بسم الله الرحمان الرحيم
طلعت الورقة ودكيت عليّ :- الو السلام عليكم
- وعليكم السلام
- ان شاء لله اليوم حاضر ويانه
- اي طبعاً شلون ما اجي بالنهاية اني بمثابة ابوها
- موعدنه ورئ صلاة المغرب
- هاهيه اني من اوصل للمنطقة اخابرك
- تمام عمي
- الله وياك عمو
- في أمان الله
سد الخط واني فرحان و علي كاعد بصفي وفرحان
- علي كوم جيب لبن وتعال على ما اسوي الاكل
هوا راح واني رحت خليت الدجاجه تنسلك علئ نار هادئ وطلعت للفرس نظفت مكانها خليته يلمع وسبحتها ودخلتها لمكانها رجعت طلعت الدجاجه وكلّيتها وخليتها بماعون وغطيتها
و علي بعده ما جاي طلعت من المزرعه وشفته يتمشئ ويه زينب كبل طبيت خاف زينب تخجل مني حطيت الخبز بالصينيه و حطيت الماعون وديتهن بالصاله ورجعت جبت ماي وتمر وكلاصات وكعدت منتظره
دخل و يتبسم :- ان شاء لله دوم الابتسامه على وجهك اي كلي ليش اتاخرت
هوا كعد ويعدل بشعره :- اخذتني سالفة ويه زينب
- سالفة وحده بيها الخير ، اي شنو هاي السالفة؟
- تريدني ادرسها بس بدون ما امها تدري لان حاجتها من قبل و ماقابله
- وشلون راح تقريها؟
- اكتبلها بالورقات شرح الموضوع واذا شفتها بالشارع اشرحه الها وانطيها الورقه
- وهيج هيه راح تفتهم
- مادري
- شوف اني عندي الحل اذا خليتك وياها ٤ ساعات بالقليل تكدر تدرسها ماده مال شهر؟
- اي اكدر
- حضر روحك باجر تكعد وياها وتدرسها
- شلوون؟
- لك بابه مو تريد تدرسها؟
- اي
- لعد اكل واسكت الدجاجه راح تبرد شوفها بلكوه سويتها مادري شلون
هوا طلع الخبز واني صبيت البن وبديت اكل طلع الاكل طيب ، علي :- عاشت ايدك والله طيب الاكل
- اتعلم مني حتى تطبخ وتصير معدل وماتعتمد على احد
- منو علمك الطبخ؟
- بيبيتي ام ابويه وخالتي ام سرمد الله يرحمهن جنت اكضي نص وكتي وياهن لهيج اتعلمت الطبخ وكضيت شهرين اخدم بالعسكرية شبعوني تدريبات وبس اني اطبخ محد يعرف يطبخ شيلوني السلاح واني عمري ١٦ لعبوا بيه طوبه حاروا وين يخلوني تالي ابوي بلكوه سحبني منهم وخلاني اكمل دراستي والحزب يركض وراي وين ماروح وعلي متعبهم ماخليت واحد يطخني بايده ويكول كضيته يرمون عليه واني اركض ...
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
