أعدِ لي الارض كي استريح...
فأني احبكِ حتى التعب...
وأني احبكِ...
انتِ بدايةُ روحي...
وانتِ الختام...
وأني احبك...أني احبك
لكن اخاف التورط فيك...
اخاف التوحد فيك...
دعيني اقول بكل اللغات..
التي تعرفين ولا تعرفين...
أحبُكِ انتِ...
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
جيلان:عوفيني دفعت ايدها كامت هي دفعتني على الميز صارت الزاوية مال ميز تواليت بظهري شهگت وبس دموع تنزل ماكدر اعيط لحظات وغمضت عيني بعد محسيت شويه وحسيت قطرات مي على وجهي فتحت عيني و أون بألم بحضن علاء بالسيارة
علاء:غزالتي حبيبتي اتحملي رح نوصل للمستشفى زيد سوق اسرع
جيلان:حجيت بصعوبة الطفل شصار بي ابني شلونه
علاء:لتفكرين بي المهم انتي
جيلان:ماريد اخسره حباب
علاء:وصلنه شلتها دخلنه للمستشفى حطيتها ع السديه واخذوها مني
زيد:گول يالله انشالله ماكو شي
علاء:اني السبب جبتها خليتها بنصهم هي بعيده عنهم حارو شسوو بيها حتى قتل وصلت بيهم اني شسويت جبتها يمهم داسهل عليهم
زيد:الظروف جبرتك ياخوية هسة ادعيلها هي والطفل صدك مبلغت اهلها
علاء:لا راح من بالي هسة اخابر ابوها
زيد:بلغ امها بهل وضع اكيد تحتاجها
علاء:ماشي طلعت رقمها اتصلت عليها السلام عليكم
نهى:عليكم السلام تفضل منو
علاء:جريت نفس حجيت بعصبية علاء رجل جيلان
نهى:تفضل شتريد متستحي حتى بزواجها مبلغتوني ومحترمتوني وهسة شتردون انت وياها
علاء:لو سألتي عنها واهتميتي بيها جان بلغناج مو عايفتها
نهى:شتريد هسة
علاء:جيلان حامل ودتنزف كلت يمكن يشتغل احساس الامومة عندج وتجين تشوفيها
نهى:شنو شصار بيها شلونه وضعها وبيا مستشفى
علاء:مستشفى.......الاهلي
نهى:ماشي جايه
علاء:الله وياج سديته منها هي هاي ام يمكن اخر مرة تذكرت بتها بفاتحة فهد بس لخاطر جيلان اتحملها ماعرف شتحتاج بهل ظروف بقيت انتظر شوية واجتي
نهى:وينها جيلان شكالو عن وضعها
علاء:محد طلع وبلغني
نهى:شلون هيج صار وياها اريد افتهم
علاء:زوجتي ضربتها
نهى:شنو وانت اذا متزوج شكو تتزوجها اذا متكدر تحميها ليش تاخذها جان عفتها
علاء:حسج مااسمعه اخر من يحجي بهل مواضيع هو انتي
نهى:اني معفتها الظروف جبرتني
علاء:واني الظروف جبرتني اتزوج قبلها والظروف جبرتني ابقيها ومااطلكها لزوجتي بس اتحديت الظروف وكلشي واخذتها فكلام زايد مااسمع منج عفتها ورحت ادور الدكتورة المسؤولة عن وضعها
الدكتورة:منو اللي مسوي بيها هيج شي هذا يعتبر قضية تعنيف
علاء:نترت بيها خلصيني من هل كلام وضع مرتي شلونه
الدكتورة:دتنزف مهددة بالاسقاط واذا بقت هيج تفقد الجنين و
علاء:وشنو؟
الدكتورة:يمكن نضطر نشيل رحمها
علاء:تشيلون رحمها شنو هو اذا يموت الطفل بعد يتوقف النزيف
الدكتورة:مو شرط مرات ينزل الجنين بس تبقى تنزف والوگعه كلش خطيرة
علاء:وشلون يتوقف النزيف ميهمني حتى الطفل اذا يموت بس المهم هيه
الدكتورة:نشوف منا للصبح اذا ميتوقف النزيف نضطر ننزل الجنين وبعدها نشوف وضع الرحم
علاء:فركت وجهي بحيرة
الدكتورة:اذا انت هيج تخاف عليها شلون تمد ايدك عليها وتوصلها لهل مرحله
علاء:عطت بيها امد ايدي عليها شنوهي وكعت هاي اغلى من روحي عفتها وطلعت رجعت للبيت صحت وينهاااا
صباح:منيه
علاء:داكلج وينها
صباح:راحت لبيت جدك
علاء:اليوم لو مو جدي لو جيوش الدنيا كلها متمنعني منها عفتها ورحت لبيت جدي بدون سلام وين رواء
صالح:هيج تدخل بدون لاسلام ولا شي شلونه وضع مرتك
علاء:رواء وين
صالح:دخلت بيتي واذا تتقربلها معناها تتجاوز عليه
