي العذاب اللي تعذبته لخاطرك شسويتلك فهمني غمضت عيني وبجيت هو راساً جر الگزازة من ايدي
علاء:والله ماهيه لو موجوده ماادخل كومي جريتها واخذتها لغرفة رواء شوفيها ماهيه
جيلان:جذاب وين راحت وين وديتها
علاء:وخرت شعرها عن وجهها وحضنتها بقت تدفع بيه وديتها لاهلها وصعدت ردت اندمچ على تصرفج السويتي صايره متحترمين اني محترك بالنار وانتي تطرديني بس لو ادري هيج يصير بيج ابقى بالدوام بعيد ومااحرك گلبج ولج اني تزوجتها واتقربلها غصب تذب روحها عليه بعد السوته بيج تردين ارجعلها طبيعي وعيونج مبقيها لخاطر الطفل
جيلان:طلگني ماريدك
علاء:صار التأمرين بي
جيلان:ووديني لبيت اهلي
علاء:تدللين تعالي اخذتها غسلت وجهها ولبستها عبايه وصعدتها بالسيارة بقت منتجية ع جامة السيارة وتنزل دموعها فركت وجهي حيل شلون سويت هيج تذكرت الصار قبل لااصعد جتني رواء كالت وديني لاهلي اخذتها ورجعت ضوجني تصرف جيلان كلت افوت لغرفة رواء حتى اخليها تتندم وتعتذر تحس بغلطها بعد الشفته منها اتندمت وسبيت روحي اخذتها ورحنه للشقه
جيلان:ليش جبتني هنا
علاء:اششش نزلي بقت تعاند شلتها وصعدت
جيلان:بقيت اضرب بصدره عوفني نزلني ماريدك وصلنه للشقه نزلني ع الجرباية ومدد يمي جر راسي وخلا على صدره
علاء:اسف ابويه وعيونج ندمان تصرفاتج تعبتني الفترة الفاتت
جيلان:تصرفاتي تعبتك بس كل كسره منك تموتني ليش حتى انت مترحمني وخرت عنه نزلت بالكاع لميت رجلي لصدري وخليت راسي عليهن وبقيت ابجي
اني احتمي بيك من الدنيا وانت تكسرني تاليها
علاء:نزلت يمها صرت بمستواها رفعت راسها ومسحت دموعها ياريتني ميت ولا دمعه منج نزلت بسببي
