خاف اشتاگلك والگاك ماعايز؟!
واخاف من اللي بصدري بعده ماجايز..!
واخاف گبال عينك نظرة مني تصير..
تشبه نظرة الخسران للفايز..
ودعتك بـ لحظة أمنيتي اچلب بيك...!
أودع وابچي مثل وداع الجنايز..
كبرت بغيبتك بس ماگدرت انسى..
وعرفت الفرق بين الصورة واللمسة..!
كون الله يجيك احساسي وتحسه..
وتشوف شگد وجع وياي ينجاس....
لـ مهند العزاوي
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
جيلان:مرت هل ايام واليوم خميس وهمه يجهزون للحفلة بس اني متاكده حيغير قرارة ميكدر يسويها اذا ميتراجع اليوم فباجر اكيد چنت واگفه بالبالكون انتضره صارت عادتي يوميه انتضره لحدما يفوت لبيتهم احس هل شي يخليني اتطمن عليه اجه بقه واگف بالحديقه يخابر اني لبست شال بساع ونزلت رحت يمه
علاء: شمنزلج بهل ليل
جيلان:باجر العقد شوكت حتتراجع
علاء:ومنو كلج اني قررت حتى اتراجع
جيلان:اعرف اللي دتسوي انتقام مني بس كافي الفكرة وحدها تعذبني اتراجع
علاء:ههه انتي الفكرة عذبتج واني اجيت من الدوام لكيتج ايد بأيد ويا واني مقرر اخطبج بيومها ويوم العرس كدامي اشوفج تنزفين اله واخذج بأيدي للمستشفى وتطلعين حامل انتي تبنين عائله ويا بس اني حرام اعيش تردين ابقى عايش ع أثر حبج
جيلان:اني ماريده ردت اتطلك منه بس هذا الطفل صار غصب عني
علاء:حتى لو تطلكتي مااكدر اخذج بعد ليش تزوجتي اذا تردين تطلكين
جيلان:اني ماريد اتطلك حتى تتزوجني اريد اتطلك لان مااكدر ابقى ويا مااكدر احبه كل يوم ويا اتعذب
علاء:ليش قبلتي بي ليش اتزوجتي
جيلان:انجبرت
علاء:شنو اللي جبرج احجي
جيلان:واذا حجيت شنو اللي حيفيد
علاء:جيلان احجي خليني اعرف
جيلان:امك هددتني
علاء:وبشنو امي تكدر تهددج
جيلان:بيك (حجيتله كل اللي صار من اجت لاهلي وكالتلهم عن علاقتنه لحد يوم العرس)
علاء:كلتلج اعرف خيانتج الي مو بأرادتج كلتلج احجيلي بس انتي سكتي ووصلتينه لهنا
جيلان: لو مقبلت جان انت بقيت هنا
علاء:هي استغبتج صح نقلتني لهناك بس الترقية مو بسبب واسطتهم لان ماكو هيج شي هل شي مو بيدهم اني جنت اعرف. رح اترفع بس ماعرف شوكت وهي اللي سوته لعبت عليج استغلت هل نقطه وحتى لو باقي هناك الموت اهون الي من انو اشوفج كل يوم ويا
جيلان:لتخليني اعيش هل شعور ماكدر اشوفك وي غيري كل يوم العمر كله
علاء:هذا الشي قدرنه وماكو رجعه بعد عفتها وطلعت
جيلان:اخر كلمات منه هدت حيلي كعدت ابجي شفت سيارة فهد مسحت دموعي
فهد:هاحبيبتي ليش نزلتي مو زين عليج
جيلان: اختنكت من الغرفة ومليت
فهد:لعد رح اصعد ابدل ملابسي وانزل يمج
جيلان:ماشي ..بقيت كاعده وافكر رح يبقى وياها بعد ماحجيتله لو يتراجع عن قراره مستحيل يبقى بعده ضايج نزل فهد
فهد:شلونج حبيبتي والطفل شلونه
جيلان:زينه ..اجه مهيمن
مهيمن:السلام عليكم
جيلان فهد:وعليكم السلام
مهيمن:شعدك كاعد مو باجر العقد مال علاء وقبلها عدنه كم شغله لازم نحلهن
فهد:اي بس كون منتأخر ع العقد
جيلان:ليش هو علاء اكيد باجر حيستمر بالعقد (حجيتها زلة لسان اثنينهم باوعولي)
فهد:وليش حتى يعوفها
جيلان:ااا مادري بس حسيته ميريدها
مهيمن: هذا اختيارة بعد ميكدر يتراجع
جيلان:الله كريم من رخصتكم عفتهم وصعدت احسن مااجفصها اكثر ..دخلت تلفون فهد يدك بس مباوعت رحت غسلت وجهي وبدلت ملابسي والتلفون مستمر صوت رسائل واتصال رحت اريد اسوي صامت مكتوب حرف z بس الرساله واضحة مكتوب (شنو اللي اسوي وتحبني نص حبها لو هي تحبها لان متريدك) صار عندي فضول اعرف منو فتحت تلفون واقره الكلام
