_ بعد مرور اسبوعين.....""
_ خلاص ياحبيبتى احنا قربنا نوصل اهو....قالها اسد وهو ينظر تجاه ريماس الباكيه
مسحت دموعها بحزن من والديها : مش عارفه ازاى لا بابى ولا مامى قالولى لولا انى كلمت جورى ماكناش عرفنا خالص....هما مايعرفوش طنط تولين بالنسبالنا اى
ربط بيده فوق كتفها بحنان وحب : طب كفايه عياط
اكيد ماكنوش عايزين يقولوا لينا عشان احنا فى شهر
عسل.....بس جورى طمنتنا وقالت ان طنط تولين خدت 3 جرعات....وفاضل خمسه لسه وان شاء الله خير وبعد كدا هيعملوا العمليه
تنهدت بحزن لتضع راسها على كتفه وتنظر للطريق امامها بشرود
_ بعد مرور عدة ساعات
ضمتها سيلا باشتياق حار : حبية مامى وحشتينى اوى
بادلتها ريماس الاحتضان باشياق مماثل : وانتى وحشتينى اوى يامامى اومال فين بابى وفين ليلى
دى وحشتينى اوى وكل مااتصل عليها الاقى الفون بتاعها مقفول
كان اسد يضم والدته باشياق شديد....اقتربت ريتال من ريماس هاتفه : حبيبة عمتو وحشتينى اوى
ضمتها ريماس بلهفه : وانتى وحشتينى اوى ياعمتو
جلست جوارهم ليتبادلوا الحديث معاً لتهتف ريماس بعتاب : كدا محدش يقولى ان طنط تولين تعبانه انا عاوزه اروح اشوفها واطمن عليها
اقترب اسد منها وقبل جبينها بحنان : انا هروح اشوف خالى واشوف بابا فى الشركه وبعد ماارجع هاخدك ونروح نطمن عليها
_ اسد زمانه جاى فى الطريق انا كنت لسه بكلمه و اول ما عرف ان ريماس جايه ساب الشغل وجاى...
هتفت سيلا جملتها بابتسامه حانيه
ابتسمت ريماس تجاه اسد بحب ليبادلها ابتسامه حانيه ثم يخرج نظرت للاعلى وهتفت بحزن : ليلى مانزلتش تسلم عليا حتى دى وحشانى اوى وعايزه اشوفها انا هطلع انا اشوفها
نظرت سيلا لها بحزن على صغيرتها التى اصبحت لا تخرج من غرفتها لا تتحدث مع احد فقط تجلس وحيده منعزله عن الجميع....اين ليلى الشقيه ليلى المجنونه اصبحت ليلى اخرى حزينه منكسره وهذا بسبب اسد....يكفى لن تصمت بعد الان لن تصمت على عذاب صغيرتها بعد الان
فتحت ريماس باب الغرفه لتجد ليلى تجلس بركن ما تبكى بقهر وعذاب.... اقتربت منها بلهفه : ليلو يا حبيبة قلبى مالك ياروحى
نظرت ليلى لها بانكسار لتهرب باحضان شقيقتها تبكى بصوت عال شهقات بكاؤها تعلو من قسوة والدها عليها يكفى فهى لم تعد تتحمل تلك المعامله منه
