آنه خايف لاتمُر نسمات غيري
وتشتهي بروحك مكان وتنسى ودي
آنه خايف تزهگـ بروحك محبتي
وابقى وحدي حيل خايف
والبچي بشباچ گلبي...
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
علاء:دنگت يم اذنها همست گلتيلي مو حامل طلگني هو اني بكل الاحوال مااطلكج بس هسة ماطول حامل حجايه زايده متحجين
جيلان:لو حامل ب10 هم ماابقى تطلكني يعني تطلكني
علاء:شنو متزوج بزونه كومي عجبتج النومة تردين اتمدد يمج
جيلان:خزرته وكمت رجعني للبيت
علاء:صار تدللين
جيلان:مداشاقه رجعني للبيت
علاء:اني هم هم مداشاقه شسوي بيج رح ارجعج
جيلان:اوكي (بگلبي طبعاً شتسوي بيه عندك سليمه)مشيت كدامه
علاء:بس على كيفج محد لاحكج
جيلان:معليك
علاء:لسانج حگصه صعدي بالسيارة اجيب دواج واجي
جيلان:ماريد ابويه يجيبلي عود
علاء:خوش امشي عفتها صعدت بالسيارة ورحت جبت الدوة
جيلان:مو كلتلك ابويه يجيبلي الدوة
علاء:اني ابوج
جيلان:لاوالله ومقتنع بروحك
علاء:بزونه سكتي لازم عجبج الراجدي
جيلان:حتى اكسر..انتبهت ع جفصتي سكتت ودرت وجهي
علاء:لاكمليها شبقيتي هاي تاليتي رجال شكبرني طفله تهددني
جيلان:منو الطفله
علاء:انتي
جيلان:لابله ترة عمري حيصير 24
علاء:واني عمري 30 لو انتي اكبر مني بسنة اصيحلج خالة
جيلان:جريت نفس اي اني قبلت بشايب مسامع رضينه بالبين والبين مارضه بينه
علاء:شايب مو يذبچ الوكت عليه واراويچ الشايب منو
جيلان:علاااااااء
علاء:عيونه
جيلان:كافي زعجتني
علاء:كافي زعجتني(قلدتها)
جيلان:شكد متنمر
علاء:اروح فدوة لام المتنمر
جيلان:باوعتله صفح وسكتت
علاء:اذا صارت عدنه ابنية شنسميها
جيلان:وانت شكو بنتي لو بنتك
علاء:جبتيها من السما يعني اذكرج شلون لو اسكت
جيلان:اييع صايرة اخلاقك فدمرة
علاء:شسوي اهلي معرفو يربوني
جيلان:خلي بس يعوفوك بحالك
علاء:اي شبيها اخلاقي معاجبتج
جيلان:تؤؤ
علاء:بس مجان هيج رأيج اول متزوجنه وغمزتلها
جيلان:علاء شبيك حيصير عدنه طفل تبقى هيج تحجي كدامه
علاء:لااذا ابنيه عذريني اني بغرفه وانتي بغرفه احافظ على اخلاق بنتي بس اذا ولد لاعادي خليطلع نفس اخلاقي حتى يدلل مرته
جيلان:بعدك مصارت عندك ابنيه تبريت مني
علاء:لك اروح فدوة لليغار انتي بنتي الاولى واعز من كل جهالي
جيلان:ماريد رجعني لاهلي
علاء:اي شبيج هسة نرجع واخلص منج
جيلان:(شكد مستفز ردت اضرب راسي بالسيارة من العصبيه وهو يضحك لا ويريد يرجعني بدون ميتجادل راسا قبل ماريد اجاوبه لان عصبيه كلش غمضت سويت روحي دانام وصدك غفيت محسيت)، كعدت احنه يم بيتهم ، هاي وين؟
علاء:مو گلتيلي رجعني للبيت
جيلان:رجعني لاهلي مو لهنا
علاء:واني مزهرية هنا اني رجلج وحامل بطفل مني لعد مو اهلج
جيلان:علاء وديني لاهلي كافي تنرفزني نزل من سيارة فتح الباب مالتي
علاء:نزلي
جيلان:ماانزل
علاء:داكلج نزلي (بعصبيه)
جيلان:خفت منه غلست بس هم ماانزل درت وجهي
علاء:متنزلين مو دشوفي
جيلان:شتسوي يعني شالني من بطني خلاني على جتفه ، عزه شدسوي نزلني
علاء:مو متقبلين
جيلان:نزلني كافي فضحتنه
علاء:هاي تاليته لعنادج
جيلان:هو چنه بالكراج من نزلني بس رفعت راسي شفت زيد وحسن يبو الفشله ﮼ عليك الله نزلني والله اني اكمل