علاء:لعد هي من ضربت مرتي وخلتها بين الحياة والموت متجاوزت عليه؟
صالح:عركة نسوان منتدخل بعدين هي غلطت بس الضرب مو حل
علاء:ماشي خليها يمك بس هي من اليوم طالگ
رواء:لاعلاء ابوس ايدك لتطلكني والله ممتقصده ماعرف شلون صار هيج
صالح:تطلك بت عمك وتتخلى عن ابنك علمود وحده سا... روح الله ليبارك بيك
علاء:حتى الطفل اللي منها ماريده عفتهم رجعت للبيت طلعت ملابس لجيلان واحتياجات خليتهن بجنطة صغيرة وطلعت داروح للمستشفى بس وجودي مرح يفيدها الدعاء هو اللي يفيدها بهل وضع رحت للامام فتحت الجنطة اخذت شالها شميته حيل ونزلت دخلت بالتفتيش وصلت للحضره ركعت كدام الضريح طالبها منك ياباب الحوائج رجعلياها سالمه وكعت دمعه مني مسحتها احاول اتماسك دخلت لزمت الشباك هي اماني وروحي سندي ياباب الحوائج لتحرمني منها بس هي طلعت بيها من الدنيا يكفيني اكون وياها حتى طفل ماريد منها بس هية ماريدها تنحرم من هل شي شعور الامومة ماريدها تحس بنقص احلفك بجدك رسول الله ترجعلياها سالمه فقدتها مرة واجيت طلبتها منك رجعتلياها وهسة اخاف افقدها شمرت الشال فوك الشباك وحطيت فلوس بداخل الشباك شفت علك جريت منه خيط وطلعت رجعت يمها للمستشفى اريد اشوفها
الممرضه :ميصير ممنوع
علاء:ماتأخر والله بس اشوفها واطلع
الممرضه:اني اتحاسب والله قوانين المستشفى ماكدر
علاء:طلعت محفظتي
الممرضة:ماشي 5 دقايق بس لتتأخر
علاء:ماشي نطيتها الفلوس ودخلت كعدت يمها لزمت ايدها ونزلت عليها بستها غزالتي حلاوة علاء گومي متلوگلج هل نومة كومي ابويه اني بغيابج يتيم ضايع ترضين اضيع الدنيا تخنگني بدونج من تضيگ بيه الدنيا اباوع لعيونج وانسى هسة منو لينسيني منو ليشفي جروح گلبي طلعت الخيط الاخذته من العلگ شديته على اصبعها على كيف بست ايدها وكصتها وطلعت
نهى:وين عفتها ورحت
علاء:جبتلها غراض
نهى:وتحفتك حاسبتها
علاء:اكلج اني مو طفل وتجين تعلميني خابرتج اخاف تحتاج شي جيلان انتي اعرف بأمور النسوان غير شي كرميني بسكوتج مو تجين تعلميني شلون اهتم بيها
نهى:اريد اعرف شعجبها وقبلت بيك على هل اخلاق
علاء:كلمن يشوف اللي يناسبه عافتني وكعدت على صفحة بقينه ننتظر اخذت قرآن بديت اقره للفجر اجت الدكتورة تشوف وضعها سديت القرآن وبقيت انتضرها تطلع تطمني شوية وطلعت وگفت على حيلي شلون صارت
الدكتورة:الحمدلله على سلامتها وقف النزيف وتقريباً وضعها مستقر
علاء:الف الحمدلله مرديتني خايب يابا الحوائج رجعت سالتها الطفل شلونه؟
الدكتورة:هو وامه استقر وضعهم بس ممنوع تتحرك هل فترة بس للحمام وقليل لازم وممنوع اي تقارب واني رح اكتبلها ادوية تلتزم بيهن وحتى الاكل لازم تلتزم بأكل صحي
علاء:ماشي شوكت اكدر اشوفها
الدكتورة:الصبح ننقلها غرفة خاصة وتكدر تشوفها
علاء:ماشي كعدت اخيراً احس الدم رجع يسري بشراييني حيلي انهد سمعت الاذان كمت حجزت غرفة نكعد بيها بين متطلع جيلان صليت الفجر وبعدها صليت ركعتين شكر لرب العالمين لان رجعلياها سالمه بقيت كاعد انتظر للصبح جابوها للغرفه اخذت كرسي وگعدت يم راسها بقيت اتلمس وجهها الشاحب اثر دموعها باقي على وجهها بقيت اتأملها شوية وفتحت عينها ، الحمدلله على سلامتج ابويه
جيلان:مي
علاء:صار صبيتلها ورفعت راسها بأيدي بديت اشربها وخرت الكلاص ورجعتها نفس وضعها
جيلان:ابني حباب لتكول فقدته
علاء:اني وابنج متمسكين بيج منعوفج لو مهما يصير
جيلان:يعني بعده عايش
علاء:اي حبيبتي
جيلان:حطيت ايدي على بطني وجريت نفس نزلت دموعي لو صاير شي للطفل جان متت ورا ماتحمل اخسر طفل ثاني
