بسم الله الرحمان الرحيم
{اذا عجبتكم خلوها بالمكتبة ، العدد ٤٠ بارت ، ينزلون كلهن سويه بعد شهر .}
وإنما الناس بحار فلا تحكم على اعماقهم
وانت لاترى الا شواطئهم.
_______________________
كل بشر واله احداث بحياته بس اني حياتي مخربطة
ماينعرف راسها من رجليها .
اني بطريس مواليد 1975/7/15 ، الابن الاصغر لـ "حجي كريم"
شاب بسيط من عائلة متوسطة مادياً حياتنه كلها مشاكل علئ اقل الاسباب حتئ لو علئ "نملة"
خريج قانون ، متقلب المزاج ، مايعجبني شي ، مخبل .
أبدي قصتي بسنة ١٩٩٨ .. بأول يوم بهاي السنة جان يوم من أسوء ايام حياتي .
حجي كريم : يعني هسه مابيج حيل كلش
سامية : وروح ابوي مابيه اخذ الجهال وروح
رأس السنة ويردون يتونسون
بطريس : روح حجي اني ابقة يم أمي اصلا بالي ضايع
افكر بالتعيين اريد اخذ قرار ابدي لو انتظر واذا رحت وياكم ما اتونس حتئ اضوجكم وياي
حجي كريم : سمسمة بالي يضل يمج اذا اروح
طمنيني بكلمة طيبة
سامية : روح حبيبي لا يضل بالك شوية واصير زينة
بطريس : هم يصير عندي مره واخاف عليها ..!
حجي كريم باس راس سامية وعدل حجابها
- بعد سلامة سمسمتي ، دير بالك علئ زوجتي
بطريس : زوجتك هيه أمي يلغالي
سامية : حجي لا تخوفني عليك گلبي مقبوض
حجي كريم : جا شسوي ساعة تكولين ضل ساعة اكعد ساعة خايفة عليك
سامية : يلا هاهيه لله وياك عود دك عليه من توصل
حجي كريم : تدللين عيوني الج ... بوية بطريس دير بالك عليها
- صدك جذب اخليها بين عيوني
دخل أحمد وشايل فطومة مدثريها حتئ وجها مينشاف
- ها بوية كلنه منتضرينك يمته تجي
حجي كريم : هسه بويه
رحت يم فطيمة واعض خدودها
- ولج فطيمة شنو هل خدود بوية طماطه
أحمد : ولك هسه امها تشعوط بس تشوف خدودها معضوضه
شلت فطيمة من حظنه وهيه تضحك شردت برئ البيت
- اليوم اخطفج بعد متشوفين اهلج
هيه تضحك وترفع اديها عود جاي تطير
شافتني امها أسيل صار لون وجها أصفر
أسيل : ولك البنية فطومة يمه ولك هدها هاي شمسوي بيها يا عزه بطريس البنية
انطيتها فطيمة وهيه تلعلع عليه :- خاب ماينلام اخوي من يكول عليج دجاجه بس تقوقين
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
