بسم الله الرحمان الرحيم
هيه وكفت يم رأسي والدمعه بعينها :- بطريس بيت ابوي حباب لتخليهم ياخذونه
- والله ما ياخذونه وداعتج
- اخر شي ضل من اهلي لا تخليهم يحرموني منه
حرت شسوي كعدتها بصفي وحظنتها :- كافي تبجين لا والعباس اطلع هسه واكتلهم سكتي لو لا مو احجي
هيه ضلت تشهك وتكول بيت ابوي ، وابوي رجعلهم كل فلوسهم ليش يجذبون ، اسكت بيها ماتسكت طلعت اصيح ابوي ، وهوا حاير بيهم وخالها الجبير كال مانطيها البيت
دخلت ولبسته عكاله بركبته وخنكته بي وهمه التموا عليه :- ابن الكلب ماتنطيها حلالها مو ماتنطيهاااا اليوم انعل والديك ماخليك عايش مرتي هاااي مرتي شلون ماتنطيها حق اهلها المتوفين واني عاييششش....
ابو محمد : ما انطيها
دفعت ابن عمي وخنكته حيل :- والله دنعل والديك لابو الخلفك كتلتك على ايدي ابن النكس
حجِي كريم : هده لا يموت بأيدك ابن الخـ'ره ناقصني اني ولك ابن الكلب نعلعله روح اهلك
ابو داوّد : ولك عمي بطريس هده لا يصير غير تصرف ويانه
عمامي فكوا مني وطلعوني برئ شبعت كفخات من ابوي وخروا مني واني فركت رأسي
حجِي كريم : ابن القندره اني اريد افضها وانتَ جاي تخري بكصت الخلفك مو جاي احجي وياهم المن دخلت انتَ تصرف بكيفك تحجي بكيفك
- مرتي ماعت روحها حاظنه بطنها وتبجي تكول بيت ابوي ، وابوي رجعلهم فلوسهم ادخل وشوفها ، اذا صار شي بيها وين انطي وجهي حامل وتبجي شبعت قهر بشوفتها ....
طبيت لاستقبال واباوع على خالها وهمه مجتفيني وابوي يصيح :- وعلي اذا صار الها شي لو لبنتي كتلتكم على ايدي حلال نسلكم اكضه واندف ضلوعه
طلعوني من الاستقبال وهم شبعت كفخات .
هوا دخل وضل يحجي وياها ويهدي بيها وهمه يصيحون بالاستقبال :- ماننطيها مو حقها نسيبنه دافع بناء البيت واختي مكمله الهم فلوس الكاع على شنو حقها
هيه سمعت الحجي مالته وضلت تصيح وابوي طلع واتعارك وياهم وهمه مايسكتون :- شوفي ولج كفيلج العباس البيت يرجعلج وهاذ البجي اذا ما بطلتي اطلكج سمعتييي لو لا ؟
اخذت الكرك من المنور واحمد وكف كدامي :- احمد وخر
احمد : استهدي بالرحمان هسه ابوي يتفاهم وياهم
- احمد وخر هاي راح تموت من البجي لا تخليني اموتك قبلها وخر احسلك اني اعرف شلون اصرف وياهم هذوله ناس سلابه ساقطين الله ومحمد وآل بيته متبرين منهم
هوا وخر وشال البندقيه ومشه ورايه و جهال خوالها وكرايبهم كدامي نزعت الكرك وتخذت العوده مالته وياهوا الكدامي اضربه مالحكوا على بنادقهم خطيه ، هيه خربت خربت كضيت رأس خالها الصغير وعنجرته .
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
