يقف دموعه تهبط من كثرة سعادته ،لا يُصدق انها اصبحت زوجته ،يراها الان تهبط من على الدرج تتأبط ذارع ابيها ،كانت مثل الاميرات في فستانها الابيض اللامع ،و تاج لامع يوضع اعلى رأسها .
تنظر له بإبتسامه كبيرة ،و حب كثير تشعر بقلبها يرقص من الفرح .
وصلت له فأمسك يدها و اقترب منها قبلها اعلى رأسها ،ثم قبل باطن يدها بينما.. هي كانت تضع يدها الاخرى على وجنته تزيل دموعه بحب و كانت تحاول ان تكبح دموعها فهي أيضًا لا تصدق .
جواد: ملكتي الفؤاد يا عشق الفؤاد .
ماسة: ايوا بقى على الغزل اللي بالفصحى
ليضحك جواد و يقول "مفيش فايدة"
لتضحك معه ثم تتأبط ذراعه و يتجهوا الى السيارة التي سوف تأخذهم لمكان حفل الزفاف
*******************
في حفل الزفاف كانت تجلس على احدى الطاولات لتجد احد امامها يقول " آنسة دوري ازيك "
لتنظر للمتكلم وجدته أيهم لتقول " دوري؟! دوري مين أنا بيان "
أيهم:ما أنا عارف بس انتِ بتنسي فسميتك دوري
بيان: ومين دوري دي بقى
أيهم: انتِ مش بتتفرجي على كرتون
بيان: أي دخل دا فالكرتون
أيهم: متعرفيش دوري اللي في فيلم الكرتون "نيمو" انتِ عاقلة بقى و مش بتتفرجي على كرتون
بيان: لا لا بتفرج بس مكنتش فاكرة بس
أيهم بضحك: مش بقولك دوري
لتضحك بيان عليه ..
أيهم: انتوا مبتشربوش ولا بتأكلوا المعازيم حاجة فالفرح، فين الاوبن بوفيه أنا جاي علشانه اصلًا!!
بيان بضحك: اصلًا!!
أيهم: ايوا والله هو فين
بيان: هناك اهو
أيهم: طب تعالي نروح نشرب حاجة
بيان : مش عايزة
أيهم: تعالي بس.
لتنهض معه ذاهبة الى مكان الطعام
****************
يقف على جانب ينظر لها بإبتسامة اما بداخله يصرخ من الحزن ، يشعر بقلبه بعد قليل سينفجر من تلك النيران المندلعه بداخله ، دموعه متحجرة داخل عيناه ..
و بعد قليل من الوقت لم يشعر بنفسه الا وشخص يعطيه منديل ليمسح بعض الدموع التي تساقطت من عيناه.
لينظر للشخص يجده عزيز ينظر له و الحزن يملأ عيناه و قلبه على حال اخيه.
ليأخذ منه المنديل و يمسح دموعه ثم يربت على كتف اخيه و يستدير ليخرج من المكان بأكمله فهو لا يستطيع أن يرا اكثر من ذلك
ولكن قبل أنا يستدير نظر لها بأعين تلمع بالدموع، ويقول بصوت لم يسمعه سواه " بحبك يا أحلى حاجة حصلت فحياتي رغم انك مش ليا بس بحبك "
ثم استدار و رحل
*****************
تجلس تتحدث مع احد بغضب لا تعرف كيف لذلك الشخص تلك البجاحة و الجراءة
لتجد شخص يقول لها " يا آنسة قطعتي مفرش الطربيزة بضوافرك حصل أي للعصبية دي"
لتنظر للمتحدث بغضب و تقول " وانتَ مالك ها،وبعدين هل بندفع من مال ابوك يعني "
ليقول بغضب " ما تحترمي نفسك يا بت انتِ أي القرف اللي على المسا دا "
لتقول "قرف عليك و على دماغك"
ليقول"عارفة لولا انك بنت كنت عرفتك مقامك كويس اوي "
لتقول " روح خلي حد يعرفك مقامك أنتَ الاول و بعدين تعالى عرف الناس مقامها "
ثم تتركه و تذهب ليقف هو ينظر لها بغضب و هو يتنفس بهدوء حتى يُريح من اعصابه .. بعد أن هدأ
استدار و رحل وهو يقول " خلاص يعزيز متهتمش لكلامها هي كانت متعصبة عادي يعني و بعدين أنتَ اللي ادخلت من الاول و هي متعرفكش ف ردة فعلها طبيعي يعني مش مهم " .
