البارت انحذف بالغلط ورجعت كتبت من جديد🥲
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
بقيت اباوعله لحدما اتقرب فهد
فهد:يلا جيلان خلنصعد
جيلان:ماشي صعدت وي فهد بس مكدرت اباوع لعلاء بعد صعدت كوة كدرت انام من تفكير
علاء:اتقرب منها فهد واخذها وصعد حسيته اخذ روحي عفتهم وطلعت لحكتني امي
صباح:تعال يمه وين رايح مشتاقتلك
علاء:ماالي وجود هنا بعد هذا المكان يخنكني
صباح:انساها يايمه هي تزوجت وعاشت وانت بعدك عايش على اثرها
علاء:مااكدر انساها تعرفين شنو معنى خليتها بثنايا روحي هي اول حب بحياتي اول مرة اعرف شنو السعادة اول مرة يكون عندي سبب حتى اعيش هي الدنيا بالنسبة الي وبدونها ماكو دنيا انتي السبب حرمتيني منها لو موافقة من البداية جان صارت الي
صباح:هي لو تحبك متتخلى عنك
علاء:واثق من حبها الي مثل مواثق بحبي الها وخلي ببالج دوامي هو المهرب الوحيد حتى ماافكر بيها لو هي ويايه جان عفت كلشي وبقيت يمها
صباح:اتزوج تنساها
علاء:حتى اللي تشبهة مااريدها اني اريدها الها افتهمي.عفتها وطلعت
جيلان:كعدت الصبح نزلت اسوي ريوك فهد نزل
فهد:هاحبيبتي لعد وينهم شو هدوء
جيلان: بالصاله كاعدين
فهد:جدي وياهم ومنو اللي كاعد
جيلان:مهيمن وزيد وبيبي وعمتك
فهد:خلي نروح يمهم..صباح الخير
الكل:صباح النور
فهد:شلون صار جدي
هند:احسن شويه
فهد:ها علاء يمه لو منو
هند:لاجدك نايم وعلاء راسا طلع تعارك ويا امه وراح
فهد:ليش
هند:شمدريني هوهذا الولد ماعرف شبي كلتلها زوجي خليستقر
فهد:ليش هو الزواج لعب اذا ميريد شنو غصب امشي جيلان
جيلان:حطيتله الاكل ع الميز بالمطبخ بس هو ضاج من الكلام اني كوة مصبرة نفسي مااحجي كمل طلع برة طلعت ويا بعد متحملت سالته،يعني هو اجباري يزوجوا رواء اذا ميريدها شنو غصب
فهد:هنا كلشي غصب هو ميريدها وينهزم للدوام من وراهم بسبب هل سالفه لان امه تلح عليه وهي السبب باللي ديصير ويا حتى نقله للموصل
جيلان:يعني انت تعرف انو امه خبيثه
فهد:اكو فرق بين الام اللي تدور راحة ابنها والام اللي المهم تنفذ كلامها من اني صغير جدي مقرر اتزوج زينب بت هند وامي مرة وحده سالتني اذا اريدها لو لا واني كلتلها ماريدها وكتها سدت الموضوع صح تدورلي عروس بس المهم تعجبني واوافق عليها متحاول تجبرني عكس ام حسن اللي سوت كلشي حتى تجبرهم اول شي حسن جبرته بس هو مجان يحب فمستقر وي زوجته اما علاء يحب وحده وعافته
جيلان:انصدمت من كال يحب وحده..يعني انت تعرف بي يحب هو حجالك
فهد:لاشلون يحجيلي عيب هل سوالف تنحجي بس نعرف هل شي من المشاكل اللي جانت تصير بينه وبين امه
جيلان:وشنو اللي يخليك متاكد هي عافته مو هو
فهد:لان احنه من نحب منتخلى عن اللي نحبها وهي عافته يااما محبت تدخل بهل مشاكل او ام حسن جبرتها تعوفه
