بسم الله الرحمان الرحيم
الخميس
- ليتباهه بمطر لا يعاتب ناس تبللت بي
- تفجرت السماء صواقع لاجل مطرها تفحم يباس عقول من الخلق لعلها تنقرض
هوا وكف كدامي ويزهك :- استر مرتك بالاول بعدين كول علينه عقول يابسه
رفعت ايدي جاي اضربه راجدي رجع ليوره وضحكت الوادم علئ مظهره :- عقول مطايه بصحيح
درت وجهي وشفت ضله اتقرب الي كبل رجعت ايدي ليورئ بسرعة وطبعت المحبس بين خده وعينه من قوه الضربه طاح علئ صاحبه
- ماكدروا عليه يردون يغدروني لك بابه لا ثقافه لا عقل لا وعي اجتماعي لا تصرف مثل الوادم ادري لرضعتك ماربتك ماتعبت روحها بيك؟
هوا ضل كاعد بالكاع وخال ايده علئ خده وهذاك يجوعر مثل المطي اخذتهن ومشيت :- شوفن حتئ تكولن ليش ما تطلعنه من سوالفچن هسه يمه يعني فريتج فر وجنتي باكثر من محل مالكيتي جواريب ما انتبهتي زين انتِ حايره بشي هاي الوياج شبيها بيها جني ما انتبهت لو هذيج مطلعه رجليها زين من فوك ترضين لله ورجليج يرضن أبن آدم لو شنو فهميني
طلعت جواريب مالتي وانطيتهن الها :- هاج البسيهن
هيه ما اخذتهن زهكت بيها :- ويامن احجي
هيه فزت واخذتهن :- البسيهن لا تضميهن
حجت وصوتها بي بجيه :- اي
شفت مطعم دخلتهن بي وكعدتها بالزاويه ودفعت الطبله خليت الها مجال تلبس الجواريب وكعدت بصفها و علي بصفي :- يلا البسيهن
هيه بدت تلبسهن وصوت بجيها مسموع
- يمعوده لا تبجين تره لمصلحتج ، أمانه عندي ماكدر افرط بيج ولله ، ماشفتي الحجِي شلون أكد عليه اكثر من مره ، لله عليچ كلامي غلط
- لا ، بس ولله شفت العبايه طويله ...
هيه كالتها وبجت واسيل تسكت بيها :- ولج كافي غير يخاف عليج ماشفتي شسوئ بالولد علمودج خطيه حارك دمه عليج واحد غيره يستحي يفك حلكه حتئ لا ينفضح عاد هوا دافع عليج وسواهم مضحكه ، تبجين المن؟ ولله واحد غيره يشبعج تكفخ كدام الوادم
اني كمت اشوف شصار بالاكل رجعت وكعدت
- ها لبستي الجواريب
هيه كبل بجت :- شبيها ولج بابا احنئ بمنطقة شعبيه مو ناس مثقفه هذوله همج
اسيل : بلكوه سكتناها بشرفك اله تأكد عليها " لبستهن ارتاحيت "
- اي ارتاحيت شكد صايرات حساسات عمي شبيچن ماتتحملن كلمه كليلها احنئ بمنطقة شعبيه
ضلن يسولفن ويضحكن ونزل الاكل وشلت فطومه من الطاولة وكعدتها بلكوه فتحت عيونها
- فطومتي فطمطمياتي حبيبتي عمو يلا اكعدي هاي الاكل مو تحبين الدجاج
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
