ياريت العمر بس وياك
بلياها الاوادم كلها والجنة
اذا حبك ذنب ياطيب الذنوب
وانت اخر نفس وشكد عزيز تصير
وبـ لحظة الموت تريدنة نملك
ظل بالليل ماكو وميزت ظلك
واندلك واجيك واگدر اوصلك
ادورك ماامل والگاك واندلك
ولو حبك رمل عنوانك بصحراء
اشمن ريحتك بالگاع واوصلك
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
طريق ظلام اركض بس مااعرف وين اروح بس اصيح اسم علاء لحظات بس ولزمني خله سلاحه بوجهي
:گلتلج مااعوفج واخذج ورة فهد
جيلان:فتحت عيني چان حلم علاء ماكو يمي گمت سمعت صوته ديخابر رحت يمه بالصاله جان ديخابر اشرلي بأيده اكعد يمه رحت كعدت يمه تمددت وخليت راسي على رجليه بقه يلعب بشعري كمل مكالمته دنگ على راسي باسني
علاء:غزالتي الحلوة شكعدج
جيلان:غمضت عيني تذكرت الحلم
علاء:ابويه شبيج هاج التلفون كتبيلي
جيلان:كعدت وبقيت اكتبله الحلم كل يوم ينعاد مقتل فهد گدامي وبعدين انهزم والطريق اظلم ويلحگني القاتل يريد يكتلني واكعد من الحلم
علاء:حبيبتي محد يكدر يلمس شعره منج واني يمج القاتل مات واهله احنه نلاحگهم ومحد يندل مكانه لتفكرين بي
جيلان:كل كلمة منه تطمن گلبي وجوده كافي انو احس بالامان حطيت راسي على جتفه وكتبتله لتبتعد عني
علاء:ميبعدني عنج شي غير الموت واذا متت عود موتي وراية حتى تكونين ويايه دنيا واخرة بس مو تدخلين للجنة تشوفين حور العين تبدلين عليه
جيلان:ههههههههه كتبتله هو اكو احلى منك بعيني اموت وياك حرام اتنفس بدنيا انت مابيها
علاء:يادوة گلبي وفرحة سنيني غزالتي اني چنت ميت وهسة عشت
جيلان:حضنته حيل تذكرت الايام اللي تفارگنه بيهن واتحسر عليه اريد اعوض ذيج الايام شالني ورحنه للغرفه
علاء:يلا صيري عاقله ونامي لتشلعين گلبي (عضيت شفتي)
جيلان:هزيت راسي وگوة كاتمة ضحكتي نمنه كعدت الصبح هو نايم على بطنه شكلة كلش حلو خليت ايدي جوه راسي وكعدت اتأمله جريت خصلة من شعري ومشيتها على وجهة كعد ابتسملي
علاء:اني مو گلتلج صيري عاقله
جيلان:هزيت جتفي ما جر ايدي وكعت على وجهة
علاء:كلتلج صيري عاقله حتى ابقى عاقل بقيت ابوس بوجههة على كيف
جيلان:احس وجهي صار نار خليت ايدي على صدره دفعته وكمت ركض
علاء:اشتعل محمد بگبرة هو واهله
جيلان:رجعت وكفت يم باب الغرفه هزيت ايدي بمعنى منو هذا
علاء:جد ابويه بس انتي شعلتي اليوم
جيلان:خزرته حرام يسب ميت اجه وكف كبالي بده يتقرب واني ارجع ليورة لحدما جرني وحاوطني بأيده قرب وجهة عليه غمضت عيني عافني وراح
علاء:استحق الحمام قبلج
جيلان:ضحكت ورحت عزلت الغرفه وسويت ريوك بينما طلع رحت غسلت كعدنه ناكل بده يسويلي قطع صغار ويوكلني
علاء:انتي تاكلين واني اشبع
جيلان:ابتسمتله وبسته بالهوى دگ تلفونه صارت عيني عليه مكتوب رواء ضجت هو رفضه رجعت اتصلت هو كام بقه يجاوبها سويت نفسي اكل بس اباوعله صار شكلة عصبي بعدين هدأ متحملت رحت يمه بقيت ابوس بخده يأشرلي بأيده بحركة انتضري هزيتله جتفي ما رفعت رجلي حتى اوصله بقيت العب بشعره خزرني
علاء:بعدين نحجي مع سلامه سديته ﮼ شبيج حبيبتي متشوفين دااحجي
جيلان:تؤ وهزيت راسي بمعنى لا لفيت ايدي ع رگبته واباوعله