ثم ابتسم و هز رأسه يؤيد حديث نفسه .
***************
أيهم:هو انتِ كدا كلتي ؟!
بيان: ايوا الحمد الله
أيهم: لا الشغل دا مش معايا نوليني كدا يما صوباعين الكفته دول
لتنظر له بإستغراب و تعطيع إناء الطعام كامل ، ليأخذ رغيف من الخبز و يضع اللحم به ، ثم يلفه بعشوائيه و يعطيه "لبيان"
بيان بتعجب: في أي ما تاكل
أيهم: دا ليكي خُدي كُلي
بيان: لا Merci مش عايزة
أيهم: هو انا هعزم عليكي!! ، ايش حال ما الفرح فرحكم ، و المفروض انتِ اللي تعزمي خدي كُلي يا بنتي .
لتضحك "بيان"عليه ، و تأخذ منه الطعام لتأكله ، ليعطيها كوب من عصير البرتقال مع سنداوتش اخر .
بيان: امي فنفسك اوي يا أيهم
ليضحك عليها و يقول " ما أنتِ اللي مش بتاكلي دا انتِ كلتي سلطة بس"
بيان: مكنتش عايزة اكل
أيهم وهو يرفع حاجبه و يضحك: مش عايزة تاكلي اومال بتعملي ايه دلوقتي
بيان: باكل
أيهم بضحك: قولي كنتي مكسوفة تاكلي معايا علشان متعرفنيش اوي
بيان: أنتَ دكتور نفساني ولا أي
أيهم: علاج طبيعي
بيان:ابقى اشتغل دكتور نفساني هتبقى perfect
أيهم بضحك:حاضر هروح اقولهم شهادة الآنسة "بيان العِمري" اهي خلوني دكتور نفساني
لتضحك على حديثه
***************
يرقصون سويًا هم ، و اصدقائهم يضحكون ، و يمرحون يلتقطون بعض الصور .
جواد:هفضل بحبك و معاكي لحد اخر لحظة فعمري يا كل عمري
ماسة: هفضل احبك لاخر يوم فعمرك
جواد: مش المفروض عمري
ماسة: اخر يوم فعمرك هيكون اخر يوم لحياتي يعني لو عايشة هكون جسد بلا روح يا جواد
جواد:لو مت فيوم من الايام متوقفيش حياتك عليا يا ماسة بس افضلي فكراني و متنسنيش .
ماسة: هفضل فكرا...
وقاطع حديثها صوت طلق ناري. لا أحد يعرف من اين ، و لكن هناك العديد من الرصاصات تتوجه لشخص واحد فقط ، و هذا الشخص الآن يقع ارضًا ، و عديد من الرصاصات تخترق جسده و دماؤه تلتف حوله .
الجميع يصرخ و يحاولون الانقاذ بنفسهم ، و البعض منهم يبكي لوافاة هذا الشخص ، وهي تقف لا تشعر بمن حولها تشعر كأنها تائهه و ان روحها تُسحب من جسدها .. و بدون اية مقدمات كانت تقع مغشى عليها ،و قبل ان يصل جسدها للأرض جاءت يد من العدم تلتقطها قبل ان تقع و تضمها له .
*****************
انهتى الفصل الرابع•
دُمتم سالمين🫀
|چنى محرز|
أنت تقرأ
رَفيقُ رِحلَتي
Roman d'amourكُلما وجدتُ دليل لإنهاء حيرتي يَختفي مِن أمامي،و عِند معرفتي بمن يخفي الدلائل أضعت كل شئ مِن يدي .
