[Unicode]
ရက်နည်းနည်းကြတော့ ကျောင်းရီအမေ အားလပ်ရက်တစ်ရက် ရလာတယ်။ ကျောင်းရီတစ်ယောက် နှစ်ကူးပစ္စည်းတစ်ချို့ သွားဝယ်ရမှာမို့ ဒီနှစ်ရက်အတွင်း တူတူကစားဖို့ အချိန်မရှိတော့ကြောင်း ရှဲ့ကျန်ကို ပြောလိုက်တယ်။
ရှဲ့ကျန်က ပြောတယ် သူ နှစ်ကူးပစ္စည်းတွေ တစ်ခါမှ မဝယ်ဖူးဘူးတဲ့။ တရုတ်နှစ်သစ်ကူးဆိုတာ သူ့အဖေ အလုပ်အများဆုံးအချိန်ပဲ။ ဒါကြောင့် ဆယ်စုနှစ်တစ်ခုကျော်ကြာ သူတို့နှစ်ယောက် ဒီလိုနေ့မျိုးမှာ ထမင်းတစ်နပ် တူတူ မစားဖူးခဲ့။
ကျောင်းရီက ပြန်မေးလိုက်တယ် ဒီနေ့လည်း တူတူပဲလား?
ရှဲ့ကျန်လည်း ဟုတ်တယ်လို့ ပြန်ဖြေလိုက်တယ်။ နှစ်သစ်ကူး ညစာအတွက် အစောင့်ဝယ်လာပေးတာပဲ စားလိုက်မယ်တဲ့။
ကျောင်းရီက သူ့မားမားကို နှစ်ကူးနေ့ညစာအတွက် ရှဲ့ကျန်ကိုပါ ဖိတ်လို့ရမလားလို့ မေးကြည့်လိုက်တယ်။
သူ့မိသားစုမှာလည်း ညစာတူတူစားကြမှာ အမေနဲ့သားနှစ်ယောက်တည်။ သူ့အဖိုးအဖွားတွေကိုကျ ဦးလေးက မြောက်ပိုင်းမှာ အခြေကျဖို့ ခေါ်သွားပြီလေ။ သူ့မားမားကလည်း နှစ်သစ်ကူးအတွက်ဆိုပြီး သူတို့ဆီ တစ်ခုခု ပို့ထားပြီးပြီ။
သူ့မားမားက အခြေအနေကို နားလည်ပြီး ပျော်ပျော်ကြီး သဘောတူလိုက်တော့တယ်။ သူ(မ) နှစ်ကူးပစ္စည်းတွေ များများပိုဝယ်ထားလိုက်သေးတယ်။
"မားက အေးတိအေးစက်နဲ့ အထီးကျန်တဲ့ အိမ်ကြီး ဖြစ်သွားမှာကို စိုးရိမ်နေတာ" ကျောင်းရီမားမားက ပြောတယ် :: "အခု သားလေးမှာ သူငယ်ချင်းကောင်း ရှိနေပြီဆိုတော့ မား စိတ်အေးသွားပြီ။"
နှစ်ကူးနေ့မှာ ရှဲ့ကျန်တစ်ယောက် သူ့အိမ်ကို အထုပ်ကြီးအထုပ်ငယ်များနဲ့ ရောက်ချလာလေရဲ့။ ကျောင်းရီမားမားခမျာ ကြောင်အသွားရတယ်။ အားဆေးတွေ၊ ဖြည့်စွက်စာတွေ၊ cosmetics တွေ အများကြီး အများကြီး... ပြီးတော့ ကြည့်ရတာ သူ(မ)အတွက် ဝယ်လာတဲ့ပုံပဲ။
ကျောင်းရီမားမားက နောက်လိုက်တယ် :: "ဒီကလေးကို ကြည့်ပါအုံး။ တအား ယဉ်ကျေးတာပဲ။ မသိရင် ယောက္ခမအိမ် လာလည်နေသလိုပဲ။"
ESTÁS LEYENDO
ဘတ်စကတ်ဘောခေါင်းဆောင်က ငါနဲ့ချိန်းတွေ့ဖို့ ဆုံးဖြတ်လိုက်ပြီတဲ့ {ဘာသာပြန်}
RomanceDon't repost the commissioned Fanart CV anywhere for commercial purposes! Artist - Elizabeth Sora ✨ Novel name နဲ့ information အပြည့်အစုံကို အထဲမှာ ရေးသားပေးထားပါတယ်။ Start Date-5.5.2021 End Date-