علاء:ناوية تموتيني لتباوعين هيج
جيلان:رفعت حاجبي تقرب باس رگبتي دفعته ومشيت
علاء:يجي يوم الا اطلعهن من خشمج
جيلان:ضحكت وكعدت اكمل اكل اجه كعد
علاء:عندي دوام لازم اروح
جيلان:برطمت ضجت شنو يروح
علاء:مااتأخر حلاوة ماأمن اعوفج وحدج
جيلان:هزيت راسي كملنه اكل حظرتله ملابسه يلبس واني حاطه ايدي ع خدي اباوعله شكد حلو
علاء:ادري بنفسي حلو ومحد يقاومني
جيلان:ضحكت ورفعت حاجبي كرصني من خدي
علاء:الغزل مابي طعم لوما على عيونچ ضلي بگلبي خايف ليحسدونچ
جيلان:اتقربت بست صدرة جهة گلبه باسني بگصتي وطلع وگف يم الباب
علاء:قفلي الباب ورايه حبيبتي ومتفتحيها لأي احد بس الي ماشي لتخلين بالي يمج
جيلان:هزيت راسي طلع قفلت الباب بقيت كملت شغل وكعدت اتفرج تلفزيون للمغرب اندگ الجرس ..باوعت من العين السحريه هو رجع دك الجرس
علاء:اني علاء حلاوتي
جيلان:فتحت الباب ابتسمتله وگلبي يگله ياروح حلاوتك حضنته اشتاقيتله
علاء:شكد مشتاقلج بديت اكره الدوام حبيبتي يلا جهزي نفسج عدنه مراجعة يم الدكتور
جيلان:ضجت كتبتله البارحه چنه يمه ليش يوميه
علاء:احسن حبيبتي ماريد يتأخر العلاج يلا بدلي لان كوة حصلت موعد اليوم
جيلان:هزيت راسي رحت بدلت وطلعنه صعدت بالسيارة هو سد الباب الي شغلت المسجل طفا
علاء:بعدين نشغل اغاني هسة اريد اعرف شسويتي بدوني شتاقيتيلي لولا
جيلان:ابتسمت اشرتله بأيدي بمعنى هواي
علاء:واني اكثر شتاقيتلج اي شسويتي بغيابي نمتي اكلتي
جيلان:هزيت راسي لا
علاء:ليش غزالتي من نطلع من الدكتور ناكل ماكدر هسة عيب نتأخر
جيلان:ابتسمت شغل المسجل طلع اغنية هذا باختصار لـ سلطان العماني ولزم ايدي بقينه هيج لحدما وصلنه چان محد اكو لان الدكتور متأخر علمودنه
علاء:اعذرنه دكتور
الدكتور:مصار شي تفضلوا
علاء:اني عندي كم شغله تبقى جيلان يمك اكملهن وارجع (اتفاق بيني وبين الدكتور )
جيلان:باوعتله ماريده يروح
علاء:همستلهة حبيبتي ماتأخر و رح اكون قريب منا بس يصير شي اتصلي اجي يمج
جيلان:هزيت راسي اي عافني وراح گعدت
الدكتور:تفضلي جيلان هذا دفتر وقلم حتى يكون وسيلة حوار بيناتنه اني هم رح اكتب حتى متضوجين
جيلان:هزيت راسي بدينه نكتب
الدكتور:شلونج اليوم تحسين بتحسن لو نفس الشي نفسيتج شلونها
جيلان:مرتاحة ممجربه هل شعور من قبل
الدكتور:شنو الاسباب شوفي جيلان اي شي تحچي الي حيكون بيناتنه محد رح يعرفه كوني متطمنه اني اساعدج اسمعلج واقدملج النصيحة والعلاج طبعا هم اذا اكدر
جيلان:بحياتي مجربت شعور اكون وي شخص يحبني ويهتم بيه يفضلني على روحه سعادتي اهم شي عنده
الدكتور:هو زوجج ومن واجبه يهتم بسعادتج طبعاً بس اكيد مو مثل الام والاب محد يحب الانسان بگدهم
جيلان:من حچة هيج بچيت من بچيت حجة بصوته مو كتابه
الدكتور:العفو جيلان مو قصدي ليش بچيتي من جبت سيرتهم
جيلان:كتبتله قصتي ووضع اهلي
الدكتور:جيلان الانسان اناني بطبيعته بس رغم هذا اكيد يحبوچ
جيلان:مااعرف بس هل شي بالبدايه جان يأذيني هواي لحدما تعودت بس علاء رغم اذيته وتعبته چان يفضلني على روحة وراحته وكلشي عنده لوما هو مااعرف شنو نهايتي
الدكتور:زين بماانو الكلام عنه يريحج احجيلي شلون تعرفتو