علاء:تلعبين عليه
جيلان:لاعيب ديباوعون علينه نزلني وراح يمهم اني عفتهم وكفت يم الباب مال بيت
علاء:باركولي جيلان حامل
حسن: مبروك حبيبي انشاءالله الولد الصالح
زيد:هاهيه عايزك جنت بوحده صرت بثنين وهسة يطلعون نفس اخلاقك
علاء:على اساس جهالك حيطلعون معممين رحت يمها،متدخلين
جيلان:ليش يمه ست رواء تدخلها بأيدك واني ادخل قبلك حتى يكولون ممصدكة
علاء:استغفرالله اشيلج بأيدي وادخلج لو البسج بدله واجيب زفه شسوي فهميني
جيلان:جرني من ايدي وسوي روحك مرجعني غصب
علاء:الله عليج هذا شكل وحده مرجعها غصب
جيلان:اي مرجعني غصب اني ماقبل ارجع
علاء:أمري لالله لزمت ايدها شبكت اصابعي باصابعها
جيلان:موهيج الزمني من المعصم وهيج حيل وادخل عصبي وگلي لو تنگلب الدنيا مااعوفج
علاء:العقل عندج وين مكانه ممكن تحددين
جيلان:يااا
علاء:يعني اني شدااعيد بالكلام كلتلج حطلكج ياابويه النسوان تخبلن الميتخبل
جيلان:شتفضلت
علاء:امشي جريتها من معصمها ودخلت
صباح:شو رجعتها
علاء:ليش شنو بكيفها اطلكها مرتي مااستغني عنها بعدين من رجعت رواء مجان هيج كلامج
صباح:اي رواء بت عمك تستاهلك وحامل هاي شبيها
علاء:حجايه زايده وياها اخذها واطلع وخلي رواء يمج امشي انتي
جيلان:كرصت ايده وصلنه للغرفه
علاء:شكو تگرصين
جيلان:ليش تكلي انتي
علاء:اني هسة اذا انتحر الله يدخلني للجنة راسا بدون حساب على الصبر اللي عندي
جيلان:عقدت حاجبي وفوكاها مكلتلهم حامل ميعجبك
علاء:ابويه حبيبتي غزالتي اولاً صاير النكد عندج الف وثانياً خايف عليج
جيلان:ليش
علاء:اخاف يسوولج شي انتي لو الطفل
جيلان:يعني تعرف بيهم خبثاء ومبقينه هنا
علاء:ليش اني كايلج همه انبياء مو مقبلت نرجع بس الظروف جبرتنه
جيلان:اطلع يلا
علاء:وين
جيلان:اريد ابدل
علاء:شنو لج
جيلان:اي رجاءاً اعتبرنه متطلگين اني ماريدك خله ايده على رگبتي من ورة وقربني يم وجهة
علاء:اذا ساكتلج اكول زعطوطة ومتفتهم فلتبقين تجفصين
جيلان:ما ماريدك تتقربلها وتتقربلي ايع لو تبقى بس انته ماريدك
علاء:منو متقربلها بت الكلب ترة هنا دانام وهي متوصل يمي
جيلان:لتغلط فهمت وماريدك هنا اليوم دورلك مكان تنام بي واذا نمت يمها اذبحك انت وياها دفعت ايده ووخرت
علاء:مو چنت مرتاح شجاني وتزوجت
جيلان:اختيارك غير
علاء:رايح للدوام اذا الكاجن متكافشات اذبحجن
جيلان:وصيها الها او الهم اني حبابه
علاء:اي قابل ماعرفج
جيلان:هو طلع رحت سبحت وبدلت لبست فستان بسيط ومكياج خفيف لفيت شعري ونزلت ولبست شحاطه كعب نزلت اضرب بالكعب بكل قوتي
صباح:كافي سطرتينه وين موليه
جيلان:هنا كاعده خالة بس دانتظر علاء حبيبي
رواء:انتي مصارلج اسبوع من طلعتي وهسة رجعتي خلي عندج كرامة ع الاقل
جيلان:تؤ تؤ شوف منو يحجي بالكرامة حبيبتي انتي اخر من يحجي عنها او اگلج اصلاً لتحجين بيها لان اخر ظهور عندج الكرامة من چنتي ببطن امج
رواء:هيي احترمي نفسج لادوسج هنا
جيلان:نعم يمممممه تدوسين منو حتى علاء يسويج اثنين
رواء:حبيبي فعلاً سواني اثنين بس انتي خطية
جيلان:حبيبتي اني جديده دنعوض الايام اللي معشناهن سوة مااحتاج طفل حتى يتمسك بيه
رواء:المهم مرته وبأسمه
جيلان:مااتسمى جيلان اذا مخليته يطلكج وتشوفين
