هواي گالوا ..!
لو يحبك چا كتبلك ..
كافي تتوجه إعلى چذبة ..
هواي گالوا..!
تبچي چي يبچي التحبه..
وهو يبچي إعلى اليحبه..
ياحبيبي..!
حزنك الـ مادري المن..
صار حزني..
روحي شجرة زينة..
محتامة إعلى بيتك..
وآنه هم لو عندي غيرك..
چا نسيتك..!
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
جيلان:طلعت للشارع العام امشي واتلفت مااعرف وين اروح طبگت سيارته گدامي رادت تدعمني كدما سريعه نزل منها
علاء:وين رايحة ست جيلان
جيلان:هزيت راسي بمعنى لا ماعرف شسوي وقتها نطاني تلفونه كتبتله مرايحه لمكان
علاء:طريق البيت بالجهة الثانية اعتقد صعدي اوصلج
جيلان:هزيت ايدي لا
علاء:جيلان صعدي اوصلج
جيلان:مااريد ارجع للبيت فتح عينه على وسعهن من قره الكلام وراها خزرني
علاء:شتفضلتي ست
جيلان:مااريد ارجع للبيت ..
علاء:صعدي بالسيارة بساع بدون نقاش
جيلان:اتحرك كدامي فتح الباب وخزرني
علاء:صعدي
جيلان:رحت صعدت بالسيارة، كتبتله عوفني شعليك بيه وحطيت التلفون بوجهة
علاء:الظاهر من شفتيني اعاملج باسلوب حلو استغليتيني (ضربت ستيرن السيارة)وين موليه واكو گو... يلحكج لو شايفج مياخذج هذا عقلج ميفكر فهميني
جيلان:اول مرة يحاجيني بهل اسلوب انهضمت منه غطيت وجهي وبچيت
علاء:استغفر الله باوعيلي ، جيلان دااكلج باوعيلي
جيلان:رفعت راسي
علاء:ابويه انتي ناويه تموتيني
جيلان:حطيت ايدي على گلبي بمعنى اسمالله
علاء:اذا يصيرلج شي وين اروح تقبلين تعوفيني وبعد مااشوف عيونج شتسوة عيوني اذا مااشوفج بيهن
جيلان:كتبتله يردون يزوجوني ياسر واني فهد مچنت اتقبله نوب اتزوج اخو مااكدر والله افتهمني
علاء:يولي خسرتج مرة مااخسرج مرتين هو بكيفهم ينطوج لهذا
جيلان:بس ابويه قبل لهذا طلعت من البيت لان يجبرني مثل ماسواها قبل
علاء:اني ابوچ اني اللي اقرر المن تزوجين بس خلنروح منا
جيلان:لترجعني للبيت ، شاف الكلام ومجاوبني ساق السيارة وصلنه منطقه تقريباً معزوله وگف السيارة
علاء:اي وين جنتي ناويه ترحين
جيلان:سويت حركة بأيدي بمعنى مااعرف ، ضربني بطرف اصابيعه ع راسي
علاء:هذا عقلج وين ياابويه ليش دائماً تقررين بدون مترجعيلي مصارلج درس
جيلان:غلطة وضيعتك مني العمر كله ميهمني اللي يصير بعد
علاء:جيلان تتزوجيني
جيلان:فتحت عيني متفاجئة
علاء:تتزوجيني
جيلان:بس انت متزوج
علاء:وشنو يعني اني گلبي وعقلي وروحي يمج واصلاً حتى لو مااحبج مااكدر اتقبلها
جيلان:اني قبلت فهد يتزوج لان جانت علاقتنه ممستقره وچنه رح نتطلك بس شلون اخرب زواجك انت ورواء
علاء:ماكو شي حتى تخربي اني اريدج وهل مرة مااتنازل عنج
جيلان:شلون رح يقبلون
علاء:ميقبلون
جيلان:شلون لعد
علاء:مااحتاج موافقتهم ولا حتى موافقتج اخذج غصب عنج وعنهم
جيلان:يأذوك علاء يرجعون ينقلوك للموصل
