رَفيقُ رِحلَتي

27-غضب

في هذا المكان المعتاد لهم الذي شهد على معظم مقبلاتهم يجلس ينتظرها متوتر ، حتى أرفقت به و جاءت تقترب من الطاولة الجالس عليها.
" خير يا إبراهيم نعم؟"
إبراهيم: بتتكلمي كدا ليه يا فيروز
فيروز: مبقاش في بينا كلام يا إبراهيم عشان تطلبني
إبراهيم : دا الي هو ازاي يا فيروز
فيروز:زي ما سمعت معدش في بينا حاجة عايز مني ايه ؟
إبراهيم: فيروز فوقي انتِ عبيطة؟ ما تعقلي كلامك كدا و بعدين ايه الي مبقاش في بينا حاجة دي انتِ بتقرري من نفسك منغير ما تقوليلي حتى!!
فيروز:كدا كدا مش فرقالك
إبراهيم بغضب ضاربًا على الطاولة مما جذب انتباه الجالسين: هو ايه الي مش فارقلي انتِ دماغك دي فيها ايه ها، صادمًا يده برأسها بخفه
فيروز: فيها كل خير في حد متقدملي و كويس و هوافق عليه

كاد ان يُجن من المتقدم و ما هذا الذي تهذي به " و احنا؟"
فيروز بسخرية: احنا! ، مقولتش لنفسك الجملة دي ليه يا إبراهيم ، انت مقعدني جمبك من الكلية تقدر تقولي جيت في مرة قولتلي عايز أتقدم عايز نتجوز اي حاجة؟ ، انت عايزني معاك و جمبك و خلاص لكن مفيش اي حاجة واضحة في علاقتنا يا إبراهيم ، انت مشغول بالي حواليك صحتهم أكلهم علاقتهم حتى ياخي علاقتهم مهتم بيها طب علاقتنا ! ، انت ضامن اني معاك دايمًا عشان كدا مش بتفكر بس معلش أنا مش هفضل واقفة مكاني كل الي بعمله اني بحل مشاكل و لما تعوز نخرج نخرج و لما يحصل مشكلة نحاول نحلها ، ماذا بعد يا إبراهيم ماذا بعددد

إبراهيم: بس يا فيروز انتِ عارفة اني بحبك
فيروز:و بعد بحبك ، بعد الكلام الحلو و بحبك و كل دا ايه ؟ ، انت حتى مش معترف انك غلطان انت حتى مش شايف اني موقفة حياتي عليك ، انت بتعمل كدا عشان عارف اني مليش اهل مش معنى أنهم ماتوا اني مش عارفة مصلحتي يا إبراهيم حبيتك اه بس ايه بعد الحب

إبراهيم: ممكن تسكتي ايه ملكيش اهل دي أنا دايمًا بقولك أنا اهلك عيلتي عيلتك ليه بتقولي كدا و بعد الحب جواز يا فيروز
فيروز: اديك قولت جواز، انت عمرك جبت سيرته لا يبقى خلاص طلاما انت مش شايف انه موجود يبقى أتجوز أنا
أبراهم: أنا لو سمعت الكلمة دي تاني يا فيروز صدقيني مش هتشوفي كويس و العريس دا هيترفض يا اما هشوف أنا شغلي معاه ؛ ليصمت قليلًا ثم قال " و معاكِ"

فيروز: انت بتهددني ولا ايه و المفروض اخاف يعني
إبراهيم وهو يريح ظهره على ظهر المقعد: لا مش بهددك أنا بعرفك الي هيحصل لو كلامي متسمعش وانتِ عارفة اني مبهددش، و ان على الخوف ف انتِ عارفة برضو ان عمري ما كان هدفي اخوفك و عارفة ان لو هاذي الكل مش هأذيكِ انتِ ؛ لينهض من على مقعده ليذهب و لكن قبل ذلك هبط بجسده ليصبح فمه بجانب أذنها قائلًا " و عارفة ان لو الدنيا اتحرقت هيكون هدفي حمايتك متقنعيش نفسك بعكس كدا ، لما العريس يترفض كلميني اقولك على حاجة كنت هقولهالك قبل ما اسمع العبط دا "، ثم ذهب .
____________________
"ماماااا، عايز اكل"
فاطمة بضحك: حاضر يا جبر
جبر: ماما هو لما أنتوا عايشين ليه كنتوا سايبني مع الناس الوحشة دي تضربني
لتتلاشى الضحكة من على وجهها و كادت ان تجاوب إلا انها وجدت زوجها الحبيب جاء من خلف صغيرهم حامله على كتفه ضاحكًا: عشان كانوا لما انت اتولدت قالوا لينا ان جبر مات بعد الشر و خطفوك مننا منغير ما نعرف بس وعد رجالة هاخد حقك ماشي؟
جبر بابتسامة: ماشي، ممكن تشغلي البلايستيشن العب؟
احمد: بس كدا من عيني اغير و العب معاك كمان
جبر بضحك: يعيش بابا يعيش
؛ ليضحكوا ثلاثتهم سويًا