صباح:كافي سكتن وانتي هيي يلا كومي سويلنه گهوة
جيلان:ليش مو ذني بنات خواتج وكتلتي روحج عليهن اعتبريني ماكو
صباح:كومي لج انتي خدامه هنا
جيلان:من يجي علاء اسأله صدك اني خدامه هنا اذا كال اي ساعتها تدللين بس اذا كال لا انتي ويا تتفاهمون
صباح:انتي شكد ادبسز وبدون اخلاق
جيلان:شكراً بقيت كاعده شوية وكمت للغرفه نمت كعدت بليل علاء ماكو اتصلت عليه ﮼ انت وين
علاء:بالغرفه الكبالج
جيلان:هو حجة هيج كمزت راسا فتحت غرفة رواء
رواء:خير شتردين مسويه مداهمه
جيلان:ااا ماعرف هاي غرفتج
رواء:وهسة عرفتي يلا ولي
جيلان:سديت الباب وطلعت هو بعده ع الخط ليش جذبت عليه
علاء:تستاهلين اكو واحد يبدي بدون سلام المهم مااكون يمها
جيلان:اني اصلاً نسيتها بس ضل بالي لان ماكو اخذ راحتك
علاء:الله وياج
جيلان:بقيت كاعدة خليت شال على راسي ونزلت جوه ضايجه كلهم نايمين طلعت للحديقه سمعت صوت بچي اتقربت شفت خيال ابنيه ورة الشجره دتبجي﮼ انتي منو
صيبا:اني صيبا
جيلان:شجابج هنا
صيبا:زوجة مهيمن
جيلان:(بصدمة)ليش هو من شوكت متزوج
صيبا:خليت ايدي على وجهي وبجيت
جيلان:كعدت يمها شوكت تزوجتو
صيبا:مااعرف
جيلان:شنو ليش
صيبا:مااعرف هو جبرني اتزوجه
جيلان:ليش
صيبا:ينتقم مني
جيلان:ليش ينتقم
صيبا:جريت نفس خطيبي قتل صديقه لمهيمن
جيلان:خطيبج هو القتل فهد
صيبا:اي بس والله مااعرف بي هو قاتل ومن عرفت وتزلت راسي
جيلان:شسويتي
صيبا:مااكدر احجي هل موضوع يأذيني
جيلان:زين خطيبج قتله ينتقم منه لو منج انتي شنو ذنبج
صيبا:والله ماالي ذنب مجنت اعرف بي قاتل بس مهيمن ديعذبني على شي ماالي ذنب بي
جيلان:شلون جيتي لهنا متخافين
صيبا:من شنو اخاف عشت وي مجرم وهسه مهيمن مجرم بهيئة ضابط قابل شيصير بعد
جيلان:بس مهيمن حباب معقوله اللي ديسوي بيج
صيبا:ليش انتي شتصيرين منه
جيلان:نزلت راسي اني مرت ابن عمه
صيبا:اني اعرف زيد وياسر وعلاء البقيه مااعرفهم شايفتهم بس ماعرف اساميهم
جيلان:مرت علاء وارملة فهد
صيبا:حطيت ايدي على حلگي انتي زوجته لفهد
جيلان:اي
صيبا:اسفه والله بسببي مات فهد بس والله ممتقصده
جيلان:انتي ماالج ذنب متعرفي جان قاتل شلون احاسبج على شي ماالج علاقه بي
مهيمن:شلون اجيتي لهنا
جيلان:فزينه اثنينه على صوته جانت عيونه تجدح اني خفت هي شصار بيها
صيبا:اختنكت وطلعت
مهيمن:اني مو گايلج متخطين خطوة بدون علمي
صيبا:وشرح تسوي قابل تضربني مكافي الضرب اللي ضربتنيا
جيلان:تضربها معقوله مهيمن شلون تمد ايدك على مرة
مهيمن:لتدخلين
جيلان:هي شنو ذنبها اذا خطيبها قتل فهد وهي متعرفه
مهيمن:كلتلج لتدخلين بكيفي اسوي اللي اريده
جيلان:حرام اللي تسوي بيها
مهيمن:وحده غيرج المفروض تخنگها بس انتي حبيتيها لان بسببها تخلصتي من فهد
جيلان:بقيت فاكة حلگي انصدمت من حجايته ﮼ اذا دافعت لوحده مظلومة هيج نظرتك عني ليش فهد متأذيت على غيابه صح متوالمنه بزواجنه بس لليوم اني اصلي اله واقراله قرآن فهد ميستاهل اللي صار من مات فهد مو خسرت صوتي وتعذبت مو راجعت دكتور نفسي لحد الان اني احلم بفهد واللي صار بي صح لو عايش جان اتطلكنه بس مستحيل اكون حقيره لهل درجة واتمنى يموت حتى اتخلص منه