علاء:ههههه اموت وانتي مرتي يامحلاها ولاتبقين حسرة وغصة بگلبي الموت عندي اهون من انو اعوفج
جيلان:واني عندي الموت اهون من كل السويته بيك هل مرة اذا يجبروني على ياسر احرگ روحي
علاء:محد يجبرج واني موجود سووها من اني ماكو هل مرة اگابلج واكعد واذا نقلوني اعوف دوامي تدللين
جيلان:وعد اذا ينقلوك تعوف دوامك
علاء:وعد اخاف عليج تحركين روحج
جيلان:شلون حتكوللهم
علاء:كلتلهم ومقبلو گالو ياسر أولى بيها تعاركت وياهم گلتلهم من مات فهد لليوم محد سال عنها اصلاً وتعرفون الوضع شكد خطر بس اني ومهيمن متابعيها
جيلان:لعد شلون
علاء:نتزوج واحطهم تحت الامر الواقع
جيلان:مستحيل مااكدر اسويها
علاء:جيلان اذا ننتظر موافقتهم نموت وميوافقون شمروني بحلگ الموت ومهتمو المهم ينفذون اليردو اني ميهموني
جيلان:خلينه نفكر
علاء:ماكو تفكير بعد خلنرجع
جيلان:مااريد ارجع افهم هل شي بس ارجع يزوجوني
علاء:مو واثقه بيه
جيلان:هزيت راسي اي
علاء:امشي ويايه ولتفكرين اني احلها
جيلان:ابتسمت ، رجعنه للبيت نزل ويايه اشرتله بأيدي
علاء:معليج امشي
جيلان:فتحت الباب زهراء شافت علاء تفاجأت
زهراء:وين جنتي تاخرتي خابرت ابوج اجه من شغله ضل بالنه
علاء:جانت ويايه سويلي طريق
جيلان:اني مصدومة من جرأته هذا شديسوي دخلنه جوه
محمد:وين جنتي انتي دواچ الحبس اني اعلمج وفوكاها جايبته وياج وجايه ادبسز
علاء:صرت كدامها، عندك شي احجي ويايه
محمد:وانت منو وتدخل بيني وبين بنتي
علاء:اني اريد اخطبها لجيلان
محمد:ما الك مرة عندي وهي انخطبت اصلا
علاء:شوف اني اطلب الحاجة مرة وحده وباحترام بعدها مااضمنلك ابقى بنفس اخلاقي جيلان متنطيها لاحد هي الي فأقبل برضاتك بدون مشاكل وشتأمر حاضر
محمد:انت شنو ببيتي وتهدد هسة اشتكي عليك
علاء:واني اگللهم حابس بنته بالبيت وشوف منو اللي ينسجن
جيلان:عزه معقوله هذا علاء الاعرفه
محمد:جيلان روحي لغرفتج
علاء:انداريت اشرتلها بعيوني بمعنى روحي وبقينه نتفاهم
جيلان:رحت للغرفه حاولت افتهم شحجو مسمعت صوتهم حتى زهراء مو يمهم (بعد فترة سألت علاء ومقبل يحچيلي بس فهمت نطا لابويه فلوس من وضع اهلي فهمت هل شي تأذيت حيل من عرفت لان هو ممحتاج ليش يبيعني )جتي زهراء
زهراء:كومي يريدج ابوج
جيلان:كمت ركض رحت يمهم
محمد:جيلان اني مااريد اجبرج وانتي رايده علاء لهذا اني موافق
جيلان:معقوله شحجة ويا واقتنع هزيت راسي ابتسمت
علاء:خلي نعقد هسة اتحضري
محمد:ليش هل استعجال
علاء:انت مو امان تغير رأيك
محمد:لا ممقبوله منك
علاء:باوعتله صفح ماكو داعي للتأخير يلا ابويه لبسي اي شي خلنعقد بساع
جيلان:ابتسمت رحت للغرفه شلبس ماعندي هنا بس ملابس سود كل ملابسي بقن بالبيت القديم لبست فستان طويل وشال وحطيت كحلة بس طلعت مشيت هو بطأ حركته صار يمي
