في احدى الشوارع الراقية و المنازل الراقية يتوجه نظرنا إلى ذلك المنزل الذي يتكون اثاثه من اثاث حديث رقيق مع الوان حوائط دافئة
اما عن الذين يسكونون فالمنزل هم الدفئ بحد ذاته .
تلك العائلة مثل أي عائلة لا تخلو من الشجارات و المناوشات و لكن يعودون في نهايه اليوم لاحضان بعضهم البعض .
"ماسة" وهي تمسك بيان من ملابسها "ماسة" هو مش انتِ سألتيني امبارح قبل ما انام تلبسي البلوزة الجديدة دي و قولتلك لاا علشان هلبسهاا
"بيان" يوووه يا ماسة بجد ال blouse تجنن و عجباني
"ماسة" اخلعي
"بيان" بدهشة: ها؟!!
"ماسة" البلوزة اخلعيها
"بيان": "ماسة"
"ماسة" بمقاطعة "انجزي انتِ لسة هترغي ورايا شغل"
لتتأفف بيان من اختها و طريقة حديثها السوقية من وجهة نظرها ثم تعطيها ملابسها "البلوزة" و ترتدي ملابس أخرى
ليأتيهم منادات والدتهم للإفطار
"فاطمة" يلا الفطار يا اخرة صبري منك ليها صوتكوا فزع الجيران
"ماسة" بصوتٍ عالي نسبياً "حاااضر جاين"
لتنظر لها بيان بغيظ من صوتها العالٍ و طريقة حديثها
"ماسة" اعدلي خلقتك و نظرتك بدل ما ازعلك يا حبيبي
ثم تتركها و تخرج من الغرفة و تذهب لوالديها و ابنة عمها بيسان
"ماسة" ست كل و سيد الكل صباح الفل
ثم تغمز "بيسان" صباح الفل يا بيسو
لتضحك "بيسان" صباح الورد يا ميسو
لتقترب منهم "بيان" و تقول "شوف يا بابا ماسة قاعدة تدلع فيكوا كلكوا و من صبحية ربنا ماشية تتخانق معايا"
ليقول والدهم "احمد" معلش يا حبيبة بابا حقك عليا انا،ثم ينظر بعتاب ل "ماسة" و بعدين يا "ماسة" مش هتبطلي تضايقي اختك كل شوية
لتقول "ماسة" وهي تأكل " بص يا حج اشهد أنتَ سألتني بالليل يا ماسة ينفع ألبس البلوزة الجديدة بتاعتك قولتلها لا يا "بيان" علشان هلبسها بكرة صحيت الصبح لقيتها بتتسحب زي الحرامية وهي لابسة البلوزة و عايزة تطلع منغير صوت يبقى مين اللي غلطان"
ليضحك "احمد" و يقول "هي مش ماسة يا "بيان" قالتلك تجيبلك بلوزة زي اللي معاها و قعدتي تقوليلها لا ياااي زوقك وحش تستاهلي اقعدي و كلي بقى"
لتنظر "بيان" لهم بحنق ثم تجلس و تأكل في صمت و يقطع ذلك الصمت رنين هاتف "ماسة"
لتنهض هي من على مائدة الطعام و تقول " أنا هقوم امشي أنا بقى "جواد" تحت هيوصلني الشغل النهاردة"
"فاطمة" يا بنتي شغل لي النهاردة دا انتِ فرحك بعد يومين لي الشغل و المرمطة دي
"ماسة" يعني علشان فرحي بعد يومين اهمل شغلي مش كفايا واخدة اجازة شهر بعد الجواز .. ثم تلقي السلام و تهبط الى "جواد"
"فاطمة" غاوية تعب من صغرك بنتي و عرفاكي .. ثم تنظر لهم ثانيًا "كملوا اكلكوا يلا"
********************
في سيارة "جواد"
"ماسة" صباح الخير يا جواد
"جواد" صباح الفل يا قلب الجواد
لتضحك "ماسة و تقول "لا محن على الصبح مش عايزة"
"جواد" تصدقي انك فصيلة بس أي القمر دا
"ماسة" عيونك اللي حلوة يا جواد
ليبستم لها بإتساع ثم ينطلق بسيارته الى مقر عملها يكون قلق عليها كل يوم و كل ساعة ف عملها ليس بهين فهي تعمل كظابط مخابرات
يحاول ان يكبح قلقه و توتره و ان يقنع نفسه بأنها سوف تكون بخير وانه دائمًا سوف يكون بجانبها لحمايتها
بعد مرور ما يقارب نصف ساعة وصل الى مقر عملها
"جواد" وصلنا اهو يستي حمدالله على السلامة
"ماسة" الله يسلمك هنزل أنا بقى
"جواد" استني بس خدي .. استدار الى المقعد الخلفي بالسيارة و اخرج "كيس" به بعض الحلوى و عصيرها المفضل مع غداءٍ لها "خدي دول و كلي كويس و خلي تلفونك جمبك على طول و لما ارن تردي عليا على طول علشان أنا ببقى قلقان خلقة و قاعد متلصم ماشي" ثم استدار مرة أخرى و أمسك بزهرة لونها أبيض و اعطاها لها "دي وردة النهاردة لاحلى وردة" ثم نظر لها بقلق "خدي بالك من نفسك علشان خاطري يا "ماسة"
لتبستم بحب " متخافش يا جواد مراتك بميت راجل أنتَ مش واثق فيا ولا أي يجدع أنتَ و بعدين ايش ايش أي كل الحب دا "
لتجعله يضحك على طريقة حديثها ثم يقبل باطن يدها بحب
لتبتسم له و تأخذ ما اعطاه لها ثم تهبط من السيارة وهي تلوح له و ظل يقف امام المقر حتى وجدها تختفي عن انظاره ثم أنطلق بسيارته الى عمله .
********************
عند وصولها لمكتبها كادت أن تدلف الى مكتبها و لكن استدارت عندما سمعت احد يناديها
لتبستم حين رأت هذا الرجل الذي دائما تعتبره اخ لها و صديق و زميل عمل "داغر"
"داغر"بإبتاسمة: صباح الورد على وردة المقر كله عاملة ايه يا سيادة الرائد "ماسة"
لتبستم "ماسة" الحمد الله يا سيادة المقدم "داغر"
"داغر" يدوم الحمد يا سيادة الرائد ..ثم صمت قليلا ثم قال "الا هم ملاقوش اسم تاني غير اسم ماسة يسموكي بيه زمان يعني أي رائد اسمها ماسة يا شيخة عريتي المخابرات يا شيخة"
لتضحك "ماسة" على حديثه "يعني هم كانوا يعرفوا اني هتهف فنفوخي و ادخل شرطة"
"داغر" الصراحة لا معاكي حق صحيح كنت هنسى الاجازة اللي اخدتيها كانت هتتلغي بسبب مأمورية مفاجأة بس هطلع أنا المأمورية بدالك مكفأة لجوازك و راحتي منك لمدة شهر"
"ماسة" بسخرية " لا كتر خيرك يا اخي متعرفش تكمل جملة عدلة على بعض محسسني اني قاعدة فوق راسك"
"داغر" مقدرش مرخمش عليكي مقدرش اتحرق
"ماسة" بسم الله الرحمن الرحيم اتحرق بقى و غور من وشي
"داغر" اتعاملي معايا احسن من كدا أنا المقدم "داغر الشريف"
لتحرك يدها بعدم اهميه و تستدير لترحل وهي تقول " محسسني انك نجيب سويرس يا عم اتلهي" ثم تختفي داخل مكتبها
ليضحك هو عليها ثم يعود الى مكتبه
********************
أنتهى الفصل الاول ✨
*نصيحة*
"ينتهي الليل و يعود النهار فهل تظن ان حالك دائم و ان حزنك دائم فلا سعادة تأتي الا بعد حزن و شقاء اجعل لديك ثقة و يقين بالله بأن ما تريده ان كان خيرًا
لحققه لك الله في الوقت المناسب ف عليك بالصبر يا عزيزي."
رَفيقُ رِحلتي.
|چنى محرز|
أنت تقرأ
رَفيقُ رِحلَتي
Aksiكُلما وجدتُ دليل لإنهاء حيرتي يَختفي مِن أمامي،و عِند معرفتي بمن يخفي الدلائل أضعت كل شئ مِن يدي .
